Jɔshwa 14:12 - Krio Fɔs Oli Baybul

¹² I se i go gud fɔ lɛ Jɔshwa gian di kɔntri dɛn na di il bikɔs i bin de da de de ɛn bin yɛri we PAPA GƆD bin de tɔk bɔt dɛn se, na jayant dɛn de de we bil ay ay wɔl dɛn rawnd dɛn siti dɛn. Kelɛb se sɔntɛnde, PAPA GƆD go ɛp an drɛb dɛm kɔmɔt de bikɔs na so PAPA GƆD bin se.

Jɔshwa 14:12 Referans Kwoze

Di Ibru Pipul Dɛn 11:33

Na we dɛn bin biliv Gɔd mek dɛn bin fɛt wit sɔm ɔda kɔntri dɛn, ɛn dɛn bin ebul win di wa. Dɛn du dɛn tin we rayt na Gɔd in yay, so Gɔd gi dɛn wetin i bin dɔn prɔmis fɔ gi dɛn. Fɔseka di biliv we dɛn biliv Gɔd, i sɛt di layɔn dɛn mɔt mek dɛn nɔ it dɛn;

Lɛta Fɔ Filipay 4:13

A ebul du ɔltin bikɔs Krays de mek a ebul.

Di Nɔmba Dɛm 13:33

Wi si Anak in jɛnareshɔn dɛn de ɛn wi bin jɛs fiba yɔni to dɛn ɛn to wisɛf.

Di Nɔmba Dɛm 13:28

Bɔt nɔ fɔ jok wit di pipul dɛn we tap de o! Ɛn dɛn bil wɔl dɛn rawnd dɛn big siti dɛn we big tumɔs. Wi ivin si sɔm pan Anak in jɛnareshɔn dɛn.

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Jɔshwa 15:14

Na di Shɛshay, di Aiman ɛn di Talmay fambul dɛn we na Anak in layn dɛn kɔmɔt bin de de datɛnde. Kelɛb drɛb dɛn ɔl kɔmɔ de ɛn tek de fɔ insɛf.

Di Sam Dɛm 60:12

Wit PAPA GƆD, wi go win; Wi go ivin mas wi ɛnimi dɛn we wi dɔn bit dɛn kpatakpata.

Di Sam Dɛm 44:3

Noto di tin dɛn we dɛn gɛt fɔ fɛt ɔ di fɛt we dɛn fɛt sɛf mek dɛn gɛt di land; na bikɔs yu bin de wit dɛn ɛn bikɔs yu lɛk dɛn.

2 Kronikuls 14:11

Nain Esa pre to PAPA GƆD we nain Gɔd, se, “PAPA GƆD, nɔn Gɔd nɔ de we ebul ɛp wik pɔsin we pɔsin we gɛt trɛnk atak am, lɛk yu. Du ya PAPA GƆD we na wi Gɔd, ɛp wi, bikɔs na yu wi abop pan, nainsay yu nem wi kam fɔ kam fɛt dɛn bɔku bɔku pipul dɛn ya. Du ya PAPA GƆD, na yu na wi Gɔd; nɔ gri lɛ nɔbɔdi pul nem pan yu.”

1 Samiɛl 14:6

Jonɛthan tɛl in bɔbɔ we kin tot in tin dɛn fɔ fɛt se lɛ dɛn go na dɛn ithɛn dɛn bes sɔntɛm PAPA GƆD go ɛp dɛn as PAPA GƆD de yuz bɔku pipul ɔ smɔl pipul if i wan fɔ ɛp pipul.

Di Jɔj Dɛm 1:20

Dɛn gi Kelɛb Ɛbrɔn Siti jɛs lɛk wetin Mozis bin dɔn se. So Kelɛb drɛb tri Anak in jɛnareshɔn kɔmɔt na di land.

Di Nɔmba Dɛm 21:34

PAPA GƆD tɛl Mozis se, “Nɔ fred am bikɔs a dɔn gi yu in, in pipul dɛn ɛn in land. Yu fɔ du am wetin yu bin du to Kiŋ Sayɔn, di Amɔrayt dɛn kiŋ we bin de rul Ɛshbɔn.

Ditarɔnɔmi 1:28

I se di Izrɛlayt dɛn se if na da ples de dɛn fɔ go, we dɛn brɔda dɛn dɔn tɛl dɛn bad bad tin dɛn bɔt, tin dɛn we mek dɛn fred. We dɛn se di pipul dɛn ay ay pas dɛn, ɛn di wɔl dɛn we de rawnd di siti ay te dɛn de rich di skay, ɛn na jayant dɛn de de.

2 Kiŋ 19:4

Dɛn se sɔntɛm Ayzaya in Gɔd, we na PAPA GƆD dɔn yɛri ɔl di wɔd we di kiŋ na Asiria in fil kɔmanda dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

Ditarɔnɔmi 9:1

Mozis tɛl di Izrɛlayt dɛn se, da de de, dɛn go krɔs Riva Jɔdan go oba say fɔ go kapchɔ di land; di pipul dɛn we de de plɛnti ɛn ebul fɛt pas Izrɛl. Dɛm siti dɛn big big ɛn dɛn wɔl dɛn ay ay te dɛn wan rich na di skay.

Ditarɔnɔmi 9:3

Mozis tɛl dɛn se PAPA GƆD we na dɛn PAPA GƆD go go atak dɛn lɛkɛ we big big faya we gɛt pɛtrol de kech, ɛn bifo dɛn de rich de i go dɔn bit di ɛnimi dɛn dɔn jɛs lɛk aw i bin dɔn prɔmis se in go de du, so di Izrɛlayt dɛn go jɛs drɛb di ɛnimi dɛn kɔmɔt de ɛn kil dɛn.