Jɔshwa 10:8 - Krio Fɔs Oli Baybul

⁸ Bifo Jɔshwa ɛn in man dɛn lɛf fɔ go, PAPA GƆD tɛl an se lɛ i nɔ fred bikɔs in go mɔs mek dɛn win di fɛt.

Jɔshwa 10:8 Referans Kwoze

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Ditarɔnɔmi 3:2

I se nain PAPA GƆD tɛl am se lɛ dɛn nɔ fred Kiŋ Ɔg. PAPA GƆD dɔn gi dɛn to Izrɛl lɛ dɛn du dɛn wetin dɛn bin du Kiŋ Sayɔn, da Amɔrayt Kiŋ we bin de Ɛshbɔn.

Jɔshwa 11:6

Nain PAPA GƆD tɛl Jɔshwa se mek i nɔ fred natin bikɔs in we na PAPA GƆD go kil dɛn ɔl; bay da sem tɛn de di nɛks de, dɛn ɔl go dɔn day. I tɛl Jɔshwa se we dɛn go dɔn bit dɛn dɔn, dɛn fɔ brok ɔl dɛn ɛnimi dɛn ɔs dɛn fut dɛn ɛn bɔn dɛn karej dɛm.

Jɔshwa 8:1

PAPA GƆD tɛl Jɔshwa se mek i nɔ fred ɛn mek in at nɔ pwɛl; I se mek i tek ɔl in sojaman dɛn go na Ay bikɔs in go mek dɛn kapchɔ di kiŋ, in pipul dɛn ɛn in wanol kɔntri.

Ditarɔnɔmi 7:24

Mozis se dɛn go kil ɔl dɛn kiŋ dɛn ɛn nɔbɔdi nɔ go lɛf we dɛn go tek mɛmba dɛn. Dɛn nɔn nɔ go tinap fɔ fɛt di Izrɛlayt dɛn te dɛn kil dɛn ɔl dɔn.

Jɔshwa 10:9

Dɛn waka ol nɛt, ɛn bifo di Amorayt dɛn de mek ɔp, Jɔshwa dɛn jɔs bɔs pan dɛn ɛn atak dɛn.

Jɔshwa 10:25

Jɔshwa tɛl dɛn se mek dɛn mas dɛn ɛn nɔ fred bikɔs na so PAPA GƆD go de du dɛn ɛnimi dɛn we dɛn go gɛt fɔ de fɛt.

Di Jɔj Dɛm 7:9

Da sem nɛt de, PAPA GƆD tɛl am se mek i grap go fɛt di Midianayt dɛn na dɛn kamp bikɔs in go mek dɛn kapchɔ dɛn.

Di Jɔj Dɛm 6:16

Nain PAPA GƆD ansa an se in go de wit an ɛn in go mek i ebul kil ɔl di Midianayt dɛn lɛk we dɛn go kil wan pɔsin.

1 Samiɛl 17:47

I tɛl am se ɔl udat de de, go no se PAPA GƆD nɔ nid sɔd ɔ spia fɔ fɛt as nain de fɛt, so PAPA GƆD go mɔs mek dɛn win di Filistin dɛn.

1 Kiŋ 20:13

We ɔl dat de bi, wan prɔfɛt go to Kiŋ Eab na Izrɛl ɛn tɛl am se, PAPA GƆD se lɛ i nɔ fred ɔl dɛn bɔku, bɔku sojaman dɛn de we i si. I se in go mek i kɔnka dɛn ɔl da vɛri de de; ɛn na da tɛm de in di Eab go no se in na PAPA GƆD we na Gɔd.