Joɛl 3:17 - Krio Fɔs Oli Baybul

¹⁷ I se da tɛm de dɛn go no se in na PAPA GƆD we na dɛn GƆD, di wan we de na di oli il na Zayɔn. Jerusɛlɛm go bi in oli siti ɛn trenja dɛn nɔ go jɛs de tek de mek natin.

Joɛl 3:17 Referans Kwoze

Joɛl 2:27

I se dɛn go no se i de wit di pipul na Izrɛl, ɛn dat in PAPA GƆD, na dɛn GƆD ɛn dɛn nɔ gɛt nɔn ɔda wan. Ɛn i nɔ go mek in pipul shem igen

Neum 1:15

Lɔd o! Na wi tɛm dɔn kam so. Sɔmbɔdi de pantap di mawnten de ala se di Asirian dɛn yon dɔn dɔn, so una fɔ kɔntinyu wit una sɛlibreshɔn ɛn gi PAPA GƆD wetin una bin dɔn se una go gi am bikɔs i go nyamanyama di Asirian ɛn dɛn nɔ go ambɔg una igen

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Rɛvɛleshɔn 21:27

Bɔt natin we bad nɔ go go insay de, ɛnibɔdi we de du dɛn dɔti dɔti tin nɔ go go insay de, semwe so, dɛn pipul we de lay, ɛn pipul dɛn lɛkɛ dat, nɔ go go insay de. Dɛn pipul we go go insay de, na di wan dɛn nɔmɔ we dɛn nem bin dɔn rayt na di Ship in buk we dɛn de rayt dɛn pipul we gɛt layf sote go dɛn nem.

Ayzaya 4:3

Dɛn go kɔl di wan dɛn we lɛf na Zayɔn ɛn di balans na Jerusɛlɛm oli pipul; dat na ɔlman insay Jerusɛlɛm we Gɔd dɔn rayt in nem se i go liv,

Jɛrimaya 31:23

Na dis PAPA GƆD Ɔlmayti we na Izrɛl dɛn Gɔd se: “wan tɛm mɔ, dɛn go yuz dɛn wɔd ya na Juda ɛn in siti dɛm, we a go gi dɛm dɛn jɛntri bak: “PAPA GƆD GO blɛs yu, yu we nainsay yu raychɔsnɛs tap, Yu oli il!’

Joɛl 3:21

I se in nɔ go lɛ dɛn blɔd wes fɔ natin, in go mɔs pɔnish udat gilti, bikɔs in na PAPA GƆD we de na Mawnt Zayɔn.

Zɛkaraya 8:3

PAPA GƆD se, fɔ tɛl dɛn se, in go go tap bak na Jerusɛlɛm ɛn ɔlman go no se na de PAPA GƆD Ɔlmayti de, nain oli mawnten, dɔn dɛn go no se na siti we fethful.

Mayka 4:7

in go briŋ udat lɛf kam bak ɛn mek dɛn bigin layf bak. Dɛn go bi pawaful ɛn na frɔm Mawnt Zayɔn in go rul dɛn sote go.

Daniɛl 11:45

Ɛn i go mek in tɛnt dɛm, we i go tap lɛk kiŋ, bitwin di si ɛn di oli mawnten we dɛn de prez pas ɔl; bɔt pan ɔl dat, i go rich in watalo ɛn nɔbɔdi nɔ go ɛp am.

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Izikɛl 43:12

Dis na di tɛmpul in lɔ: di ol eria, ɔl rawnd pantap di mawnten go bi oli pas ɔl. Una lisin, dis na di tɛmpul in lɔ:

Ayzaya 35:8

Ɛn men rod go de de, ɛn dɛn go kɔl am di Oli Rod; pɔsin we nɔ klin na PAPA GƆD in yay nɔ go pas de ɛn fulman nɔ go mistek go insay de.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Di Sam Dɛm 76:2

In os fɔ pre to am de, Jerusɛlɛm; na Mawnt Zayɔn i tap

Di Sam Dɛm 9:11

Siŋ ɛn prez PAPA GƆD, di PAPA GƆD we na Kiŋ na Zayɔn! Tɛl ɔl dɛn neshɔn na wɔl, wetin i dɔn du.

Ɛksodɔs 16:12

“A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.”

Ayzaya 11:9

Natin nɔ go ambɔg ɔ pwɛl ɛnisay na mi oli mawnten; bikɔs di wɔl go no bɔt PAPA GƆD bɛtɛ bɛtɛ wan, lɛk we si ful.

Ayzaya 46:13

A go briŋ mi dilivrans kam nia, I nɔ de fawe ɛn mi salveshɔn nɔ go westɛm; A go put salveshɔn na Zayɔn, fɔ Izrɛl we na mi glori.”

Ayzaya 56:7

na dɛn a go briŋ kam na mi oli mawnten, ɛn mek dɛn jɔli na mi os we na fɔ pre; a go gri fɔ dɛn sakrifays dɛn we dɛn de bɔn na faya, ɛn dɛn ɔda sakrifays dɛn, na mi ɔlta; bikɔs mi os go bi, os fɔ pre fɔ ɔlman na wɔl.

Jɛrimaya 31:40

Di wanol dedebɔdi vali ɛn di ashis, ɛn ɔl di fil dɛm sote rich kidrɔn watasay, to di Ɔs Get kɔna we yu de go ist, fɔ oli to PAPA GƆD. Dɛn nɔ go atak am ɔ nyakanyaka am igen sote go.”

Izikɛl 20:40

“Bikɔs na pan mi oli mawnten, pantap di ay mawnten na Izrɛl, na de di wanol Izrɛl, dɛn ɔl, go wɔship mi na di land; na de a go gri fɔ dɛm, ɛn aks fɔ una kɔntribyushɔn dɛm paopa, ɛn di bɛst wan dɛn pan una prɛzɛnt dɛn, ɛn ɔl una oli ɔfrin dɛm.

Izikɛl 37:6

Ɛn a go put mɔsul dɛn pan una, ɛn a go mek flɛsh kam pan una, ɛn kɔba una wit skin, ɛn put blo blo insay una; ɛn una go gɛt layf; ɛn una go no se na mi na PAPA GƆD.

Izikɛl 44:9

Fɔseka dat na dis PAPA GƆD se: nɔn fɔrena, we in at ɛn flɛsh nɔ sakɔmsayz pan ɔl di fɔrena dɛn we de na Izrɛl nɔ fɔ go usay dɛn de pre to mi.

Daniɛl 9:16

Duya PAPA GƆD, fɔseka ɔl di tret waka we yu de waka, lɛ yu wamat ɛn yu pɔnishmɛnt nɔ kam pan Jerusɛlɛm we na siti we na yu oli il; fɔseka wi sin dɛn ɛn di bad tin dɛn we wi papa dɛn dɔn du, Jerusɛlɛm ɛn yu pipul dɛn tɔn tin fɔ laf, to di pipul dɛn we de rawnd wi.

Job 15:19

We na dɛn nɔmɔ dɛn gi di land ɛn nɔn trenja nɔ de wit dɛn).