Jɔshwa 10:13 - Krio Fɔs Oli Baybul

¹³ Ɛn di san tinap, ɛn di mun insɛf nɔ muf te di neshɔn dɔn nyakanyaka dɛn ɛnimi dɛn dɔn. Dɛn wɔd ya rayt na Di Buk Ɔf Jashɛr. Di san de midul di klawd ɛn nɔ wɔri fɔ go dɔŋ fɔ niali wanol de.

Jɔshwa 10:13 Referans Kwoze

Abakɔk 3:11

Di san ɛn di mun nɔ gri fɔ shayn igen we dɛn si aw yu aro dɛn de flay, ɛn yu spia de shayn na di laytin.

Ayzaya 38:8

A go mek di shado we di san kin mek na di rawnd tin we Eaz bil fɔ no tɛm, tɔn bak tɛn stɛp we i de go dɔŋ.” So di san tɔn bak di tɛn stɛp, we i bin dɔn go dɔŋ fɔs.

Jɔshwa 10:14

Tin nɔ bi lɛk dat wande ivin bifo ɛn afta PAPA GƆD bigin ansa mɔtalman in prea, lɛkɛ aw i ansa dɛn prea ɛn fɛt fɔ Izrɛl

Di Jɔj Dɛm 16:28

So Samsin pre to PAPA GƆD se, E PAPA GƆD we na mi Gɔd, a de na ya. A de beg yu, gi mi mi trɛnk bak, a de beg yu, gi mi wan tɛm mɔ nɔmɔ, so dat a go tɔn am gi di Filistin dɛn fɔ we dɛn bɔs mi yay.

Lyuk 18:7

Una min se Gɔd in pipul dɛn we i dɔn pik ɛn we de kray to am de ɛn nɛt fɔ mek i ɛp dɛn, Gɔd nɔ go tek dɛn kes? Una min se Gɔd go te fɔ ansa in pipul dɛn?

Joɛl 3:15

Di san ɛn di mun ɔl go dak ɛn di sta dɛn nɔ go gri fɔ shayn.

Joɛl 2:10

Wɛn dɛn bɔs, di ath trimbul, ɛvin sɛf trimbul. Di san ɛn mun ɔl dak ɛn di sta dɛn nɔ gri shayn igen

Di Sam Dɛm 148:3

Di san ɛn di mun ɔl fɔ prez am, ivin di sta dɛn we de shayn fɔ prez am.

Di Sam Dɛm 19:4

bɔt we yu si dɛn ɔlsay na wɔl, so dɛn de mek yu no se PAPA GƆD big. PAPA GƆD dɔn mek spɛshal ples fɔ mek di san de;

Ɛsta 8:13

Dɛn mek wetin dɛn rayt lɔ na ɔl di prɔvins dɛn so dat dɛn go tɛl ɔlman mek di Ju dɛn go rɛdi da de de fɔ fɛt fɔ dɛn layf ɛn kil dɛn ɛnimi.

2 Samiɛl 1:18

Leta ɔn i gi ɔda se ɔlman na Juda fɔ lan dis siŋ ɛn so dɛn put am na wan buk. Di siŋ se,

Ayzaya 24:23

Di mun go sɔprayz, ɛn di san go shem; bikɔs PAPA GƆD Ɔlmayti go ren na Mawnt Zayɔn ɛn insay Jerusɛlɛm ɛn na frɔnt di bigman dɛn i go sho in pawa.

Di Jɔj Dɛm 5:2

Di bigman dɛn na Izrɛl tinap lɛk bigman, ɛn di pipul dɛn gri fɔ go we dɛn nɔ fos dɛn, prez PAPA GƆD fɔ di wan dɛn we go fɛt we dɛn nɔ fos.

Jɔshwa 10:11

Di Amorayt dɛn bin de rɔnawe pan di Izrɛlayt dɛn lɛk dɛn ed nɔ de. We dɛn bin de rɔndɔŋ di il na Bɛthɔrɔn, PAPA GƆD mek big big ston dɛn de kɔmɔt ɔp fɔdɔm pan dɛn ɛn kil dɛn te rich Azaka. Di wan dɛn we di ston dɛn kil bin plɛnti pas di wan dɛn we di Izrɛlayt dɛn bin kil.

Di Nɔmba Dɛm 31:2

“Go fɛt di Midianayt dɛn fɔ wetin dɛn bin du di Izrɛlayt dɛn. Afta dat yu go day go mit yu pipul dɛn.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

Rɛvɛleshɔn 8:12

Di enjɛl we mek fo blo in trɔmpɛt. Sɔntin nak wan pam tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pam tri pat na de tɛm dak, ɛn na semwe so i bin bi na nɛt.

Rɛvɛleshɔn 6:12

Dɛn a si di Ship opin di pepa we rol na di say we mek siks we bin fasin. Na de di grɔn bigin trimbul bad bad wan, di san blak, lɛkɛ dɛn tik blak klos, di mun rɛd lɛkɛ blɔd.

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Apɔsul Dɛn Wok 2:20

Bifo di big de we di Masta go kam bak, di san go dak lɛkɛ nɛt ɛn di mun go rɛd lɛkɛ blɔd.

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

Di Nɔmba Dɛm 21:14

Na dat mek dɛn tɔk insay di buk we tɔk bɔt wa dɛn we PAPA GƆD fɛt se, “Waɛb we de na Sɔfa ɛn di dip ples na Mawnt Anɔn

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Joɛl 2:31

San nɔ go shayn, di ples go dak ɛn di mun go rɛd lɛk blɔd. I se ɔl dis go bi di de we PAPA GƆD go kam, dat na di big de we wi fɔ fred.

2 Kiŋ 20:10

Ɛzikaya ansa se i izi fɔ lɛ shado go bifo tɛn stɛp, so lɛ i go biɛn tɛn stɛp.

Job 9:7

we de gi ɔda mek san nɔ shayn, ɛn di sta dɛnsɛf nɔ shayn;