Joɛl 2:30 - Krio Fɔs Oli Baybul

³⁰ I se in go wɔn dɛn na ɛvin ɛn ath bɔt wetin go bi wit blɔd, faya ɛn smok.

Joɛl 2:30 Referans Kwoze

Lyuk 21:11

Di grɔn go de trimbul bad, bad, bad aŋri go de ɔlɔbɔt, dɛn sik we de prɛd go de ɔlsay, plɛnti tin dɛn go bi we go mek pipul fred, ɛn Gɔd go sho plɛnti sayn na di klawd we go mek pipul fred.

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Di Jɔj Dɛm 20:40

We di smok we de kɔmɔt na di siti bigin go ɔp, we na bin di Izrɛlayt dɛn signal, di Bɛnjaminayt dɛn tɔn biɛn ɛn wɔnda fɔ si se faya dɔn kech dɛn siti.

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Jɛnɛsis 19:28

I luk dɔŋ na Sɔdɔm ɛn Gomɔra ɛn di vali, ɛn si tik tik smok de kɔmɔt dɔŋ de. Di smok tan lɛkɛ we big big faya de kech.

Rɛvɛleshɔn 18:18

wɛn dɛn si di smok we bin de kɔmɔt na di faya we bin de bɔn di tɔŋ, dɛn ala se, “Nɔ tɔŋ nɔ de lɛkɛ dis wande!”

Sɔlɔmɔn In Siŋ Dɛm 3:6

Wetin dat de kɔmɔt na di dɛzat lɛk smok, lɛkɛ pila, pafyum ɛn frankinsɛns smɛl pan am, wit ɔl dɛn fayn sɛnt pawda we dɛn treda de sɛl.

Di Jɔj Dɛm 20:38

Di Izrɛl sojaman dɛn we bin drif di Bɛnjaminayt ɛn di wan dɛn we bin sɛt ambush na Gibia, bin mek ɔp se, we di man dɛn we bin sɛt ambush rawnd Gibia kapchɔ di siti, dɛn fɔ mek faya we go pul tik tik smok.

Jɔshwa 8:20

We di man dɛn na Ay tɔn ɛn si smok de kɔmɔ na dɛn siti, dɛn nɔ bin ebul rɔn go bifo, dɛn nɔ bin ebul tɔn bak bikɔs dɛn dɔn no stret se, dɛn ɛnimi dɛn dɔn kapchɔ dɛn siti.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Jɛrimaya 4:28

Bikɔs di wɔl go munin, ɛn di klawd dɛn we de oba una ed go blak; bikɔs mi dɔn tɔk, mi dɔn se i fɔ bi; A nɔ taya, ɛn a nɔ go chenj mi mind.”

Zɛkaraya 14:6

Da tɛm de, nɔbɔdi nɔ go de tɔk bɔt ren ɔ dray sizin,