Joɛl 2:32 - Krio Fɔs Oli Baybul

³² Dat tɛm de, i go bi se, ɔl udat kɔl PAPA GƆD in nem fɔ sev am, go sev. PAPA GƆD dɔn se, sɔm pipul go de na Jerusɛlɛm we di waala nɔ go mit. Bɔt sɔm pan dɛn go de we na PAPA GƆD chuz fɔ sev dɛn.

Joɛl 2:32 Referans Kwoze

Lɛta Fɔ Rom 11:26

Na di we dis we Gɔd go sev ɔl dɛn Izrɛl pipul. Lɛkɛ aw dɛn rayt na Gɔd in Buk we dɛn se, “Di pɔsin we de sev pipul go kɔmɔt na Zayɔn, ɛn i go pul bad kɔmɔt na Jekɔb in granpikin-pikin dɛn at.”

Jɛrimaya 31:7

Bikɔs na dis PAPA GƆD se: “Siŋ lawd lawd wan wit gladi gladi fɔ Jekob ɛn pul siŋ fɔ di chif fɔ ɔl dɛn neshɔn; anawns am, prez am, ɛn tɔk se, ‘PAPA GƆD dɔn sev in pipul, di balans pan di Izrɛlayt dɛn we lɛf.’

Ayzaya 46:13

A go briŋ mi dilivrans kam nia, I nɔ de fawe ɛn mi salveshɔn nɔ go westɛm; A go put salveshɔn na Zayɔn, fɔ Izrɛl we na mi glori.”

Lɛta Fɔ Rom 9:27

Ayzaya tɔk bɔt di Ju pipul dɛn na Izrɛl se, “Ilɛk di Ju pipul dɛn na Izrɛl bɔku lɛkɛ sansan we de na sanbich, na sɔm pan dɛn nɔmɔ Gɔd go sev,

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Obadaya 1:17

Bɔt sɔm pipul na Juda nɔ go rɔnawe, dɛn go lɛf na Mawnt Zayɔn, di oli il; dɔn Jekɔb in jɛnareshɔn go gɛt di land bak we na dɛn yon bay rayt.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Di Sam Dɛm 50:15

dɔn da tɛm de we una aks mi fɔ pul una pan trɔbul, a nɔ go fɔgɛt una ɛn una go prez mi.”

1 Kɔrint 1:2

de rayt to una ɔl we na Kristiɛn na Kɔrint, we Gɔd kɔl fɔ bi in yon ɛn we dɔn bi in yon, bikɔs una gɛt wanwɔd wit Jizɔs Krays, ɛn a de rayt igen to ɔl dɛn pipul ɔlɔbɔt na wɔl we de pre wit Jizɔs Krays in nem. Na wi Masta ɛn dɛn Masta.

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Jɔn 10:16

Ɔda ship dɛn de we blant mi, bɔt dɛn nɔ de wit dɛn wan ya, a fɔ briŋ dɛnsɛf kam; dɛnsɛf go lisin wɛn a de tɔk, dɛn go miks wit dɛn wan ya, so dɛn go gɛt wan shɛpad fɔ mɛn dɛn ɔl.

Jɔn 4:22

Una di Sameria pipul dɛn nɔ no di wan we una de nil dɔŋ fɔ pre to, una nɔ no am gud, bɔt wi di Ju pipul dɛn no di wan we wi de nil dɔŋ fɔ pre to, wi no am gud bikɔs na bay di Ju pipul dɛn Gɔd de sev pipul.

Mayka 5:3

Bikɔs ɔf wetin dɛn de du, i go lɛf dɛn to dɛnsɛf te di uman we in tɛm dɔn rich fɔ bɔn, bɔn; da tɛm de ɔl udat bin dɔn skata ɔlsay na wɔl go kam to dɛn pipul bak.

Ayzaya 11:16

Wan men rod go de we kɔmɔt Asiria fɔ di balans we lɛf pan in pipul dɛn, lɛk aw i bin bi fɔ Izrɛl wɛn dɛn bin kɔmɔt Ijipt.

Ayzaya 10:22

Ɔl we una pipul dɛn we na Izrɛl, plɛnti lɛk sansan na si, na di wan dɛn we go lɛf pan dɛn go kam bak. I dɔn bi lɔ se dɛn fɔ nyakanyaka dɛm ɛn pasmak ɛvidɛns de se na so i fɔ bi.

Ayzaya 4:2

Da de de, PAPA GƆD in branch go fayn ɛn ɔlman go wan si am, ɛn na di frut we di grɔn go bia, di wan dɛn we lɛf na Izrɛl, go tek blɔf ɛn mek nem.

Di Ibru Pipul Dɛn 12:22

Una dɔn rich na da il we dɛn kɔl Mawnt Zayɔn. Una dɔn rich na di tɔŋ we Gɔd we gɛt layf sote go, de; dɛn kɔl da tɔŋ de “Jerusɛlɛm we de na ɛvin,” ɛn plɛnti plɛnti enjɛl dɛn we de gladi, gɛda de.

Lɛta Fɔ Rom 11:7

Wetin igen? Di pipul dɛn na Izrɛl nɔ bin fɛn wetin dɛn bin de luk fɔ. Na dɛn pipul we nɔ plɛnti, we Gɔd pik, fɛn am. Gɔd mek di ɔda pipul dɛn nɔ ebul yɛri wɛn i kɔl dɛn.

Lɛta Fɔ Rom 9:24

Na wi na di pipul dɛn we i kɔl, sɔm pan wi na Ju ɛn sɔm nɔto Ju.

Apɔsul Dɛn Wok 15:17

Ɔl dɛn ɔda pipul ɛn dɛn pipul we nɔto Ju we dɔn bi mi yon, go fɛn di Masta.

Obadaya 1:21

Pipul dɛn go go sev Mawnt Zayɔn fɔ rul Mawnt Isɔ; ɛn PAPA GƆD go bi kiŋ bak fɔ dɛn ɔl.

Lɛta Fɔ Rom 11:5

Na di sem tin de bi naw; sɔm pipul de we i bin dɔn pik fɔ sev bikɔs i bin sɔri fɔ dɛn, dɛn nɔ plɛnti.

Jɛnɛsis 4:26

Sɛth bin gɛt wan bɔypikin we nem Inɔsh. Na da tɛm de pipul dɛn bigin fɔ wɔship PAPA GƆD ɛn kɔl in Oli Nem.

Emɔs 9:8

Mi, PAPA GƆD we na GƆD, tek yay de luk dis Izrɛl we de kɔmit sin so, ɛn a go pul dɛn kɔmɔt na di wɔl kpatakpata. Bɔt nɔmɔ a nɔ go kil ɔl Jekɔb in jɛnareshɔn.