Jɔshwa 14:3 - Krio Fɔs Oli Baybul

³ Mozis bin ɔlrɛdi dɔn gi land oba Riva Jɔdan to tu ɛn af fambul, bɔt i nɔ gi di Livay fambul natin pan di land.

Jɔshwa 14:3 Referans Kwoze

Jɔshwa 13:14

Mozis nɔ bin gi di Livay fambul land bikɔs PAPA GƆD bin dɔn se na wetin dɛn de gɛt we pipul dɛn mek sakrifays to in PAPA GƆD we na Izrɛl dɛn GƆD, na dɛn yon prɔpati we i gi dɛm.

Jɔshwa 13:8

Mozis we na bin PAPA GƆD in wokman bin dɔn gi di Rubɛnayt, di Gadayt ɛn di ɔda af pan di Manasɛ fambul dɛn yon land na di ist pat oba Riva Jɔdan ɛn dɛn bin ɔlrɛdi dɔn tap de.

Izikɛl 45:1

“Wɛn una gi land dɛm as prɔpati, una fɔ lɛf wansay fɔ PAPA GƆD, we go bi oli distrikt ɛn i fɔ twɛlv ɛn af tawzin mita lɔŋ ɛn tɛn tawzin mita wayd; ɛn ɔlsay go bi oli.

Jɔshwa 12:6

Na Mozis we na bin PAPA GƆD in wokman ɛn di Izrɛlayt dɛn bin kɔnka dɛn. Mozis bin sheb di land gi di Rubɛnayt, di Gadayt ɛn af pan di Manasɛ fambul dɛn.

Jɔshwa 13:16

Dɛn land kɔmɔt Aroa we de bay Anɔn Vali, te rich di siti we de midul di vali ɛn ɔl di land dɛn we de nia Mɛdɛba,

Jɔshwa 13:17

Ɛshbɔn ɛn ɔl in siti dɛn we de na di flat land ɔp mawnten we na Dibɔn, Bamɔth Baal, Bɛth Baalmɛɔn,