Jɔshwa 10:11 - Krio Fɔs Oli Baybul

¹¹ Di Amorayt dɛn bin de rɔnawe pan di Izrɛlayt dɛn lɛk dɛn ed nɔ de. We dɛn bin de rɔndɔŋ di il na Bɛthɔrɔn, PAPA GƆD mek big big ston dɛn de kɔmɔt ɔp fɔdɔm pan dɛn ɛn kil dɛn te rich Azaka. Di wan dɛn we di ston dɛn kil bin plɛnti pas di wan dɛn we di Izrɛlayt dɛn bin kil.

Jɔshwa 10:11 Referans Kwoze

Ayzaya 28:2

PAPA GƆD gɛt di wan we pawaful ɛn traŋa; na lɛk we af af ays de fɔdɔm bɔku bɔku wan lɛk ren, lɛk ebi ebi tinada, lɛk tinada we de briŋ ebi ebi flɔd, i yuz pawa sɛn am kan dɔŋ na di wɔl.

Di Jɔj Dɛm 5:20

Di sta dɛnsɛf na di skay bin de fɛt, na di tɛm we dɛn bin de du wetin dɛn kin du na di skay, dɛn bin de fɛt Sisɛra.

Rɛvɛleshɔn 16:21

Big big ays ren bigin fɔdɔm pan mɔtalman frɔm ɛvin. Wan wan pan di ays ren bin we lɛkɛ wan ɔndrɛd pawn so. Di pipul dɛn bigin kɔs Gɔd bikɔs i mek dɛn big big ays ren ya fɔdɔm pan dɛn, we mek dɛn sɔfa bad bad wan.

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Izikɛl 13:11

tɛl dɛn wan dɛn we dab di wɔl wit waytwɔsh se i go fɔdɔm. Big big ren go fɔdɔm ebi ebi wan ɛn broko broko ays go fɔdɔm ɛn ebi ebi briz go blo;

Ayzaya 30:30

Ɛn PAPA GƆD go mek pipul dɛn yɛri in kiŋ vɔys ɛn dɛn go si in an de kan dɔŋ fɔ blo wit bad bad vɛksteshɔn ɛn faya we de bɔn ɔltin, wit klawd we de sɛn tɛnda ɛn af af blɔk ays kan dɔŋ.

Di Sam Dɛm 11:6

I go mek faya ɛn sɔlfa we de bɔn ɛn smɛl fɔdɔm pan udat bad, lɛk we ren de fɔdɔm, dɔn ɔt, ɔt, briz go blo we go mek ɔltin dray.

Jɛnɛsis 19:24

Da sem tɛm de nain PAPA GƆD mek big, big faya ɛn sɔlfa kɔmɔt na ɛvin ɛn bɔn Sɔdɔm ɛn Gomɔra.

Job 38:22

Yu dɔn ɛva go na di sto we a de kip sno, ɔ di sto we a de kip lokɔs,

Ditarɔnɔmi 20:4

bikɔs na PAPA GƆD we na dɛn PAPA GƆD insɛf de go fɛt di ɛnimi fɔ dɛn, ɛn i go mek dɛn win.

2 Samiɛl 18:8

Di eria we dɛn de fɛt kam big pas wetin dɛn bin min te go insay insay di bush. Di pipul we day na di bush pas di wan dɛn we dɛn kil.

Job 38:23

we a dɔn kip fɔ di de we trɔbul go kam, di de we fɛt go fɔdɔm?

Di Sam Dɛm 147:17

We i rɛdi na ren we fiba grabul-grabul de fɔdɔm i kin so kɔl dat nɔbɔdi nɔ ebul bia am

Ayzaya 28:21

Bikɔs PAPA GƆD go grap lɛk aw i bin du na Mawnt Pɛrazim, i go rej lɛk aw i bin rej na Mawnt Gibɛɔn; fɔ du wetin i kin du-wetin i kin du kin strenj! Ɛn fɔ wok in wok-in wok kin strenj!