Jɔshwa 1:7 - Krio Fɔs Oli Baybul

⁷ PAPA GƆD se na fɔ lɛ Jɔshwa tinap lɛkɛ man nɔmɔ ɛn lɛ i obe ɔl di lɔ dɛn we in bin dɔn gi Mozis, ɛn nɔ bɛn bɛn natin, ɛnisay dɛn go, bɛtɛ go fala dɛn.

Jɔshwa 1:7 Referans Kwoze

1 Kronikuls 22:13

Datɛnde bɛtɛ go fala yu if yu tek tɛm du ɔl wetin PAPA GƆD we na yu Gɔd bin tɛl Mozis se Izrɛl fɔ de du. Tinap lɛk man ɛn nɔ fred. Nɔ fred natin; nɔ mek natin pwɛl yu at.

Ditarɔnɔmi 5:32

Mozis tɛl di Izrɛlayt dɛn se, dɛn fɔ tek tɛm lɛ dɛn obe di lɔ dɛn we PAPA GƆD we na dɛn PAPA GƆD dɔn se dɛn fɔ obe, ɛn yuki yuki nɔ fɔ de pan dɛn.

Jɔshwa 1:8

PAPA GƆD se lɛ Jɔshwa mek shɔ se dɛn de rid di Lɔ Buk ɛnitɛm we dɛn pre to am ɛn wɔship am. I se dɛn fɔ de rid an de ɛn nɛt, so dat dɛn go no ɔl wetin de de fɔ ebul du ɔl wetin di lɔ se, so bɛtɛ go fala dɛn pan ɔl wetin dɛn put an pan.

Prɔvabs 4:27

Nɔ bigin de luk ya, luk yanda; nɔ fala fɔ du bad.

Jɔshwa 11:15

Jɔs lɛk aw PAPA GƆD bin tɛl Mozis we nain wokman fɔ du, na so insɛf tɛl Jɔshwa, ɛn na so Jɔshwa insɛf du ɔltin di we we PAPA GƆD bin tɛl Mozis we bin tɛl an.

Ditarɔnɔmi 12:32

I se dɛn fɔ mek shɔ se dɛn du ɔl wetin i bin dɔn tɛl dɛn se PAPA GƆD se dɛn fɔ de du; dɛn nɔ fɔ put de, dɛn nɔ fɔ pul de.

Ditarɔnɔmi 31:7

Mozis sɛn kɔl Jɔshwa ɛn tɛl am bifo ɔl di pipul dɛn se, i fɔ tinap lɛk man, mek ɔp in maynd ɛn nɔ fɔ fred natin, bikɔs nain go gɛt fɔ kɛr di pipul dɛn go na di land we PAPA GƆD we na dɛn PAPA GƆD, bin dɔn swɛ to dɛn fɔstɛm-papa dɛn se, i go gi dɛn, ɛn Jɔshwa fɔ si dat dɛn tek am as dɛn yon prɔpati.

Ditarɔnɔmi 29:9

Mozis bin tɛl dɛn se lɛ dɛn mek shɔ se dɛn du ɔl wetin dɛn bin gri se dɛn go de du, we dɛn mek di Kɔvinant wit PAPA GƆD, so dat bɛtɛ go fala dɛn.

Ditarɔnɔmi 28:14

dat na if dɛn nɔ ple tampale wit PAPA GƆD ɛn go wɔship ɔda gɔd dɛn.

Prɔvabs 8:20

A de du tin tret wan, a de trit pipul fia wan.

1 Kiŋ 2:3

ɛn du wetin yu PAPA GƆD we na PAPA GƆD tɛl yu fɔ du. Kiaful fɔ obe ɔl in lɔ ɛn kɔmandmɛnt we rayt na di lɔ we Mozis gi, so dat ɛnisay we yu go, bɛtɛ go fala yu pan wetin yu de du.

Di Nɔmba Dɛm 27:23

Dɔn i put in an nain ed ɛn mek i no se in na di pipul dɛn lida naw, jɛs lɛkɛ aw PAPA GƆD bin tɛl Mozis se dɛn fɔ du.

Jɔshwa 1:1

We Mozis we bin de wok fɔ PAPA GƆD day, PAPA GƆD tɛl Nɔn in pikin, Jɔshwa, we na bin Mozis in aprɛntis se,

Ditarɔnɔmi 11:8

Mozis se if dɛn du ɔl wetin in tɛl dɛn da de de se PAPA GƆD se dɛn fɔ de du, dɛn go gɛt trɛnk ɛn pawa fɔ krɔs Riva Jɔdan go kapchɔ di land we dɛn fɔ go tek fɔ dɛnsɛf.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Jɔshwa 23:6

Jɔshwa se na dɛn kayn tin dɛn de fɔ mek dɛn ol PAPA PAPA GƆD in lɔ dɛn traŋa wan ɛn nɔ mek jok wit dɛn atɔl

1 Kiŋ 2:2

I se, “Mi tɛm dɔn de rich fɔ go to mi pipul dɛn. Gɛt kɔrej, ɛn sho yusɛf to ɔlman se yu na bɔypikin,

2 Kiŋ 22:2

Josaya in du wetin rayt na PAPA GƆD in yay, ɛn du wetin in papa Devid bin de du; i nɔ bɛnbɛn pan natin.

2 Kronikuls 15:7

Bɔt una tek kɔrej! Una nɔ pwɛl at bikɔs yu go gɛt di pe fɔ yu wok.”

Job 1:8

PAPA GƆD aks am if i dɔn tink bɔt Job we nain wokman. PAPA GƆD tɛl Setan se nɔbɔdi nɔ de na wɔl lɛk Job bikɔs na gud man ɛn i de waka tret wit am. I fred ɛn rɛspɛkt in PAPA GƆD ɛn nɔ miks pan bad.

Daniɛl 10:19

Nain i tɛl mi se, ‘Yu mɔtalman we dɛn lɛk pasmak, nɔ fred, lɛ yu gɛt kol at; gɛt maynd ɛn gɛt ay kɔrej.” Wɛn i dɔn tɔk to mi dɔn, a bin gɛt trɛnk bak. Nain a se, “Lɛ mi masta tɔk bikɔs yu dɔn gi mi trɛnk.”

Ditarɔnɔmi 4:2

I tɛl dɛn se dɛn nɔ fɔ put ɔ pul natin pan wetin i bin dɔn tɛl dɛn se PAPA GƆD we na dɛn PAPA GƆD bin se dɛn fɔ de du ɛn nɔ fɔ de du, so dat dɛn go du di kɔrɛkt tin dɛn we I se.

Ditarɔnɔmi 29:8

Dɛn bin tek dɛn land gi di Rubɛn fambul, di Gadayt ɛn af pan di Manasɛ fambul dɛn.

2 Kronikuls 26:5

I mekɔp in maynd fɔ fɛn PAPA GƆD dyurin di tɛm we Zɛkaraya we bin de tich am fɔ rɛspɛkt PAPA GƆD, bin de; wans i bin de fɛn PAPA GƆD, PAPA GƆD bin mek i de go bifo.

Di Sam Dɛm 80:19

PAPA GƆD, PAPA GƆD Ɔlmayti, mek wi bi wetin wi bin bi fɔs, Av masi pan wi ɛn sev wi.