Jɔshwa 11:6 - Krio Fɔs Oli Baybul

⁶ Nain PAPA GƆD tɛl Jɔshwa se mek i nɔ fred natin bikɔs in we na PAPA GƆD go kil dɛn ɔl; bay da sem tɛn de di nɛks de, dɛn ɔl go dɔn day. I tɛl Jɔshwa se we dɛn go dɔn bit dɛn dɔn, dɛn fɔ brok ɔl dɛn ɛnimi dɛn ɔs dɛn fut dɛn ɛn bɔn dɛn karej dɛm.

Jɔshwa 11:6 Referans Kwoze

Jɔshwa 10:8

Bifo Jɔshwa ɛn in man dɛn lɛf fɔ go, PAPA GƆD tɛl an se lɛ i nɔ fred bikɔs in go mɔs mek dɛn win di fɛt.

2 Samiɛl 8:4

Devid kapchɔ wan tawzin sɛvin ɔndrɛd man we de rayd ɔs ɛn karej ɛn twɛnti tawzin ɔdinari sojaman. I disloket ɔl in ɔs dɛn bɔt lɛf wan ɔndrɛd fɔ am.

1 Samiɛl 11:9

Dɛn tɛl di mɛsenja dɛn fɔ go tɛl di pipul dɛn na Jebɛsh Giliad se bay di tɛm we di san de tinap gud, di nɛks de, dɛn nɔ go de pan trɔbul igen. Wɛn di mɛsenja dɛn go tɛl di pipul dɛn na Jebɛsh, dɛn so gladi, dɛn nɔ no wetin fɔ du.

Di Jɔj Dɛm 20:28

ɛn na Finɛas we na Ɛlieza, Erɔn in pikin, in yon pikin bin de waka bifo di ak) se if dɛn fɔ go fɛt dɛn brɔda dɛn we na di Bɛnjaminayt dɛn bak, ɔ dɛn nɔ fɔ go. PAPA GƆD tɛl dɛn se dɛn fɔ go bikɔs in go mek dɛn bit di Bɛnjaminayt dɛn.

Jɔshwa 11:9

Jɔshwa du ɔl wetin PAPA GƆD bin tɛl an fɔ du; i brok brok ɔl di ɔs dɛn fut dɛn ɛn bɔn dɛn karej dɛn.

Ozie 14:3

Tɛl am se Asiria nɔ ebul pul una pan trɔbul ɛn una nɔ go sidɔm pantap ɔs de blɔf igen Una nɔ go kɔl tin dɛn we una tek an mek, PAPA GƆD. Tɛl am se una no se nain de sɔri fɔ udat nɔ gɛt papa.

Ayzaya 31:1

Swɛ go fɔdɔm pan dɛn wan we de go na Ijipt fɔ mek dɛn ɛp dɛm ɛn abop pan ɔs, we abop pan chariɔt bikɔs dɛn plɛnti ɛn pan di man dɛm we de rayd ɔs bikɔs dɛn gɛt trɛnk bad, bɔt dɛn nɔ de luk to Izrɛl in Oli Wan ɔ fɛnɔt to PAPA GƆD!

Ayzaya 30:16

bɔt una se, “Nɔ o! Wi go rayd dɛn ɔs wit spid,” so una go tek spid go; ɛn, “wi go rayd dɛn ɔs we gɛt spid,” dat go mek di wan dɛn we de rɔnata una, rɔn wit spid.

Prɔvabs 20:7

Man we de waka tret wande fɛn blɛsin fɔ in pikin dɛn.

Di Sam Dɛm 46:11

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Di Sam Dɛm 46:9

I de mek ɔl udat de fɛt na wɔl, lɛf fɔ fɛt; i de pwɛl pwɛl ɔl wetin dɛn de tek fɛt ɛn bɔn di big shild we dɛn wɛr fɔ protɛkt dɛnsɛf na faya.

2 Kronikuls 20:16

Tumara, una go dɔŋ go atak dɛm; dɛn go pas na di rod fɔ klem kam ɔp we de na Ziz. Una go fɛn dɛn na vali we na di las pat na di vali we de na di ist pat na di ples we pɔsin nɔ go ebul tap na Jɛruɛl.

Jɔshwa 3:5

Jɔshwa tɛl di pipul dɛn se mek dɛn mek dɛnsɛf klin bifo PAPA GƆD bikɔs PAPA GƆD go du wɔnda di nɛks de.

Ditarɔnɔmi 7:16

I mɛmba dɛn se dɛn fɔ kil ɔl di pipul dɛn we PAPA GƆD we na dɛn PAPA GƆD se dɛn fɔ kil ɛn dɛn nɔ fɔ sɔri fɔ dɛn atɔl; dɛn nɔ fɔ wɔship dɛn pipul de dɛn gɔd bikɔs na trɔbul dɛn go jɛs tot fɔ dɛnsɛf.

Jɔshwa 11:5

Ɔl di kiŋ dɛn mek dɛn kamp na Mɛrɔm Watasay. Dɛn ɔl mek wanwɔd fɔ bot Izrɛl.

Jɔshwa 11:7

Jɔshwa ɛn in sojaman dɛn jɔs bɔs pan dɛn bay Mɛrɛm watasay ɛn fɔdɔm pan dɛn.

Di Jɔj Dɛm 7:9

Da sem nɛt de, PAPA GƆD tɛl am se mek i grap go fɛt di Midianayt dɛn na dɛn kamp bikɔs in go mek dɛn kapchɔ dɛn.

Izikɛl 39:9

“Dɔn dɛn wan dɛn we tap sef wan na di Izrɛl big siti dɛm, go kɔmɔt ɛn mek faya wit dɛn wɛpɔn dɛm ɛn bɔn dɛm, dɛn big shild dɛm ɛn smɔl shild dɛm, bo dɛm ɛn aro dɛm anpayk dɛm, ɛn spia dɛm, ɛn dɛn go mek faya wit dɛm fɔ sɛvin ia.

Neum 2:13

PAPA GƆD we na GƆD we pas ɔl se i vɛks pan dɛn. I se in go bɔn ɔl wetin dɛn de yuz na wa ɛn dɛn go day de. I se dɛn nɔ go ebul fɔ de sɛn pipul dɛn go ɔdasay igen

2 Kiŋ 6:16

Na de Ilaɛlsha ansa am se lɛ i nɔ fred bikɔs di wan dɛn we de wit am bɔku pas di wan dɛn we de wit dɛn.

Di Sam Dɛm 46:10

“Una lɛf fɔ fɛt ɛn no se mi na PAPA GƆD na mi de rul ɔlsay; di neshɔn dɛn ɛn ɔl di pipul go prez mi ɛn se a de du big wok.”