Jɔshwa 18:16 - Krio Fɔs Oli Baybul

¹⁶ I rɔn go dɔŋ di mawnten we go bɔs na di nɔth pat na Refaim Vali usay Di Sɔn ɔf Inɔm Vali bigin. Frɔm de i tɔn sawt, pas insay Inɔn Vali nia di lɔŋ rod we di Jɛbyusayt dɛn de, fɔ go tɔch usay wata de kɔmɔt ɔndagrɔn we dɛn kɔl Ɛnrogɛl Spriŋ.

Jɔshwa 18:16 Referans Kwoze

2 Kiŋ 23:10

Josaya pwɛl pwɛl Tɔfɛt we na de dɛn bin de wɔship lay lay gɔd na Inɔm Vali fɔ lɛ nɔbɔdi nɔ go de sakrifays in pikin de igen na faya to Molɛk.

Ayzaya 30:33

Bikɔs ples fɔ bɔn pɔsin bin dɔn rɛdi lɔlɔntɛm. Yɛs, dɛn bin dɔn rɛdi am fɔ di kiŋ. Di say we dɛn mek fɔ bɔn pɔsin, bin dip ɛn wayd, wit faya ɛn wud abɔmpa. Wɛn PAPA GƆD blo wit in mɔt, i go tan lɛk brim ston riva, ɛn nain go layt di faya.

Jɛrimaya 32:35

Dɛn bil ples dɛm fɔ wɔship Beal na Inɔm in bɔypikin in vali, fɔ sakrifays dɛn bɔy ɛn gyalpikin dɛm to molɛk, ɔlwe a nɔ kɔmand dɛn fɔ du dat, ɛn dat nɔ kam na mi maynd sɛf, fɔ mek dɛn du da tin we a et bad bad wan, fɔ mek Juda kɔmit sin.

Jɛrimaya 19:11

ɛn yu go tɛl dɛm se, ‘Na dis PAPA GƆD Ɔlmayti se: Na so a go brok dɛn pipul ya ɛn dis siti, lɛkɛ we pɔsin de brok di tin we pɔta mek wit kle, so dat dɛn nɔ go ebul pach am igen. Pipul dɛn go de bɛr na Tɔfɛt, bikɔs nɔn ɔda say nɔ go de fɔ bɛr.’

Jɛrimaya 19:6

PAPA GƆD se, fɔseka dat, tɛm de kam we dɛn nɔ go kɔl dis ples Tɔfɛt, ɔ Inɔn in bɔypikin in vali Igen, bɔt dɛn go kɔl am di vali ɔf slɔta.

Jɛrimaya 19:2

ɛn go na di vali ɔf di sɔn ɔf Inɔm fɔ go insay Pɔtshɛd Get, ɛn tɔk dɛn wɔd dɛn ya, we a de tɛl yu, lɛ ɔlman yɛri.

2 Kronikuls 33:6

Ɛn i tek in bɔypikin dɛm mek ɔfrin ɛn bɔn dɛm na faya na di vali we nem Vali ɔf di sɔns ɔf Inɔm, ɛn i bin de tɔk to dɛbul, ple magik ɛn du ɔlkayn wikɛdnɛs, ɛn i gɛt biznɛs wit ɔlkayn dɛbul ɛn dɛn wichman. I du bɔku wikɛdnɛs na PAPA GƆD in yay we mek i vɛks.

2 Kronikuls 28:3

ɛn i bin de bɔn insɛns na di Inɔn in bɔypikin dɛn Vali, ɛn bɔn in yon bɔypikin dɛn as bɔn sakrifays, we na sɔm pan di bad bad tin dɛn we di pipul dɛn we PAPA GƆD bin drɛb kɔmɔt na di land fɔseka Izrɛl, bin de du.

1 Kronikuls 14:9

Di Filistin dɛm bin dɔn kam tif ɛn lut na di Rafayim vali.

1 Kiŋ 1:9

Adonayja mek ship, got ɛn dɛn fat kaw sakrifays, pantap Snek Rɔk nia Ɛnrogɛl. I invayt ɔl in brɔda dɛn we na di kiŋ in ɔda bɔypikin dɛn, ɛn ɔl di ɔda bigman dɛn na Juda we bin de na di kiŋ in gɔvmɛnt;

2 Samiɛl 17:17

Jonɛthan ɛn Aimaaz bin tap na Ɛnrogɛl da tɛm de, so dɛn sɛn wan savant-gyal fɔ go tɛl dɛn so dat dɛn go go tɛl kiŋ Devid bikɔs if dɛn si dɛn na Jerusɛlɛm, dɛn go de pan trɔbul.

Di Jɔj Dɛm 19:10

Bɔt di Livayt nɔ gri igen; i tek in switat ɛn in tu dɔŋki we tiŋs pak ɛn go. Dɛn go te dɛn rich ɔpozit Jebɔs, we na Jerusɛlɛm.

Di Jɔj Dɛm 1:21

Bɔt di Bɛnjamin fambul nɔ bin drɛb di Jɛbyusayt dɛn kɔmɔt Jerusɛlɛm; na dat mek di Jɛbyusayt dɛn de wit di Bɛnjamin fambul na Jerusɛlɛm te tide.

Di Jɔj Dɛm 1:8

Di man dɛn na Juda bin atak Jerusɛlɛm, kil kil ɔlman ɛn bɔn di siti.

Jɔshwa 18:28

Zɛla, Aɛlɛf, Jɛbus (dat na Jerusɛlɛm), Gibɛa ɛn Kirith Jɛarim. fotin siti wit ɔl dɛn vilej dɛn. So na dɛn siti dɛn ya mek ɔp di land we di Bɛnjamin fambul bin gɛt we di land bin sheb.

Jɔshwa 15:63

Bɔt di Izrɛlayt dɛn nɔ bin ebul drɛb di Jɛbyusayt dɛn kɔmɔ Jerusɛlɛm so dɛn de wit dɛn de te di tɛm we dɛn bin de rayt dis buk

2 Samiɛl 5:18

Da tɛm de di Filistin dɛn bin dɔn skata ɔlɔbɔt na di Refaim Vali;