Jɔshwa 11:16 - Krio Fɔs Oli Baybul

¹⁶ Jɔshwa ɛn in sojaman dɛn bin kapchɔ ɔl di land. Dat na di siti dɛn we de na di il, di wan dɛn we de dɔŋ di il, Goshɛn ɛn di dray kɔntri we de na di nɔth say to Goshɛn, ɛn di Jɔdan Vali.

Jɔshwa 11:16 Referans Kwoze

Jɔshwa 10:41

Jɔshwa ɛn in man dɛn fɛt ɛn kapchɔ frɔm Kadɛsh Banɛa te rich Gaza, ɛn ɔl di ɔda kɔntri dɛn frɔm Goshɛn te rich Gibɛɔn.

Jɔshwa 12:8

Di land we Jɔshwa bin gi dɛn na bin di siti dɛn na di il, di wan dɛn na flat grɔn, na di Jɔdan Vali ɛn di ples dɛn we rɔf te go dɔŋ di ɛmti land we pɔsin nɔ go ebul tap na di sawt. Ɔda say dɛn na bin di Itayt, di Amorayt, di kenanayt, di pizayt, di Ivayt ɛn di Jɛbyusayt dɛn land dɛn.

Jɔshwa 11:21

Na datɛnde Jɔshwa dɛn bin kil ɔl dɛn jayant dɛn we dɛn bin de kɔl Anakim we bin de na di siti dɛn we de na di il; dat na frɔm Ɛbrɔn, Dabi, Anab ɛn ɔl di siti dɛn we de na di il dɛn na Juda ɛn Izrɛl. Jɔshwa dɛn kil dɛn ɔl ɛn nyakanyaka dɛn siti dɛn.

Izikɛl 36:8

Bɔt una, O Izrɛl mawnten dɛm, una go pul una an dɛm kɔmɔt na do, ɛn gi una frut to mi Izrɛl pipul; fɔ dɛn go kam om jis nɔ.

Izikɛl 17:23

A go plant am na di ay mawnten na Izrɛl, so dat i go pul bɔku an ɛn bia frut, ɛn i go bi wan gud kwaliti sida. Ɛn ɔl kayn animal go tap ɔnda de; ɛn ɔl kayn bɔd go bil dɛn os na di shed we di branch dɛn mek.

Jɔshwa 11:2

di kiŋ dɛn na di il na di nɔt, na di Jɔdan Vali we de na di sawt pat na to Lek Galili, di wan dɛn na di flat grɔn ɛn di wan dɛn we de na di kost nia da kɔntri we nem Dɔ.

Jɔshwa 9:1

Ɔl di kiŋ dɛn we dɛn kɔntri dɛn de na di wɛst pat na Riva Jɔdan yɛri aw Izrɛl bin kɔnka dɛn ɛnimi. Di kiŋ dɛn ɔp di il ɛn di wan dɛn we de dɔŋ say na Palɛstayn, di wan dɛn we de na dɛn siti dɛn we de nia di Mɛditarenian Si ɛn di kiŋ dɛn we de fawe na di nɔth, dat na Libanɔn, sɛf bin yɛri bɔt dat. Di kiŋ dɛn we yɛri bɔt aw Izrɛl kɔnka dɛn ɛnimi dɛn na di Itayt kiŋ, di Amorayt dɛn kiŋ, di Kenanayt dɛn kiŋ, di Pɛrizayt dɛn kiŋ, di Ivayt dɛn kiŋ ɛn di Jɛbyusayt dɛn kiŋ.

Jɔshwa 10:40

Jɔshwa ɛn in sojaman dɛn kapchɔ di wanol land: di kɔntri we na di il, di flat grɔn we de na di ist pat, di land dɛn we de dɔŋ di il na di wɛst pat ɛn dɛn kiŋ dɛm. I nɔ lɛf natin; i nyakanyaka da wanol eria de bikɔs na so PAPA GƆD we na Izrɛl dɛn PAPA GƆD tɛl am fɔ du.

Jɔshwa 11:15

Jɔs lɛk aw PAPA GƆD bin tɛl Mozis we nain wokman fɔ du, na so insɛf tɛl Jɔshwa, ɛn na so Jɔshwa insɛf du ɔltin di we we PAPA GƆD bin tɛl Mozis we bin tɛl an.

Di Sam Dɛm 78:55

As dɛn de go insay di land na so PAPA GƆD de drɛb dɛn ɔda neshɔn we bin de de ɛn sheb sheb di land to di Izrɛlayt dɛn fɔ lɛ i bi dɛn yon; I mek dɛn ɔl sɛtul na dɛn os dɛn.

Di Sam Dɛm 105:44

i gi dɛn difrɛn difrɛn kɔntri dɛn fɔ bi dɛn yon. Dɛn avɛst frut we ɔda pipul bin dɔn plant.

Ditarɔnɔmi 1:7

I tɛl dɛn fɔ pak dɛn tiŋs dɛn mek dɛn kɔntinyu dɛn patrol. I se dɛn fɔ go na dɛn Amɔrayt dɛn kɔntri we gɛt plɛnti plɛnti il, ɛn to dɛn neba dɛn kɔntri we de na di vali; to di kɔntri dɛn we de na il, di wan dɛn we de na flat grɔn, di ɔt ɛn dray ples, di wan dɛn we de nia di watasay, di Kenanayt dɛn kɔntri, na di nɔth say, te rich dɛn Libanɔn Mawnten, na di ist say, te rich di big big riva we na Riva Yufretis.