Jɔshwa 10:26 - Krio Fɔs Oli Baybul

²⁶ We ɔl dat dɔn dɔn, Jɔshwa kil di fayv kiŋ wit sɔd ɛn mek dɛn ɛŋ dɛn na difrɛn tik dɛn wan bay wan.

Jɔshwa 10:26 Referans Kwoze

Jɔshwa 8:29

Dɛn ɛŋ di Ay kiŋ na tik ɛn lɛf in bɔdi de te ivintɛm we dɛn pul an de go trowe an na di frɔnt say fɔ go insay di siti, usay dɛn kɔba di bɔdi wit bɔku bɔku ston we de de te di tɛm we dɛn bin de rayt dis buk.

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

Matyu 27:25

Ɔl di pipul dɛn se, “Mek di lod de pan wi ɛn wi pikin dɛn fɔ di day we dis man fɔ day!”

Ɛsta 2:23

Wɛn dɛn fɛnɔt se na tru, dɛn ɛŋ di tu man na galos ɛn rayt wetin apin fɔ di kiŋ insay di buk we dɛn kɔl Kronikuls.

2 Samiɛl 21:9

I gi di Gibiɔnayt dɛn we kil dɛn usay dɛn de wɔship PAPA GƆD. Na di sem tɛm dɛn ɔl sɛvin day ɛn na di tɛm we di bali avɛst de bigin nain dɛn kil dɛn.

2 Samiɛl 21:6

so di kiŋ fɔ gi dɛn sɛvin man nɔmɔ pan Sɔl in fambul dɛn we dɛn go kil usay dɛn de go wɔship PAPA GƆD na Gibia. So di kiŋ tɛl dɛn se in go gi dɛn di sɛvin man.

1 Samiɛl 15:33

Bɔt Samiɛl tɛl am se lɛk aw i dɔn kil bɔku pipul dɛn we mek dɛn mami nɔ gɛt pikin igen, na so insɛf yon mama nɔ go gɛt pikin igen ɛn Samiɛl kil Egag frɔnt PAPA GƆD na Gilgal.

Di Jɔj Dɛm 8:21

Nain Zibɔ ɛn Zalmuna se lɛ insɛf sɛf kil dɛn, bikɔs yu de si pɔsin yu no wetin i kin du. Nain Gidiɔn grap ɛn kil Zibɔ ɛn Zalmuna ɛn tek di chen dɛn we bin ɛŋ na dɛn kamɛl dɛn nɛk.

Di Nɔmba Dɛm 25:4

PAPA GƆD, tɛl Mozis se, “Kil ɔl di lida dɛn ɛn sho dɛn gbanbaode bifo PAPA GƆD, santɛm, so dat PAPA GƆD in at go kol ɛn i nɔ go vɛks bad bad wan igen pan di Izrɛlayt dɛn.

Jɔn 19:31

Na bin Frayde; di Ju bigman dɛn nɔ bin want di bɔdi dɛn fɔ de pan dɛn krɔs di de fɔ pre ɛn blo, bikɔs da de de na bin big de, so dɛn go aks Paylet fɔ mek dɛn brok di man dɛn fut ɛn pul dɛn kɔmɔt na dɛn krɔs.

Di Sam Dɛm 18:41

Dɛn ala fɔ mek pɔsin ɛp dɛn, nɔbɔdi nɔ de Dɛn kɔl PAPA GƆD, i nɔ ansa dɛn.

Di Sam Dɛm 149:7

ɛn rɛdi fɔ fɛt fɔ dɛn rayt ɛn pɔnish di pipul na di ɔda neshɔn,