Jɔshwa 11:21 - Krio Fɔs Oli Baybul

²¹ Na datɛnde Jɔshwa dɛn bin kil ɔl dɛn jayant dɛn we dɛn bin de kɔl Anakim we bin de na di siti dɛn we de na di il; dat na frɔm Ɛbrɔn, Dabi, Anab ɛn ɔl di siti dɛn we de na di il dɛn na Juda ɛn Izrɛl. Jɔshwa dɛn kil dɛn ɔl ɛn nyakanyaka dɛn siti dɛn.

Jɔshwa 11:21 Referans Kwoze

Ditarɔnɔmi 9:2

Pipul dɛn kin tɔk se nɔbɔdi nɔ go ebul fɛt dɛn bikɔs dɛn na pipul dɛn we ay ay ɛn traŋa; dɛn na jayant dɛn.

Ditarɔnɔmi 1:28

I se di Izrɛlayt dɛn se if na da ples de dɛn fɔ go, we dɛn brɔda dɛn dɔn tɛl dɛn bad bad tin dɛn bɔt, tin dɛn we mek dɛn fred. We dɛn se di pipul dɛn ay ay pas dɛn, ɛn di wɔl dɛn we de rawnd di siti ay te dɛn de rich di skay, ɛn na jayant dɛn de de.

Rɛvɛleshɔn 6:2

A tɔn luk, na de a si wan wayt ɔs. Di pɔsin we de rayd am, ol wan bo nain an fɔ fɛt, dɛn gi am krawn fɔ wɛr nain ed. I rayd in ɔs go, i dɔn win wan wa ɛn i de go fɔ win ɔda wa dɛn.

Emɔs 2:9

“Dɛnsɛf si aw a nyakanyaka dɛn Amɔrayt we laŋa lɛk sida tik, ɛn traŋa lɛk ok tik. Dɛn si aw a trifut ɛn kapsay dɛn.

Jɛrimaya 9:23

Na dis PAPA GƆD se, “Le di sɛnsman nɔ bost fɔ in sɛns, le di pawaful man nɔ bost fɔ in trɛnk, ɛn lɛ di jɛntri man nɔ boast bɔt in jɛntri;

Jɛrimaya 3:23

Fɔ tru, di tin dɛn we de apin na di il dɛn de mek pɔsin tink tin we nɔ bi, dat na di kayn wɔship we de na di mawnten dɛm. Fɔ tru, na PAPA GƆD we na wi Gɔd nɔmɔ go sev Izrɛl.

Di Jɔj Dɛm 1:20

Dɛn gi Kelɛb Ɛbrɔn Siti jɛs lɛk wetin Mozis bin dɔn se. So Kelɛb drɛb tri Anak in jɛnareshɔn kɔmɔt na di land.

Jɔshwa 10:42

Jɔshwa dɛn bin ebul kapchɔ ɔl dɛn kiŋ dɛn de ɛn dɛn land dɛn bikɔs, PAPA GƆD we na Izrɛl dɛn PAPA GƆD, bin de fɛt fɔ dɛn.

Ditarɔnɔmi 2:21

Dɛn bin plɛnti ɛn gɛt pawa ɛn ay ay lɛkɛ di Anakim dɛn. Na PAPA GƆD bin kil dɛn ɔl bifo di Amonayt dɛn ebul go tap de.

Di Nɔmba Dɛm 13:33

Wi si Anak in jɛnareshɔn dɛn de ɛn wi bin jɛs fiba yɔni to dɛn ɛn to wisɛf.