Jɔshwa 15:11 - Krio Fɔs Oli Baybul

¹¹ Frɔm Tima, di bawndri go te rich na di il na di nɔth pat na Ɛkrɔn dɔn i bɛn go Shikɛrɔn, pas Mawnt Baala ɛn go te rich Jamnia ɛn go tap na di Mɛditarenian Si.

Jɔshwa 15:11 Referans Kwoze

2 Kiŋ 1:16

I tɛl di kiŋ se, PAPA GƆD se if PAPA GƆD nɔ de na Izrɛl we mek i sɛn mɛsenja dɛn to Bealzibɔb, di gɔd na Ɛkrɔn fɔ no wetin go apin to am. I se fɔ wetin i dɔn du, in fut nɔ go kam dɔn di bed, na de i go day.

2 Kiŋ 1:6

Dɛn ansa am se wan man mit dɛn na rod ɛn tɛl dɛn se lɛ dɛn tɔn bak to in di kiŋ ɛn tɛl am se if na bikɔs PAPA GƆD nɔ de na Izrɛl mek i de sɛn fɔ go fɛnɔt to Bealzibɔb da gɔd na Ɛkrɔn. Dɛn se di man tɛl dɛn fɔ tɛl am se in fut nɔ go kam dɔŋ di bed, na de i go day.

1 Samiɛl 7:14

Di Filistin dɛn gi Ɛkrɔn ɛn Gath, di tu siti we dɛn bin dɔn siz to Izrɛl bak dɔn Izrɛl in pul di siti dɛn we de rawnd Ɛkrɔn ɛn Gath na di Filistin dɛn an. Bɔt Izrɛl ɛn di Amɔrayt dɛn nɔ bin gɛt plaba. Pis bin de bitwin dɛn.

1 Samiɛl 5:10

So dɛnsɛf sɛn di ak go na Ɛkrɔn. We dɛn rich na Ɛkrɔn wit di ak, di pipul dɛn na Ɛkrɔn se dɛn kɛr di ak go de fɔ go kil dɛn ɔl.

Jɔshwa 15:45

Di siti dɛn we mek ɔp di nɔmba fayv distrikt de na di Filistin waf eria. Dɛn na Ɛkrɔn ɛn di siti ɛn vilej dɛn we de de,

Jɔshwa 15:9

Frɔm de, di bawndri go te rich usay wata de kɔmɔt ɔnda grɔn, dat na Nɛftoa Spriŋ ɛn te to di siti dɛn na Mawnt Ɛfrɔn dɛn i bɛn go rawnd to Baala we dɛn kin kɔl Kiriath Jɛarim.

Jɔshwa 15:10

Di bawndri go rawnd di wɛst pat na Baala ɛn go to Mawnt Sɛir, dɔn i pas na di nɔth pat na Mawnt Jɛarim ɛn go dɔŋ Bɛth Shɛmɛsh ɛn pas nia Tima.

Jɔshwa 15:12

Dat na di bawndri na di wɛst pat we tap na di Mɛditarenian Si ɛn ɔl di land we de na di sho. Dɛn ɔl miks pan di land we di Juda fambul bin sheb famili bay famili.

1 Samiɛl 17:52

Di man dɛn frɔm Izrɛl ɛn Juda naw jomp bifo wit ala ɛn bigin rɔnata dɛn te rich Gath bɔda ɛn di get fɔ go insay Ɛkrɔn. Di Filistin dɛn dedebɔdi bin lidɔm lidɔm na di Shaaraim rod fɔ go na Gath ɛn Ɛkrɔn.

Di Nɔmba Dɛm 34:6

Di wɛstɛn bawndri go de na di dray land bay di Mɛditarenian Si. Na de di bawndri go de fɔ di wɛst pat.

Di Jɔj Dɛm 1:18

Di Juda fambul kapchɔ Gaza, Ashkɛlɔn ɛn Ɛkrɔn wit ɔl dɛn siti ɛn vilej dɛn.

1 Samiɛl 5:8

So dɛn kɔl ɔl dɛn bigman dɛn go mitin fɔ disayd wetin fɔ du wit di ak. Dɛn ɔl se na fɔ kɛr am go na Gath. Na so dɛn tek muf di ak ɔf di Kɔvinant.

2 Kronikuls 26:6

I go mek wa pan di Filistin dɛn ɛn brok di wɔl na Gat ɛn di wɔl na Jamnia, ɛn Ashdɔd, dɔn i bil siti dɛn na Asdɔdi ɛn ɔda say dɛn na di Filistin dɛn land.