Joɛl 3:5 - Krio Fɔs Oli Baybul

⁵ I se dɛn go tek in silva ɛn gold go na dɛn pegan gɔd dɛn os.

Joɛl 3:5 Referans Kwoze

2 Kiŋ 24:13

Lɛkɛ aw PAPA GƆD bin dɔn se nɔmɔ, na so Nɛbyukadnɛza klia ɔl di dia tin dɛn we bin de na PAPA GƆD in os ɛn di kiŋ in os na Juda. I klia ɔl di gold we Kiŋ Sɔlɔmɔn bin put na PAPA GƆD in os.

2 Kiŋ 16:8

Eaz tek di gold ɛn silva we de na PAPA GƆD in os ɛn in yon os ɛn sɛn ɔl as prɛzɛnt fɔ di kiŋ na Asiria.

2 Kiŋ 12:18

Bɔt Kiŋ Joash na Juda pul ɔl di tiŋs dɛn na PAPA GƆD in os we in grampapa dɛn we na Jɛoshafat, Jɛoram ɛn Aazaya we dɛn na bin kiŋ na Juda bin dɔn gi fɔ PAPA GƆD in os, wit in yon tiŋs dɛn nain os go gi Kiŋ Azaɛl na Siria. Kiŋ Joash gi Kiŋ Azaɛl ɔl di gold tiŋs dɛn we i mit na PAPA GƆD in os, ɛn di wan we insɛf put de. Dat mek Kiŋ Azaɛl nɔ atak Jerusɛlɛm igen

Daniɛl 11:38

Bifo i rɛspɛkt di ɔda gɔd dɛn, i go rɛspɛkt di gɔd we de na barik; gɔd we in papa dɛn nɔ no na im i go ɔna wit gold ɛn silva ɛn dayamɔn ɛn dia dia prɛzɛnt dɛn.

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Jɛrimaya 50:28

“Una lisin! Dɛn de rɔnawe kɔmɔt Babilɔn, fɔ go anawns na Jerusɛlɛm bɔt di rivɛnj we PAPA GƆD we na wi Gɔd, wan rivɛnj fɔ in Tɛmpul.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Jɛrimaya 23:7

“PAPA GƆD se, fɔseka dat, a de tɛl una, di tɛm de kam we mɔtalman go lɛf fɔ de se, ‘Wans PAPA GƆD we pul Izrɛl kɔmɔt Ijipt, de,’

Izikɛl 37:12

Fɔseka dat, prɔfisay, ɛn tɛl dɛn se, na dis Papa Gɔd we na Gɔd se: una lisin, ‘O mi pipul, a go opin una grev dɛm, ɛn pul una kɔmɔt insay una grev dɛm, ɛn a go briŋ una kam om insay Izrɛl.

Obadaya 1:17

Bɔt sɔm pipul na Juda nɔ go rɔnawe, dɛn go lɛf na Mawnt Zayɔn, di oli il; dɔn Jekɔb in jɛnareshɔn go gɛt di land bak we na dɛn yon bay rayt.