Jɔshwa 10:25 - Krio Fɔs Oli Baybul

²⁵ Jɔshwa tɛl dɛn se mek dɛn mas dɛn ɛn nɔ fred bikɔs na so PAPA GƆD go de du dɛn ɛnimi dɛn we dɛn go gɛt fɔ de fɛt.

Jɔshwa 10:25 Referans Kwoze

2 Kɔrint 1:10

I pul wi kɔmɔt na day rod, ɛn i go du dat bak; wi no se we una de ɛp wi pre, Gɔd go de pul wi pan denja ɔltɛm. I go ansa dɛn pre we plɛnti pipul de pre fɔ wi, ɛn i go blɛs wi; we dat bi, plɛnti pipul go tɛl am tɛnki fɔ wetin i du fɔ wi.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Lɛta Fɔ Ɛfisɔs 6:10

Mek a tɛl una dis las wɔd bifo a dɔn wetin a de tɔk: Di wanwɔd we una gɛt wit Krays fɔ mek una abop pan di Masta in trɛnk ɛn di pawa we i gɛt.

Lɛta Fɔ Rom 8:37

Bɔt insay ɔl dɛn tin ya, we de bi to wi, di wan we lɛk wi de mek wi ebul win ɔltɛm.

1 Samiɛl 17:37

Devid se, PAPA GƆD we mek di layɔn ɛn di bia nɔ kil am go mɔs mek di Filistin nɔ kil am. Sɔl tɛl Devid lɛ i go fɛt di fɛt. I pre mek PAPA GƆD de wit am.

Ditarɔnɔmi 7:19

di bad bad sɔfa we Ijipt dɛn bin sɔfa we dɛn di Izrɛlayt dɛnsɛf bin si wit dɛn yay, we PAPA GƆD we na dɛn PAPA GƆD bin du dɛn tin dɛn we kin mek pipul dɛn fred ɛn rɛspɛkt am, we na dat i bin tek pul dɛn de; i se na semweso PAPA GƆD we na dɛn PAPA GƆD go du ɔl dɛn neshɔn dɛn we di Izrɛlayt dɛn de fred.

Di Sam Dɛm 77:11

A mɛmba ɔl di wɔndaful tin dɛn we PAPA GƆD bin de du. A go mɛmba di mirekul dɛn we i bin ple lɔntɛm.

Di Sam Dɛm 63:9

Ɔl udat de biɛn mi fɔ kil mi go day.

Jɔshwa 10:8

Bifo Jɔshwa ɛn in man dɛn lɛf fɔ go, PAPA GƆD tɛl an se lɛ i nɔ fred bikɔs in go mɔs mek dɛn win di fɛt.

Jɔshwa 1:6

PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.