Joɛl 3:19 - Krio Fɔs Oli Baybul

¹⁹ Ijipt go tan lɛk ples we dɛn lɛf to insɛf ɛn Idɔm go tan lɛk ɛmti land we pɔsin nɔ go ebul tap, bikɔs ɔf di fɛt fɛt we dɛn dɔn du to di pipul na Juda, we dɛn dɔn kil fɔ natin.

Joɛl 3:19 Referans Kwoze

Jɛrimaya 51:35

Lɛ di fɛt we i dɔn fɛt mi ɛn mi kɔntriman dɛm, de na Babilɔn dɛn ed,” lɛ di pipul dɛm we tap na Jerusɛlɛm se, ‘Lɛ mi blɔd de na di pipul dɛn we tap na Babilɔn dɛn ed,” lɛ Jerusɛlɛm se so.

Sɛkɛn Lɛta Fɔ Tɛsalonayka 1:6

Gɔd go du wetin rayt: dɛn pipul we de mek una sɔfa, Gɔd go mek dɛnsɛf sɔfa,

Zɛkaraya 10:10

I se, in go briŋ ɔl dɛn wan na Ijipt ɛn Asiria kam bak na dɛn yon kɔntri. I go lɛ dɛn sɛtul na Giliad ɛn Libanɔn. Dɛn go so bɔku dat di ples nɔ go du fɔ dɛn ɔl.

Obadaya 1:1

Na di tin dɛn dis we Obadaya si. Na di tin dis we PAPA GƆD we na GƆD, se bɔt Idɔm. Idɔm, PAPA GƆD dɔn sɛn mɛsej to dɛn ɔda neshɔn se dɛn fɔ rɛdi fɔ go fɛt yu, ɛn wisɛf dɔn yɛri.

Lamɛnteshɔn 4:21

Una gladi o, pipul dɛn na Idɔm, una gladi, di pipul dɛnsɛf na Ɔz una gladi; bɔt di sɔfrin go pas to una wande; una go drɔnk ɛn trip unasɛf nekɛd.

Jɛrimaya 49:17

“Idɔm go tɔn ples fɔ fred; ɔlman we go pas go fred, ɛn dɛn go sɔktit fɔseka di kayn dizasta we mit dɛm.

Ayzaya 11:15

PAPA GƆD go mek usay di wata de rɔn kɔmɔt go insay Ijipt pwɛl kpatakpata; ɛn I go pas in an oba di Riva wit in ɔt ɔt briz, ɛn tɔn am to sɛvin rod so dat pipul dɛn go wɛr dɛn sus waka krɔs.

Di Sam Dɛm 137:7

PAPA GƆD, nɔ fɔgɛt wetin di Idɔmayt dɛn du di de we dɛn kapchɔ Jerusɛlɛm, na so dɛn bin de ala “Una brok am! Na fɔ rut am kɔmɔt na grɔn!”

Ayzaya 11:14

Dɛn go atak di Filistin dɛn we tap na di wɛst, lɛk we bɔd de flay kan dɔŋ wit spid, ɛn dɛn go jɔyn an fɔ tif ɔl wetin di pipul dɛn na di ist gɛt. Dɛn go fɛt Idɔm ɛn Moab ɛn di Amonayt dɛn go obe dɛn.

Abakɔk 2:17

Aw dɛn trit Libanɔn bad, na so dɛn go trit dɛn, dɛn animal dɛn we dɛn kil, dɛn gost dɛnsɛf, go tɔmɛnt dɛn bikɔs dɛn kil bɔku pipul na wɔl ɛn we tap na dɛn siti dɛn de.