Joɛl 2:29 - Krio Fɔs Oli Baybul

²⁹ In Spirit go ivin go pan dɛn wokman ɛn savant - gyal dɛn.

Joɛl 2:29 Referans Kwoze

1 Kɔrint 12:13

Semwe so, bay di sem Spirit, we wi dɔn baptayz, wi ɔl dɔn kam bi wan bɔdi, we na Krays in bɔdi; dɛn wan we na Ju ɛn dɛn wan we nɔto Ju, dɛn wan we na slev, ɛn dɛn wan we fri; ɛn di sem Spirit dɔn kam insay wi ɔl.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Izikɛl 36:27

ɛn a go put mi yon spirit insay una, ɛn mek una waka bay aw mi lɔ dɛn se, ɛn mek una kiaful aw una de du mi kɔmand dɛm.

Izikɛl 37:14

Ɛn a go put mi spirit insay una, ɛn una go gɛt layf, ɛn a go put unainsay una yon kɔntri; dɛn una go no se na mi PAPA GƆD dɔn tɔk, ɛn a dɔn du am Na so PAPA GƆD se.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.