Jɔshwa 10:19 - Krio Fɔs Oli Baybul

¹⁹ I se lɛ di sojaman dɛn nɔ se dɛn de gyad, bɔt lɛ dɛn rɔnata dɛn ɛnimi dɛn we bin rɔnawe, ɛn lɛ dɛn nɔ mek dɛn ɛskep, bikɔs PAPA GƆD dɔn gi dɛn di pawa fɔ kɔnka dɛn.

Jɔshwa 10:19 Referans Kwoze

Jɛrimaya 48:10

“Swɛ go mit da pɔsin we de mek slak wit PAPA GƆD in wok ɛn swɛ go mit da pɔsin we de kip in sɔd mek i nɔ kil pɔsin.

Jɛrimaya 8:14

Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

2 Samiɛl 20:6

So Devid tɛl Abishay se if dɛn sidɔm so, Shiba we na Bikray in bɔypikin go fɛn trɔbul fɔ dɛn pas wetin Absalɔm bin du. Devid se Abishay fɔ rɔnata Shiba wit sɔm pan in yon sojaman dɛn ɔ nɔ so i go go fɛn siti we gɛt wɔl we i go go ayd pan dɛn.

2 Samiɛl 17:13

I tɛl Absalɔm se if Devid rɔnawe go insay di siti we wɔl de, di wanol Izrɛl go yuz rop ɛn ib di siti wɔl dɔŋ na di vali we nain grabul-grabul nɔmɔ dɛn go si.

Jɔshwa 10:20

So Jɔshwa ɛn in man dɛn kil kil dɛn ɛnimi dɛn, bɔt sɔm pan dɛn manej rɔn go na dɛn siti dɛn we gɛt wɔl ɛn get, we mek dɛn nɔ ebul kil dɛn.

Jɔshwa 10:18

Jɔshwa tɛl dɛn fɔ rol big big ston dɛn lɔk di kev domɔt ɛn mek sɔm man dɛn lɛf de fɔ gyad.