Jɔshwa 1:18 - Krio Fɔs Oli Baybul

¹⁸ Dɛn tɔk igen se, ɛnibɔdi we nɔ go wan du wetin Jɔshwa se, dɛn fɔ kil am. Di pipul dɛn tɛl am se lɛ i tinap lɛk man pan ɔltin.

Jɔshwa 1:18 Referans Kwoze

Lɛta Fɔ Ɛfisɔs 6:10

Mek a tɛl una dis las wɔd bifo a dɔn wetin a de tɔk: Di wanwɔd we una gɛt wit Krays fɔ mek una abop pan di Masta in trɛnk ɛn di pawa we i gɛt.

1 Kɔrint 16:13

Una fɔ waydawek, una fɔ tinap traŋa pan di biliv we una biliv pan Gɔd, una fɔ gɛt kɔrej, una nɔ fɔ mek ɛnitin pul una pan di wok we una de du fɔ Gɔd.

Ɛzra 10:4

I se lɛ Ɛzra grap bikɔs, nain de bifo pan di biznɛs ɛn dɛn rɛdi fɔ sɔpɔt am, so i nɔ fɔ pwɛl at. I se dɛn de biɛn am.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.

1 Samiɛl 11:12

Di pipul dɛn bigin bato Sɔl se, dɛn go kil dɛn wan we bin se Sɔl nɔ go ebul fɔ lid dɛn.

Lyuk 19:27

Dɛn pipul we nɔ lɛk mi, we nɔ want fɔ mek a rul dɛn, una briŋ dɛn kam na ya ɛn kil dɛn bifo mi.’”

Ditarɔnɔmi 17:12

Mozis se ɛnibɔdi we nɔ go du wetin di man dɛn we de mek sakrifays fɔ pipul sin ɔ di jɔj dɛn se, dɛn fɔ kil da pɔsin de. I se na so dɛn go tek de pul di bad tin dɛn kɔmɔt na di Izrɛl neshɔn.

Jɔshwa 1:17

Dɛn tɛl am igen se, dɛn go obe am jɔs lɛk aw dɛn bin de obe Mozis ɛn dɛn pre se lɛ PAPA GƆD we na dɛn PAPA GƆD de wit am ɔltɛm lɛk aw I bin de wit Mozis.

Jɔshwa 2:1

We di Izrɛlayt dɛn bin kamp na Akeshia, Jɔshwa we na Nɔn in pikin sɛn tu man fɔ go ayd wach Kenan aw i tan. We dɛn go na Kenan, dɛn go tap na wan rare gyal we nem Reab in os.