Joɛl 2:28 - Krio Fɔs Oli Baybul

²⁸ I se di tɛm go rich we in go put in Spirit pan ɔlman; dɛn bɔy ɛn gyal pikin dɛn go de tɔk PAPA GƆD Wɔd, dɛn olpa dɛn go de drim gbay ɛn dɛn yɔŋ man dɛn go de si vishɔn.

Joɛl 2:28 Referans Kwoze

Izikɛl 39:29

ɛn a nɔ go ayd mi fes pan dɛm igen igen, wɛn a go tɔn mi spirit pan di Izrɛl pipul, lɛk wata, PAPA GƆD tɔk se.

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Ayzaya 32:15

tete dɛn put PAPA GƆD in Spirit insay wi, ɛn di dray ɛn ɛmti ples tɔn fil we frut de bia bɔku bɔku wan, ɛn dɛn si di fil we frut de bia bɔku bɔku wan lɛkɛ fɔrɛst.

Ayzaya 44:3

Bikɔs a go tɔn wata na di land we tɔsti, 2 ɛn mek watasay dɛm na di dray grɔn; A go put mi Spirit pan yu pikin dɛn, ɛn mi blɛsin pan di wan dɛn we yu bɔn.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Prɔvabs 1:23

Una lisin to wetin a de tɛl una; a go gi una gud advays ɛn tɛl una wetin a sabi.

Jɔn 7:39

Jizɔs bin de tɔk dat bɔt di Spirit we ɔl dɛn pipul we biliv pan am go gɛt. Gɔd nɔ bin dɔn gi dɛn di Spirit yet, bikɔs i nɔ bin dɔn mek Jizɔs go ɔp ɔp na ɛvin ɛn gɛt ɔna yet.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Lyuk 3:6

Ɔlman na wɔl go si aw Gɔd de sev in pipul dɛn.’”

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

Ayzaya 40:5

Ɛn dɛn go mek ɔlman no bɔt PAPA GƆD in glori, ɛn ɔlman na wɔl go si am togɛda, bikɔs na PAPA GƆD in mɔt dɔn tɔk am.”

Di Nɔmba Dɛm 12:6

i se, “Una lisin to mi gud. Na bay vishɔn a de sho misɛf to ɛni PAPA GƆD in prɔfɛt dɛn, dɔn a de tɔk to dɛn pan drim.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Apɔsul Dɛn Wok 21:9

I bin gɛt fo gyal pikin we nɔ bin mared yet. Dɛn pikin ya na bin prɔfɛt.

Jɛrimaya 23:28

PAPA GƆD se, Lɛ di prɔfɛt we drim, tɔk bɔt di drim, bɔt lɛ di wan we gɛt mi wɔd, prich mi wɔd wit ɔl in at. Ɛnitin de pan strɔ we mek in ɛn wit fiba?

Ayzaya 54:13

Na PAPA GƆD go tich ɔl yu bɔypikin dɛn, ɛn bɛtɛ go fala dɛn na layf, nɔto kɔmɔn.

Lyuk 1:67

Gɔd in Spirit kam insay Zakaraya we na Jɔn in papa, ɛn i bigin fɔ tɔk ɔl wetin go bi.

Di Ibru Pipul Dɛn 1:1

Fɔstɛm, Gɔd bin de tɔk to wi grampapa papa dɛn, plɛnti tɛm, ɛn i bin de yus difrɛn difrɛn we. Nain prɔfɛt dɛn i bin de sɛn fɔ tɛl wi grampapa papa dɛn in wɔd.

Di Nɔmba Dɛm 11:17

A go kam dɔŋ kam tɔk to yu, ɛn a go tek di sem kayn spirit we yu gɛt ɛn put am pan dɛn. Dɛn go ɛp yu fɔ de tot di lod we di pipul dɛn gɛt so yu nɔ go gɛt fɔ de tot am yu wan.

1 Samiɛl 19:20

So i sɛn man dɛn fɔ go kech Devid. As dɛn bin de go, dɛn mit sɔm prɔfɛt dɛn de tɔk PAPA GƆD Wɔd ɛn Samiɛl bin de de as dɛn lida. Nain PAPA GƆD in spirit fɔdɔm pan Sɔl in man dɛn ɛn dɛnsɛf bigin fɔ tɔk PAPA GƆD Wɔd.

1 Samiɛl 28:6

I aks PAPA GƆD wetin go bi bɔt PAPA GƆD nɔ ansa am. I nɔ yɛri PAPA GƆD in ansa na drim, we i yuz di Yurim ɛn Thumim ɛn di prɔfɛt dɛnsɛf nɔ se natin to am.

Ayzaya 49:26

A go mek dɛn wan we aras yu, it dɛn yon flɛsh, ɛn dɛn go drɔnk wit dɛn yon blɔd lɛk se na wayn. Na datɛnde ɔl mɔtalman go no se, na Mi na PAPA GƆD we na una seviɔ, ɛn una Ridima, Jekɔb in Mayti Wan.”

Jɛrimaya 23:25

A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Izikɛl 36:27

ɛn a go put mi yon spirit insay una, ɛn mek una waka bay aw mi lɔ dɛn se, ɛn mek una kiaful aw una de du mi kɔmand dɛm.

Izikɛl 37:14

Ɛn a go put mi spirit insay una, ɛn una go gɛt layf, ɛn a go put unainsay una yon kɔntri; dɛn una go no se na mi PAPA GƆD dɔn tɔk, ɛn a dɔn du am Na so PAPA GƆD se.

Daniɛl 7:1

Di fɔs ia we Bɛlshaza, Babilɔn dɛn kiŋ bin de na pawa, Daniɛl bin drim ɛn si vishɔn we i bin lidɔm nain bed. So i rayt dɔn di drim ɛn tɔk ɔl wetin i si.

1 Samiɛl 19:21

We Sɔl yɛri dat, i sɛn mɔ man dɛn ɛn di sem tin apin to dɛn. Sɔl stil sɛn wan ɔda sɛt fɔ di tɔd tɛm ɛn stil di sem tin apin.