Jɔshwa 10:40 - Krio Fɔs Oli Baybul

⁴⁰ Jɔshwa ɛn in sojaman dɛn kapchɔ di wanol land: di kɔntri we na di il, di flat grɔn we de na di ist pat, di land dɛn we de dɔŋ di il na di wɛst pat ɛn dɛn kiŋ dɛm. I nɔ lɛf natin; i nyakanyaka da wanol eria de bikɔs na so PAPA GƆD we na Izrɛl dɛn PAPA GƆD tɛl am fɔ du.

Jɔshwa 10:40 Referans Kwoze

Di Sam Dɛm 9:17

Di bad man go day ɛn ɔl di neshɔn dɛn wan we nɔ tek PAPA GƆD mek natin, dɛnsɛf go day.

1 Kiŋ 15:29

As Baasha bigin rul so, i kil ɔlman na Jɛroboam in famili. I nɔ lɛf wan sol sɛf. Ɔl dis bi fɔ mek wetin PAPA GƆD bin tɛl prɔfɛt Aija we kɔmɔt Shaylo bi;

Jɔshwa 10:37

Dɛn kil ɔlman na ɔl di siti dɛn. Dɛn kil dɛn kiŋ ɛn nyakanyaka di siti ɛn ɔl di pipul dɛn.

Jɔshwa 10:35

Na da sem de de dɛn kapch Ɛglɔn; dɛn kil ɔlman ɛn nɔ lɛf nɔbɔdi jɛs lɛk aw dɛn du na Lakish.

Jɔshwa 9:24

Nain di Gibɛɔnayt dɛn se dɛn lay gi Jɔshwa dɛn bikɔs dɛn bin dɔn yɛri se PAPA GƆD we na dɛn PAPA GƆD bin dɔn tɛl in wokman Mozis traŋa wan se, i fɔ kil ɔl di pipul dɛn na di land we i sho an ɛn gi di land to di Izrɛlayt dɛn. So dɛn bin de fred bad bad wan fɔ dɛn layf.

Jɔshwa 8:27

PAPA GƆD bin tɛl Jɔshwa se di Izrɛlayt dɛn kin tek di kaw, got ɛn ship dɛn we dɛn mit na di siti, so di Izrɛlayt dɛn bin tek dɛn.

Jɔshwa 8:2

I se dɛn fɔ trit dɛn lɛk aw dɛn bin trit di kiŋ ɛn in pipul dɛn na Jɛriko, bɔt dɛn kin tek di pipul dɛn na Ay dɛn tiŋs dɛn, ɛn dɛn kaw dɛn fɔ dɛnsɛf. PAPA GƆD advays dɛn fɔ le ambush biɛn di siti.

Jɔshwa 6:17

I se dɛn go sakrifays ɔltin we de na di siti to PAPA GƆD, pas da rare gial we nem Reab ɛn in fambul dɛn we de na os to an, bikɔs na im bin ayd di man dɛn we i bin sɛn go wach di land.

Ditarɔnɔmi 7:24

Mozis se dɛn go kil ɔl dɛn kiŋ dɛn ɛn nɔbɔdi nɔ go lɛf we dɛn go tek mɛmba dɛn. Dɛn nɔn nɔ go tinap fɔ fɛt di Izrɛlayt dɛn te dɛn kil dɛn ɔl dɔn.

Jɔshwa 18:21

Na di siti dɛnwanya we di Bɛnjamin fambul gɛt: Jɛriko, Bɛth Ɔgla, Ɛmɛk Kɛziz,

Jɔshwa 12:8

Di land we Jɔshwa bin gi dɛn na bin di siti dɛn na di il, di wan dɛn na flat grɔn, na di Jɔdan Vali ɛn di ples dɛn we rɔf te go dɔŋ di ɛmti land we pɔsin nɔ go ebul tap na di sawt. Ɔda say dɛn na bin di Itayt, di Amorayt, di kenanayt, di pizayt, di Ivayt ɛn di Jɛbyusayt dɛn land dɛn.

Ditarɔnɔmi 1:7

I tɛl dɛn fɔ pak dɛn tiŋs dɛn mek dɛn kɔntinyu dɛn patrol. I se dɛn fɔ go na dɛn Amɔrayt dɛn kɔntri we gɛt plɛnti plɛnti il, ɛn to dɛn neba dɛn kɔntri we de na di vali; to di kɔntri dɛn we de na il, di wan dɛn we de na flat grɔn, di ɔt ɛn dray ples, di wan dɛn we de nia di watasay, di Kenanayt dɛn kɔntri, na di nɔth say, te rich dɛn Libanɔn Mawnten, na di ist say, te rich di big big riva we na Riva Yufretis.

Ɛksodɔs 34:12

Kiaful lɛ yu nɔ tay bagin wit di pipul dɛn na di kɔntri we una de go ɔ nɔ so una go fɔdɔm na dɛn trap.

Jɔshwa 10:39

Dɛn kapchɔ di wanol Dɛbi ɛn dɛn kiŋ ɛn kil dɛn ɔl; wan pɔsin nɔ lɛf. Jɛs lɛk aw dɛn du Ɛbrɔn ɛn Libna ɛn dɛn kiŋ, na semweso dɛn du Dɛbi.

Jɔshwa 11:16

Jɔshwa ɛn in sojaman dɛn bin kapchɔ ɔl di land. Dat na di siti dɛn we de na di il, di wan dɛn we de dɔŋ di il, Goshɛn ɛn di dray kɔntri we de na di nɔth say to Goshɛn, ɛn di Jɔdan Vali.

Di Nɔmba Dɛm 13:17

Wɛn Mozis bin de sɛn dɛn, i tɛl dɛn se dɛn fɔ go ɔp insay Nɛgɛv fɔ pas go ɔp di il na di kɔntri.

Ditarɔnɔmi 2:34

Dɛn bin kapchɔ ɔl in siti dɛn ɛn pwɛl dɛn kpatakpata. Dɛm bin kil ɔlman, uman ɛn pikin dɛnsɛf nɔ lɛf,

Nɛimaya 9:24

Dɛn bɔypikin dɛnsɛf go insay go tek kɔntrol ɔf di land. Yu lili di Kenanayt dɛn we bin tap na di land bifo dɛn, yu an ova di Kenanayt wit dɛn Kiŋ dɛn ɛn di pipul dɛn we bin tap na di land, gi dɛn fɔ du wetin dɛn want.