Joɛl 2:27 - Krio Fɔs Oli Baybul

²⁷ I se dɛn go no se i de wit di pipul na Izrɛl, ɛn dat in PAPA GƆD, na dɛn GƆD ɛn dɛn nɔ gɛt nɔn ɔda wan. Ɛn i nɔ go mek in pipul shem igen

Joɛl 2:27 Referans Kwoze

Zɛfinaya 3:17

PAPA GƆD de wit una; na sojaman so i mɔs mek una win. Dat go mek in at swit, dɔn, bikɔs i lɛk una, i go mek layf tan lɛk wetin i bin bi fɔs. Na una go mek i siŋ bikɔs in at gladi,

Ayzaya 45:5

Na mi na PAPA GƆD, ɛn nɔn ɔda wan nɔ de, apat frɔm mi, nɔn ɔda Gɔd nɔ de; A de gyad yu, ɔlwe yu nɔ sabi mi,

Joɛl 3:17

I se da tɛm de dɛn go no se in na PAPA GƆD we na dɛn GƆD, di wan we de na di oli il na Zayɔn. Jerusɛlɛm go bi in oli siti ɛn trenja dɛn nɔ go jɛs de tek de mek natin.

Izikɛl 39:28

Na datɛnde, dɛn go no se na mi PAPA GƆD we na dɛn yon Gɔd, bikɔs a bin sɛn dɛn go ɛgzayl na di neshɔn dɛm, ɛn dɛn, gɛda dɛn kam bak na dɛn yon kɔntri. A nɔ go mek ɛni pan dɛm lɛf pan di neshɔn dɛm igen igen;

Joɛl 2:26

I se dɛn go it te dɛn se i du, ɛn prez PAPA GƆD we na dɛn GƆD in nem, we dɔn de du wɔndaful tin fɔ dɛn. Ɛn in pipul nɔ go ɛva shem igen

Di Sam Dɛm 46:5

Wans PAPA GƆD de de, in sikyɔriti shɔ, i rɛdi fɔ ɛp am ɔltɛm.

Ditarɔnɔmi 23:14

I tɛl dɛn se di kamp nɔ fɔ gɛt natin we go mek i nɔ klin na PAPA GƆD in yay, bikɔs PAPA GƆD we na dɛn PAPA GƆD go de wit dɛn ɔltɛm, fɔ de sev dɛn ɛn fɔ mek dɛn ebul fɔ de bit dɛn ɛnimi dɛn. So dɛn nɔ fɔ mek i si ɛnitin we go mek i vɛks kɔmɔt biɛn dɛn.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Pita In Fɔs Lɛta 2:6

Dɛn rayt na Gɔd in Buk se, Gɔd se, “A dɔn pik wan gud gud ston we go bi di ston we impɔtant pas ɔl ɛn a go put am na da tɔŋ we dɛn kɔl Zayɔn; da ston de na di Masta; ɛnibɔdi we biliv pan am nɔ go disapɔynt.”

Di Sam Dɛm 68:18

We i bin de go ɔp na ɛvin i kapchɔ pipul ɛn tek dɛn go wit am; pipul ɔl gi am prɛzɛnt, ɛn ivin dɛn wan we bin de mek rebɛl pan in di PAPA GƆD, bato am.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Izikɛl 39:22

Frɔm da de de te go, di Izrɛl pipul dɛn go no se na mi di PAPA GƆD nain na dɛn PAPA GƆD.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Ayzaya 45:18

Bikɔs na dis PAPA GƆD se, we mek di skay (nain na Gɔd!), We mol dis wɔl ɛn mek am (i mek i tinap, i nɔ mek i bi ples we nɔ gɛt ɔda, i mek am fɔ pipul fɔ tap!). “Na Mi na PAPA GƆD, ɛn nɔn ɔda wan nɔ de.

Ayzaya 44:8

Una nɔ fred ɔ no kɔt at; a nɔ bin dɔn tɛl una lɔntɛm se i go bi? Ɛn una na mi witnɛs dɛm! Ɛni ɔda Gɔd de apat frɔm mi? Nɔn Rɔk nɔ de, a nɔ sabi ɛniwan.

Ayzaya 45:6

mek mɔtalman go no se, frɔm usay di san de grap ɛn frɔm di wɛst, nɔn ɔda wan nɔ de apat frɔm mi; Na Mi na PAPA GƆD ɛn nɔn ɔda wan nɔ de.

Ayzaya 49:23

Na kiŋ dɛn go tek una fɔ mɛn, ɛn na dɛn kwin dɛn go gi una bɔbi. Dɛn go butu dɛn fes na grɔn fɔ baw to una, ɛn lik di dɔti na una fut. Na datɛnde una go no se, na mi na PAPA GƆD; di wan dɛn we de luk to mi, nɔ go ɛva shem.”

Izikɛl 37:6

Ɛn a go put mɔsul dɛn pan una, ɛn a go mek flɛsh kam pan una, ɛn kɔba una wit skin, ɛn put blo blo insay una; ɛn una go gɛt layf; ɛn una go no se na mi na PAPA GƆD.

Joɛl 3:21

I se in nɔ go lɛ dɛn blɔd wes fɔ natin, in go mɔs pɔnish udat gilti, bikɔs in na PAPA GƆD we de na Mawnt Zayɔn.

Zɛfinaya 3:11

I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.

Di Nɔmba Dɛm 11:29

Mozis aks am if i de jɛlɔs fɔ am. Mozis tɛl am se in wish ɔl PAPA GƆD in pipul bi prɔfɛt ɛn i want sɛf mek PAPA GƆD put in spirit pan ɔlman.

Di Nɔmba Dɛm 23:21

I nɔ de luk se Izrɛl in jɛnareshɔn bin du am bad ɔ pan ɔl di bad tin dɛn we di Izrɛlayt dɛn dɔn du. PAPA GƆD we na dɛn PAPA GƆD de wit dɛn; nain de tɔk fɔ dɛn.

Prɔvabs 1:23

Una lisin to wetin a de tɛl una; a go gi una gud advays ɛn tɛl una wetin a sabi.

Ayzaya 44:3

Bikɔs a go tɔn wata na di land we tɔsti, 2 ɛn mek watasay dɛm na di dray grɔn; A go put mi Spirit pan yu pikin dɛn, ɛn mi blɛsin pan di wan dɛn we yu bɔn.

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,

Izikɛl 39:29

ɛn a nɔ go ayd mi fes pan dɛm igen igen, wɛn a go tɔn mi spirit pan di Izrɛl pipul, lɛk wata, PAPA GƆD tɔk se.

Zɛkaraya 2:9

I se in go sho dɛn in pawa dɔn i go mek dɛn tɔn slev to ɔl udat bin de slev fɔ dɛn. Zɛkaraya se na da tɛm de dɛn go no se na PAPA GƆD we na PAPA GƆD Ɔlmayti sɛn am.