Jɔshwa 12:7 - Krio Fɔs Oli Baybul

⁷ Jɔshwa ɛn di Izrɛlayt dɛn bin kɔnka di kiŋ dɛn frɔm Baalgad na di Libanɔn Vali, te rich Mawnt Alak na di sawt nia Idɔm. Jɔshwa gi ɔl di difrɛn fambul dɛn dɛn shia.

Jɔshwa 12:7 Referans Kwoze

Jɔshwa 11:17

Da eria kɔmɔt Mawnt Alak we de na di sawt nia Sɛir te rich Baalgad we de na di Libanɔn Vali bɔtɔm Mawnt Amɔn. Jɔshwa ɛn in sojaman dɛn bin kapchɔ ɔl dɛn land dɛn de ɛn kil ɔl di kiŋ dɛn

Jɔshwa 11:23

Jɔshwa dɛn kɔnka di wanol land, divayd di difrɛn fambul dɛn ɛn gi dɛn ɔl dɛn yon pat na di land ɛn dɛn ɔl bin de wit kol at.

Jɔshwa 9:1

Ɔl di kiŋ dɛn we dɛn kɔntri dɛn de na di wɛst pat na Riva Jɔdan yɛri aw Izrɛl bin kɔnka dɛn ɛnimi. Di kiŋ dɛn ɔp di il ɛn di wan dɛn we de dɔŋ say na Palɛstayn, di wan dɛn we de na dɛn siti dɛn we de nia di Mɛditarenian Si ɛn di kiŋ dɛn we de fawe na di nɔth, dat na Libanɔn, sɛf bin yɛri bɔt dat. Di kiŋ dɛn we yɛri bɔt aw Izrɛl kɔnka dɛn ɛnimi dɛn na di Itayt kiŋ, di Amorayt dɛn kiŋ, di Kenanayt dɛn kiŋ, di Pɛrizayt dɛn kiŋ, di Ivayt dɛn kiŋ ɛn di Jɛbyusayt dɛn kiŋ.

Jɔshwa 3:17

We di Izrɛlayt dɛn bin de krɔs Riva Jɔdan we di wata bin dɔn dray, di man dɛn we de mek sakrifays fɔ pipul sin we bin tot PAPA GƆD in Ak ɔf di Kɔvinant, bin tinap na di dray grɔn insay Riva Jɔdan te ɔl di pipul dɛn krɔs dɔn.

Ditarɔnɔmi 2:4

I se PAPA GƆD se dɛn fɔ tek tɛm bikɔs dɛn de go pas usay dɛn broda dɛn, we na Isɔ in pikin dɛn de na di il kɔntri na Idɔm bikɔs we dɛn go si dɛn, dɛn go fred dɛn.

Ditarɔnɔmi 2:1

Mozis se, we dɛn bin tɔn go bak na di ɛmti ples we pɔsin nɔ go ebul tap, dɛn bin go to di Rɛd Si jɛs lɛk aw PAPA GƆD bin se dɛn fɔ waka. Dɛn bin jɛs de go rawnd di il dɛn na Idɔm.

Jɛnɛsis 36:30

Dishɔn, Ɛza, ɛn Dishan. Na di papa dɛn nem di fambul dɛn bin gɛt ɛn dɛn ɔl bin tap insay Sɛir na Idɔm

Jɛnɛsis 36:20

Di pipul dɛn we bin tap na Idɔm bin de bay fambul, ɛn na Sɛir, wan pan dɛn Ɔrayt na bin di papa fɔ dɛn ɔl: Lotan, Shobal, Zibiɔn, Ana,

Jɛnɛsis 36:8

So Isɔ we nem Idɔm go tap na di il say na Sɛir.

Jɛnɛsis 32:3

Jekɔb sɛn mɛsenja dɛn to in brɔda Isɔ na di Sɛir eria insay Idɔm.

Jɛnɛsis 14:6

ɛn di Orayt dɛn na dɛn yon mawnten na Sɛir. Dɛn rɔnata dɛn sote dɛn rich na Ɛl Paran we de na di ples we pɔsin nɔ go ebul tap in bɔda

Di Sam Dɛm 135:11

dɛn kiŋ de, na Sayɔn we na di Amɔrayt dɛn kiŋ, Ɔg we na bin kiŋ na Beshan wit ɔl dɛn kiŋ dɛn na Kenan