Jɔshwa 1:11 - Krio Fɔs Oli Baybul

¹¹ fɔ tɛl di Izrɛlayt dɛn se, insay tri de, dɛn fɔ krɔs Riva Jɔdan fɔ go kapchɔ di land we PAPA GƆD we na dɛn PAPA GƆD de gi dɛn fɔ dɛnsɛf, so dɛn fɔ pak it we go du fɔ ɔl datɛnde.

Jɔshwa 1:11 Referans Kwoze

Ditarɔnɔmi 9:1

Mozis tɛl di Izrɛlayt dɛn se, da de de, dɛn go krɔs Riva Jɔdan go oba say fɔ go kapchɔ di land; di pipul dɛn we de de plɛnti ɛn ebul fɛt pas Izrɛl. Dɛm siti dɛn big big ɛn dɛn wɔl dɛn ay ay te dɛn wan rich na di skay.

2 Kiŋ 20:5

“Go bak go tɛl Ɛzikaya we de lid mi pipul dɛn se, mi PAPA GƆD we nain Papa Devid in PAPA GƆD se, a dɔn yɛri in prea ɛn si di kray we i kray, so a go mek i wɛl. Tri de frɔm tide, lɛ i grap go ɔp na mi os.

Ozie 6:2

Bay di sɛkɛn de, i go si wi, i go mek wi grap di tɔd de, so i go de si wi.

Jɔshwa 3:2

Afta tri de, di bigman dɛn na Izrɛl go rawnd di kamp

Ditarɔnɔmi 11:31

I se dɛn go gɛt fɔ krɔs Riva Jɔdan go kapchɔ di land we na PAPA GƆD we na dɛn PAPA GƆD bin dɔn gi dɛn, ɛn dɛn fɔ tek an fɔ dɛnsɛf ɛn tap de.

Ɛksodɔs 19:11

rɛdi dɛnsɛf fɔ di tɔd de, bikɔs na da de de a go kam dɔŋ na Mawnt Saynay usay ɔlman go si mi.

Jɔshwa 1:2

Mozis we na bin in yon wokman dɔn day. So mek in ɛn di Izrɛlayt dɛn rɛdi mek in de bifo dɛn fɔ go krɔs oba Riva Jɔdan ɛn go na di land we in de gi di Izrɛlayt dɛn.

Jɔshwa 1:10

So Jɔshwa tɛl ɔl di difrɛn fambul dɛn bigman dɛn

Ditarɔnɔmi 3:18

Da sem tɛm de, Mozis bin tɛl dɛn se PAPA GƆD dɔn gi dɛn da land de fɔ dɛn yon prɔpati so dɛn fɔ go kapchɔ di land. I se ɔl di gud fɛt man dɛn fɔ go bifo go krɔs Riva Jɔdan rɛdi fɔ fɛt.