Joɛl 3:4 - Krio Fɔs Oli Baybul

⁴ I aks wetin Taya, Saydɔn ɛn dɛn ɔda siti dɛn na Filistia gɛt fɔ du wit am. I se if na pe dɛn wan pe bak insɛf go pe dɛn bak kwik wan fɔ ɔl wetin dɛn dɔn du ɛn i nɔ go westɛm sɛf!

Joɛl 3:4 Referans Kwoze

Jɛrimaya 47:4

fɔseka di de we de kam fɔ nyakanyaka ɔl di Filistin dɛm, fɔ kil ɔl di ɛlpa dɛn we lɛf na Taya ɛn Sidɔm. Bikɔs PAPA GƆD de nyakanyaka ɔl di filistin dɛm, dat na di balans pipul dɛn we de na Krit Ayland.

Ayzaya 59:18

Na akɔdin to wetin dɛn du, i go pe dɛn bak, vɛksteshɔn fɔ di wan dɛn we de agens am, ɛn i go sho lɔv to in ɛnimi dɛn; i go sho lɔv to di kɔntri dɛn we de nia di si.

Ayzaya 34:8

Bikɔs PAPA GƆD gɛt di de we i de rivɛnj, di ia we i go pe dɛn bak fɔseka Zayɔn.

Sɛkɛn Lɛta Fɔ Tɛsalonayka 1:6

Gɔd go du wetin rayt: dɛn pipul we de mek una sɔfa, Gɔd go mek dɛnsɛf sɔfa,

Apɔsul Dɛn Wok 9:4

I fɔdɔm na grɔn, i yɛri vɔys de tɛl am se, “Sɔl, Sɔl, wetin mek yu de fɛt mi?”

Lyuk 18:7

Una min se Gɔd in pipul dɛn we i dɔn pik ɛn we de kray to am de ɛn nɛt fɔ mek i ɛp dɛn, Gɔd nɔ go tek dɛn kes? Una min se Gɔd go te fɔ ansa in pipul dɛn?

Matyu 11:21

I se, “Bad tin go mit una ɔl we de na Kora zin ɛn Bɛtsayda. If pɔsin bin du dɛn wɔndaful wok we a bin du na una ples, na Taya ɛn Saydɔn, di pipul dɛn we lib de bin fɔ dɔn lɛf fɔ du bad lɔntɛm, ɛn dɛn bin fɔ wɛr bag ɛn rɔb asis pan dɛnsɛf, fɔ sho se dɛn dɔn lɛf fɔ du bad!

Jɛrimaya 51:6

“Una rɔnawe kɔmɔt Babilɔn, lɛ ɔlman sev inyon layf! Nɔ mek yu sɔfa pan in pɔnishmɛnt, bikɔs dis na di tɛm fɔ PAPA GƆD in rivɛnj we na di pemɛnt we i de gi am.

2 Kronikuls 21:16

PAPA GƆD mek di Filistin dɛn ɛn di Arab dɛn we bin de nia Itiopia, at wam pan Joram;

Di Jɔj Dɛm 11:12

Nain Jɛftha sɛn go aks di Amonayt dɛn kiŋ wetin di Izrɛlayt dɛn du we i gɛt dɛn na at we mek i kam fɔ fɛt dɛn na dɛn yon kɔntri.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Matyu 11:22

A de tɛl una fɔ tru se, di de we Gɔd go jɔj ɔlman na wɔl, i go sɔri fɔ Taya ɛn Saydɔn pas una.

Lyuk 10:13

“Bad tin go mit una ɔl we de na Kora zin ɛn Bɛtsayda. If pɔsin bin du dɛn wɔndaful wok we a bin du fɔ una, na Taya ɛn Saydɔn, dɛn pipul de bin fɔ dɔn lɛf fɔ du bad lɔntɛm; dɛn bin fɔ wɛr bag ɛn rɔb asis na dɛn bɔdi fɔ mek ɔlman no se dɛn dɔn lɛf fɔ du bad.

Lyuk 10:14

Di de we Gɔd go jɔj ɔlman na wɔl, i go sɔri fɔ Taya ɛn Saydɔn pas una.

Ayzaya 14:29

Una nɔ gladi o, una ɔl we de na Filistia, se di tik we wap una dɔn brok, bikɔs na frɔm snek da pɔyzinɔs snek we nem Ada, de kɔmɔt, ɛn di tin we in go bɔn na snek we de flay.

Jɛrimaya 47:1

PAPA GƆD in wɔd we kam to Jɛrimaya we na prɔfɛt, bɔt di Filistin dɛm, bifo Fero bin atak Gaza.

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Joɛl 2:10

Wɛn dɛn bɔs, di ath trimbul, ɛvin sɛf trimbul. Di san ɛn mun ɔl dak ɛn di sta dɛn nɔ gri shayn igen