Jɔshwa 18:12 - Krio Fɔs Oli Baybul

¹² Dɛn bawndri na di nɔth bigin na Riva Jɔdan. Dɔn i go ɔp to Jɛriko, go ɔp na di wɛst say na di Kɔntri dɛn we de ɔp il ɛn go tap na di ɛmti ples we pɔsin nɔ go ebul tap we de nia Bɛthavɛn Siti.

Jɔshwa 18:12 Referans Kwoze

Jɔshwa 16:1

Di sawt bawndri na di nɔth na di land we PAPA GƆD gi Josɛf in jɛnareshɔn bigin na di ist say usay wata de kɔmɔt ɔnda grɔn we dɛn kɔl Jɛriko Spriŋ we de nia Riva Jɔdan. Di bawndri kɔmɔt Jɛriko na di nɔth wɛst go na di ɛmti ples we pɔsin nɔ go ebul tap, go ɔp di kɔntri dɛn na di il ɛn go as fa as Bɛthɛl.

Jɔshwa 7:2

Jɔshwa sɛn sɔm man dɛn kɔmɔ Jɛriko fɔ go wach wan siti we nem Ay. Ay bin de na di wɛst pat to Bɛthɛl, ɛn i nɔ bin de fa frɔm Bɛthavɛn siti. I tɛl di man dɛn se dɛn fɔ go fayndawt ɛnitin dɛn ebul bɔt Ay siti. So di man dɛn du wetin Jɔshwa tɛl dɛn.

Ozie 10:5

Di pipul na Sameria go fred we dɛn si di kaw-pikin dɛn we dɛn mek na Bɛthavɛn. Di pipul go fil am lɛk se dɛn gɛt bɛrin ɛn dɛn man dɛn we de mek sakrifays to Beal sɛf go fil am we PAPA GƆD dɔn pul di tin we dɛn de blɔf fɔ kɔmɔt to dɛn.

Ozie 5:8

Una blo di ɔn na Gibia ɛn blast di trɔmpɛt na Rama, Sawnd di alam na Bɛthavɛn; una mach, go bigin di fɛt, pipul we de na Bɛnjamin.

Ozie 4:15

I tɛl Izrɛl se pan ɔl we dɛn de biev lɛk rare gyal, dɛn nɔ fɔ miks di pipul na Juda pan wetin dɛn de du. I se di pipul na Juda nɔ fɔ fala dɛn go na Gilgal ɔ Bɛthavɛn ɛn ivin swɛ to PAPA GƆD.

Jɔshwa 6:1

Di pipul na Jɛriko bin lɔk dɛn get lɛ di Izrɛlayt dɛn nɔ ebul go insay; nɔbɔdi nɔ bin de go insay ɔ kɔmɔt na do.

Jɔshwa 3:16

As dɛn du dat so, di wata we bin de kɔmɔt ɔp say jɔs tinap wan ples ay wan fawe na di siti we dɛn kɔl Adam, we de nia Zarɛthan. Di wan we bin de rɔn go na di Dɛd Si, kɔtɔf totali. Nain di pipul dɛn krɔs Riva Jɔdan go oba say fesin Jɛriko.

Jɔshwa 2:1

We di Izrɛlayt dɛn bin kamp na Akeshia, Jɔshwa we na Nɔn in pikin sɛn tu man fɔ go ayd wach Kenan aw i tan. We dɛn go na Kenan, dɛn go tap na wan rare gyal we nem Reab in os.

Jɔshwa 8:15

Nain Jɔshwa ɛn di Izrɛlayt sojaman dɛn mek lɛkɛ se dɛn fred di Ay Fɛtman dɛn, ɛn rɔn de go lɛkɛ we yu wan go na di Jɔdan Vali.

Jɔshwa 18:11

We Jɔshwa bin de fɛnɔt udat fɔ gɛt usay, di fɔs fambul we gɛt land pan dɛn sɛvin fambul we nɔ bin gɛt land yet na di Bɛnjamin fambul; dɛn gɛt di land we de bitwin di Juda ɛn di Josɛf fambul na di sawt, ɛn di Ifrem ɛn Wɛst Manasɛ na di nɔth.

1 Samiɛl 13:5

Di Filistin dɛnsɛf gɛda fɔ fɛt Izrɛl, wit tati tawzin ɔs ɛn karej, siks tawzin man fɔ rayd di ɔs ɛn karej, tu fɔ wan, ɛn bɔku bɔku sojaman dɛn we tan lɛk sansan we yu nɔ go ebul kɔnt. Dɛn go ɔp na Mikmash we de na di ist we yu kɔmɔt Bɛthavɛn. Na de dɛn kamp.