Jɔshwa 11:20 - Krio Fɔs Oli Baybul

²⁰ Na PAPA GƆD bin mek dɛn pipul dɛn de mek bigat so dat di Izrɛlayt dɛn nɔ go sɔri fɔ dɛn ɛn go kil dɛn bikɔs nain bin dɔn tɛl Mozis traŋa wan se fɔ kil ɔl di pipul dɛn na da land de.

Jɔshwa 11:20 Referans Kwoze

Lɛta Fɔ Rom 9:18

So, if Gɔd want sɔri fɔ ɛnibɔdi, i go sɔri fɔ am; ɛn if i want mek pɔsin in at traŋa, i go mek in at traŋa.

Ɛksodɔs 4:21

PAPA GƆD tɛl Mozis se we i go bak na Ijipt i fɔ mek shɔ se i ple ɔl di wɔnda dɛn we i gi am pawa fɔ du bifo di kiŋ. I se in go mek di kiŋ traŋa in at so i nɔ go gri fɔ mek di pipul dɛn go.

Ditarɔnɔmi 7:16

I mɛmba dɛn se dɛn fɔ kil ɔl di pipul dɛn we PAPA GƆD we na dɛn PAPA GƆD se dɛn fɔ kil ɛn dɛn nɔ fɔ sɔri fɔ dɛn atɔl; dɛn nɔ fɔ wɔship dɛn pipul de dɛn gɔd bikɔs na trɔbul dɛn go jɛs tot fɔ dɛnsɛf.

Ditarɔnɔmi 2:30

Bikɔs PAPA GƆD we na dɛn PAPA GƆD bin dɔn traŋa Kiŋ Sayɔn in at mek i go tinap fɔ fɛt mek dɛn go bit dɛn, i nɔ bin gri atɔl.

Di Jɔj Dɛm 14:4

In mama ɛn papa nɔ bin no se na PAPA GƆD de lid am fɔ fɛn we fɔ fɛt di Filistin dɛn. Da tɛm de, na di Filistin dɛn bin gɛt pawa oba Izrɛl.

Ɛksodɔs 14:17

Dɔn mi go mek di Ijipshian dɛn at traŋa mɔ fɔ lɛ dɛn go rɔnata dɛn, dɔn a go sho di kiŋ ɛn ɔl in sojaman dɛn, wit chariɔt ɛn di drayva dɛn, udat a bi, dɔn na mi go gɛt di glori.

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

2 Kronikuls 25:16

As i bin de tɔk, nain di kiŋ aks am se, “Udat mek yu advaysa fɔ di kiŋ? Tap an de! Wetin mek yu fɔ fɛn day?” So di prɔfɛt tap, bɔt tɔk se, “A no se PAPA GƆD dɔn mek ɔp fɔ nyakanyaka yu traŋa wan bikɔs yu dɔn biev bad, ɛn nɔ lisin to mi advays.”

1 Kiŋ 12:15

Di kiŋ nɔ lisin to wetin di pipul dɛn se. Ɔl dis yaso we bi na PAPA GƆD bin dɔn mak am fɔ bi so lɛk aw prɔfɛt Aija we kɔmɔt Shaylo, tɔk to Jɛroboam we na Nebat in bɔypikin se na so PAPA GƆD go mek tin bi.

1 Samiɛl 2:25

I mek lɛ dɛn no se if pɔsin ambɔg in kɔmpin mɔtalman, PAPA GƆD kin tɔk dɛn kes bɔt if na PAPA GƆD pɔsin ambɔg, nɔbɔdi nɔ go de fɔ tɔk fɔ am. Bɔt pan ɔl dat, dɛn nɔ yɛri in wɔd, bikɔs PAPA GƆD bin dɔn plan fɔ dɔnawe wit dɛn.

Ɛksodɔs 9:12

Bɔt PAPA GƆD mek di kiŋ stil mek traŋayes ɛn nɔ gri fɔ lisin to Mozis ɛn Erɔn jɛs lɛkɛ aw PAPA GƆD bin dɔn tɛl Mozis.

Ɛksodɔs 10:1

So PAPA GƆD tɛl Mozis. I se, “Go mit di kiŋ. A dɔn mek in ɛn in ɔfisa dɛn at traŋa so dat a go pafɔm ɔl dɛn mirekul dɛn ya so usay dɛn de.

Ɛksodɔs 11:10

Mozis ɛn Erɔn pafɔm ɔl dɛn mirekul ya bɔt PAPA GƆD bin mek di kiŋ in at traŋa so dat i stil nɔ gri fɔ mek di Izrɛlayt dɛn kɔmɔt nain kɔntri.

Ɛksodɔs 14:4

dɛn a go mek in at traŋa fɔ lɛ i go rɔnata una. Aw a go dil wit in ɛn in sojaman dɛn go mek pipul dɛn prez ɛn ɔna mi. Dis go mek di Ijipshian dɛn no fɔ tru tru se mi na PAPA GƆD.” Di Izrɛlayt dɛn du wetin PAPA GƆD tɛl dɛn fɔ du.

Ɛksodɔs 14:8

PAPA GƆD mek di kiŋ na Ijipt in at traŋa mɔ. Di kiŋ rɔnata di Izrɛlayt dɛn, ɛn PAPA GƆD bin de gyad dɛn.

2 Samiɛl 17:14

Absalɔm ɛn ɔl di Izrɛlayt se Ushay we na Akayt in advays bɛtɛ pas Aitofɛl yon bikɔs PAPA GƆD insɛf bin want fɔ mek di gud advays we Aitofɛl gi tɔn bad as na dat go lɛ Absalɔm de pan trɔbul.

2 Kronikuls 22:7

Bɔt na PAPA GƆD bin dɔn mak se Aazaya in dawnfɔl go mit am wɛn i de go fɛn Joram. I bi se we i go de, i kɔmɔt wit Joram fɔ go mit Jeu we na Nimshi in bɔypikin, we PAPA GƆD bin dɔn anɔynt fɔ nyakanyaka Eab in os.

Ayzaya 14:24

PAPA GƆD Ɔlmayti dɔn swɛ se: “Lɛk aw a dɔn plan, na so i go bi, ɛn lɛk aw a dɔn se i mɔs bi, na so i go bi,

Ayzaya 34:2

Bikɔs PAPA GƆD in at wam bad bad wan pan ɔl di neshɔn dɛn, ɛn vɛks pan ɔl di wan dɛn we tap de, I dɔn kɔndɛm dɛn, ɛn dɔn gi dɛn ɔp fɔ mek dɛn go kil dɛm.