Joɛl 2:31 - Krio Fɔs Oli Baybul

³¹ San nɔ go shayn, di ples go dak ɛn di mun go rɛd lɛk blɔd. I se ɔl dis go bi di de we PAPA GƆD go kam, dat na di big de we wi fɔ fred.

Joɛl 2:31 Referans Kwoze

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Malakay 4:5

I se, in go sɛn prɔfɛt lɛk Ilayja to dɛn bifo di de we dɛn nɔ go lɛk kam.

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Joɛl 3:15

Di san ɛn di mun ɔl go dak ɛn di sta dɛn nɔ go gri fɔ shayn.

Joɛl 2:10

Wɛn dɛn bɔs, di ath trimbul, ɛvin sɛf trimbul. Di san ɛn mun ɔl dak ɛn di sta dɛn nɔ gri shayn igen

Lyuk 21:25

“Una go si sayn pan di san, pan di mun, ɛn pan dɛn sta. Dɛn pipul na dis wɔl nɔ go no wetin fɔ du bikɔs dɛn go fred te dɛn nɔ ebul tɔk we di sɔl wata go rɔf ɛn di swɛlin dɛn de mek nɔys lɛkɛ tɛnda.

Joɛl 3:1

PAPA GƆD se we da tɛm de rich we i go gi Juda ɛn Jerusɛlɛm dɛn prɔpati dɛn bak,

Matyu 27:45

Ɔl di wɔl dak fɔ tri awa frɔm twɛlv oklɔk santɛm sote tri oklɔk.

Apɔsul Dɛn Wok 2:20

Bifo di big de we di Masta go kam bak, di san go dak lɛkɛ nɛt ɛn di mun go rɛd lɛkɛ blɔd.

Rɛvɛleshɔn 8:12

Di enjɛl we mek fo blo in trɔmpɛt. Sɔntin nak wan pam tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pam tri pat na de tɛm dak, ɛn na semwe so i bin bi na nɛt.

Jɛrimaya 4:28

Bikɔs di wɔl go munin, ɛn di klawd dɛn we de oba una ed go blak; bikɔs mi dɔn tɔk, mi dɔn se i fɔ bi; A nɔ taya, ɛn a nɔ go chenj mi mind.”

Izikɛl 32:7

Wɛn a wep yu kɔmɔt, a go kɔba di ɛvin dɛm, ɛn mek di sta dɛm dak; a go kɔba di san wit wan klawd, ɛn di mun sɛf nɔ go shayn

Joɛl 2:1

Blo di trɔmpɛt na Zayɔn; mek nɔys fɔ kɔl atɛnshɔn pantap PAPA GƆD in oli mawnten! Lɛ ɔl di pipul we tap na di land trimbul bikɔs di de we PAPA GƆD de kam de nia,

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Zɛkaraya 14:6

Da tɛm de, nɔbɔdi nɔ go de tɔk bɔt ren ɔ dray sizin,