Jɔshwa 17:7 - Krio Fɔs Oli Baybul

⁷ Na di nɔtwɛst, di Manasɛ fambul dɛn land in bawndri tap na di Asha fambul dɛn land. Dɛn bɔda na di sawt kɔmɔt frɔm Mikɛmthath Siti we de na di ist pat to Shɛkɛm go tap na sawt usay di Ɛntapua pipul dɛn de.

Jɔshwa 17:7 Referans Kwoze

Jɔshwa 21:21

Di siti dɛn we dɛn gi dɛn na Shɛkɛm we de na di mawnten, we na wan pan di siti dɛn we pɔsin we mistek kil pɔsin kin go ayd, Gɛza ɛn ɔl di land dɛn we plɛnti gras de gro fɔ animal fɔ it,

1 Kronikuls 6:67

Dɛn gi dɛm di siti dɛn we pɔsin we kil pɔsin fɔ ayd; Shɛkɛm ɛn ɔl in land dɛn we plɛnti gras de gro fɔ fid animal, we de na di il dɛn na Ifrem, Gɛza ɛn ɔl in lan dɛn we plɛnti gras de gro fɔ fid animal,

1 Kiŋ 12:25

Kiŋ Jɛroboam bil militri bes na Shɛkɛm we de ɔp di il na Ifrem bikɔs na de i bin tap. Wɛn i lɛf de i go na Pɛniɛl ɛn go bil ɔda bes de.

1 Kiŋ 12:1

Rɛoboam go na Shɛkɛm ɛn na de ɔl di Izrɛlayt dɛn bin dɔn gɛda fɔ mek am kiŋ.

Di Jɔj Dɛm 9:1

Gidiɔn in bɔypikin we nem Abimɛlɛk, go Shɛkɛm to in yon mama in pipul dɛn go tɛl dɛn se,

Jɔshwa 24:32

Lɔntɛm bifo Izrɛl bin go tap na Ijipt, wan pan di Izrɛlayt dɛn fɔstɛmpapa we bin nem Jekob, bin bay wan lɔt, wan ɔndrɛd silva kɔpɔ, na Amɔ we na Shɛkɛm in papa, in jɛnareshɔn dɛn an. We di Izrɛlayt dɛn bin de kɔmɔ na Ijipt, dɛn bin tek Josɛf in bon bon kɔmɔ de. I bin de wit dɛm pan ɔl di waka dɛn we dɛn bin de waka. So dɛn bɛr am na da lɔt de we Jekob bin bay na Shɛkɛm.

Jɔshwa 24:1

Jɔshwa sɛn tɛl ɔl di difrɛn difren fambul dɛn na Izrɛl fɔ mit na Shɛkɛm Siti. We dɛn go de, i kɔl ɔl di ol pipul dɛn, di bigman dɛn; di pipul dɛn we de bifo di difrɛn fambul dɛn, di jɔj dɛn ɛn ɔlman na Izrɛl fɔ go tinap bifo PAPA GƆD in Ak ɔf di Kɔvinant.

Jɔshwa 20:7

So, na di wɛst pat to Riva Jɔdan, dɛn pik Kɛdɛsh we de na Galili we de na di mawnten na Naftali, Shɛkɛm we de na di mawnten na Ifrem ɛn Ɛbrɔn we de na di il dɛn na Juda.

Jɛnɛsis 37:14

In papa tɛl am se lɛ i go luk if ɔltin ɔlrayt wit in brɔda dɛn ɛn di ship ɛn got dɛn, ɛn kam bak kam tɛl am. So Josɛf lɛf in papa na Ɛbrɔn vali ɛn go na Shɛkɛm.

Jɛnɛsis 37:12

Wande we Josɛf in brɔda dɛn bin dɔn go na Shɛkɛm fɔ go mɛn dɛn papa in ship ɛn got dɛn,

Jɛnɛsis 34:2

Bɔt we Shɛkɛm si am i kech am ɛn rep am. Shɛkɛm na Amɔ, da Itayt chif in bɔypikin.

Jɔshwa 17:6

na bikɔs Jɔshwa nɔ gi land to di man dɛn nɔmɔ, i gi sɔm uman we dɛnsɛf na bin Manasɛ in jɛnareshɔn

Jɔshwa 17:8

Na di Manasɛ fambul gɛt di land we nem Tapua, bɔt na Ifrem in jɛnareshɔn gɛt Tapua Siti we de na di bawndri bitwin di Manasɛ fambul dɛn land ɛn di Ifrem fambul dɛn yon land.

Di Sam Dɛm 60:6

PAPA GƆD bin de nain os ɛn tɔk se “Bikɔs a pawaful, a go sheb di siti we nem Shɛkɛm dɔn a go patishɔn ‘Sɔkɔt Vali.’