Joɛl 3:18 - Krio Fɔs Oli Baybul

¹⁸ Da de de, di mawnten dɛnsɛf go gɛt wayn bɔku ɛn di il dɛn go gɛt bɔku milk, ɔl di watasay dɛn na Juda go gɛt bɔku wata; ɛn wata sɛf go bɔs insay PAPA GƆD in os fɔ wata di Shitim Vali.

Joɛl 3:18 Referans Kwoze

Zɛkaraya 14:8

Da de de, na wata we de gi layf nɔmɔ go de flo na Jerusɛlɛm, af go de go na di ist si, af de go na di wɛst si. Na so i go de bi ren sizin ɛn dray sizin.

Ayzaya 35:6

dɔn kripul pɔsin go jomp lɛk dia ɛn mumu go opin in mɔt siŋ wit gladi. Bikɔs wata go bɔs na di dray ɛn ɛmti ples we natin nɔ de, ɛn watasay dɛm go de na di ɛmti ples we pɔsin nɔ go ebul tap;

Ayzaya 30:25

Ɛn pan ɔl dɛn ay ay mawnten ɛn ɔl dɛn ay il, watasay dɛn go de we wata de rɔn, di de we dɛn go kil bɔku pipul, we di tawa dɛn go fɔdɔm.

Di Nɔmba Dɛm 25:1

Di tɛm we di Izrɛlayt dɛn bin tap na di Akeshia Vali, di man dɛn bigin gɛt biznɛs wit di Moabayt uman dɛn

Di Sam Dɛm 46:4

Wan riva de we de mek PAPA GƆD in pipul we de nain siti, gladi, di siti we PAPA GƆD we pas ɔl ɔda gɔd dɛn de.

Job 29:6

Di tɛm we mi got ɛn kaw bin de pul bɔku bɔku milk, ɛn mi ɔliv tik dɛn bin de pul plɛnti plɛnti ɔyl!

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Mayka 6:5

Mi pikin dɛn, una mɛmba wetin Belak, di kiŋ na Moab bin plan fɔ una ɛn aw Belam we na Beɔ in bɔypikin bin ansa am. Una mɛmba wetin bin apin na rod we una kɔmɔt Akesia fɔ go Gilgal. If una ebul mɛmba dɛn tin ya, una go mɛmba wetin PAPA GƆD du fɔ sev una.”

Ayzaya 44:3

Bikɔs a go tɔn wata na di land we tɔsti, 2 ɛn mek watasay dɛm na di dray grɔn; A go put mi Spirit pan yu pikin dɛn, ɛn mi blɛsin pan di wan dɛn we yu bɔn.

Ayzaya 45:8

“Sɛn ren kan dɔŋ, yu skay, ɛn lɛ di skay dɛn sɛn raychɔsnɛs kan dɔŋ lɛ di grɔn opin so dat salveshɔn go bɔs kɔmɔt, ɛn lɛ i mek raychɔsnɛs insɛf bɔs kam ɔp; na mi PAPA GƆD dɔn mek am.

Ayzaya 55:1

E, lɛ ɔlman we tɔsti, kam na di watasay dɛn; ɛn lɛ udat we nɔ gɛt kɔpɔ, kam, bay ɛn it! Kam, bay wayn ɛn milk i lɛk yu nɔ gɛt kɔpɔ ɛn dɛn nɔ gɛt prayz.

Ayzaya 66:11

so dat una go sɔk ɛn satisfay wit in bɔbi we de bayo bayo; so dat una drink gud wit ɛnjɔymɛnt kɔmɔt nain glori we i gɛt abɔmpa.”

Jɛrimaya 31:12

Dɛn go kam ɛn siŋ lawd lawd wan na di mawnten dɛn na Zayɔn, dɛn go gladi fɔseka di gud tin dɛn we PAPA GƆD de du fɔ dɛm, fɔseka di rɛs, di wayn ɛn di ɔyl, ɛn fɔseka di pikin ship ɛn kaw; dɛn layf go tan lɛkɛ gadin we dɛn dɔn wata, ɛn dɛn nɔ go lɛf to dɛnsɛf igen.