Jɔshwa 10:5 - Krio Fɔs Oli Baybul

⁵ So di fayv Amorayt kiŋ; di kiŋ na Jerusɛlɛm, di kiŋ na Ɛbrɔn, di kiŋ na Jamuth, di kiŋ na Lakish ɛn di Ɛglɔn kin ɛn dɛn sojaman dɛn ɔl, jɔynan rɛdi fɔ fɛt Gibɛɔn.

Jɔshwa 10:5 Referans Kwoze

Jɔshwa 10:6

So di Gibɛɔnayt dɛn sɛn to Jɔshwa na Gilgal mɛmba an bɔt di wanwɔd we dɛn bin dɔn swɛ se dɛn gɛt, ɛn lɛ dɛn go de kwik go sev dɛn, bikɔs di Amorayt kiŋ dɛn we de na di il, dɔn gɛda fɔ go fɛt dɛn.

Di Nɔmba Dɛm 13:29

Di Amalɛkayt dɛn tap na di Nɛgɛv; di Ivayt dɛn, di Jɛbyusayt dɛn, di Amɔrayt dɛn tap na di kɔntri ɔp di il; ɛn di Kenanayt dɛn tap nia di si bay di Jɔdan Riva.

Jɛnɛsis 15:16

Fo jɛnareshɔn go dɔn bɔn bifo ɛniwan go kam bak na ya so, bikɔs di tɛm nɔ go rich yet we di Amɔrayt dɛn sin go dɔn pasmak.”

Jɔshwa 10:16

Fayv kiŋ bin rɔnawe go ayd na di kev na Makɛda.

1 Samiɛl 7:14

Di Filistin dɛn gi Ɛkrɔn ɛn Gath, di tu siti we dɛn bin dɔn siz to Izrɛl bak dɔn Izrɛl in pul di siti dɛn we de rawnd Ɛkrɔn ɛn Gath na di Filistin dɛn an. Bɔt Izrɛl ɛn di Amɔrayt dɛn nɔ bin gɛt plaba. Pis bin de bitwin dɛn.

Jɛrimaya 34:7

wɛn di kiŋ na Babilɔn in ami bin de fɛt Jerusɛlɛm ɛn ɔl di siti dɛm we bin lɛf na Juda, ɛn Lakish ɛn Azɛka; bikɔs dɛn na bin di tu siti dɛm we bin gɛt protɛkshɔn na Juda we bin lɛf.