Joɛl 2:26 - Krio Fɔs Oli Baybul

²⁶ I se dɛn go it te dɛn se i du, ɛn prez PAPA GƆD we na dɛn GƆD in nem, we dɔn de du wɔndaful tin fɔ dɛn. Ɛn in pipul nɔ go ɛva shem igen

Joɛl 2:26 Referans Kwoze

Lɛta Fɔ Rom 10:11

Dɛn rayt na Gɔd in Buk se, “Ɛnibɔdi we biliv pan am nɔ go disapɔynt.”

Di Sam Dɛm 22:26

Ɔl udat nɔ gɛt fɔ it go kam ɛn dɛn go it; ɔl udat want fɔ prez yu, go prez yu. Lɛ wi ɔl gɛt lɔŋ layf ɛn ɛnjɔy wi layf!

Lɛta Fɔ Rom 5:5

We wi no se dɛn tin ya go bi, wi no se wi nɔ go disapɔynt, bikɔs Gɔd dɔn du plɛnti tin ɛn i stil de du plɛnti tin we sho se i lɛk wi bad, ɛn in Spirit we i gi wi dɔn mek wi fil di lɛk we i lɛk wi insay wi at.

Ditarɔnɔmi 12:7

Mozis tɛl di Izrɛlayt dɛn se na de dɛn ɛn di wan dɛn we de na os to dɛn fɔ it ɛn tɛl PAPA GƆD we na dɛn PAPA GƆD tɛnki fɔ ɔl wetin i dɔn du fɔ dɛn.

Ayzaya 49:23

Na kiŋ dɛn go tek una fɔ mɛn, ɛn na dɛn kwin dɛn go gi una bɔbi. Dɛn go butu dɛn fes na grɔn fɔ baw to una, ɛn lik di dɔti na una fut. Na datɛnde una go no se, na mi na PAPA GƆD; di wan dɛn we de luk to mi, nɔ go ɛva shem.”

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Lɛvitikɔs 26:5

Dɛn go so gɛt bɔku dat dɛn go de avɛst te di tɛm we dɛn rɛdi fɔ plant, ɛn dɛn go de plant te di tɛm fɔ avɛst. It go de ɔltɛm ɛn ɔlman go gɛt kol at.

Jɔn In Fɔs Lɛta 2:28

Mi pikin dɛn, una fɔ de wit Krays ɔltɛm, so dat wɛn i kam bak, wi nɔ go shem fɔ go mit am.

Lɛta Fɔ Rom 9:33

Na dat dɛn rayt bɔt na Gɔd in Buk we dɛn se: “Una yɛri wetin a de tɛl una, a dɔn put ston na Zayɔn we go mek pipul bɔk dɛn fut, na di ston dat we go mek pipul fɔdɔm. Bɔt ɛnibɔdi we biliv pan am nɔ go disapɔynt.”

Ayzaya 54:4

“Nɔ fred, bikɔs yu nɔ go shem; nɔ kɔnfyus yusɛf, bikɔs nɔbɔdi nɔ go mek yu shem; bikɔs yu go fɔgɛt di shem we mit yu we yu bin yɔŋ, ɛn yu nɔ go mɛmba di tɔk we dɛn tɔk bɔt yu we yu man bin day, igen

Ayzaya 25:1

PAPA GƆD, yu na mi Gɔd; a go es yu ɔp ɛn a go prez yu nem; bikɔs yu dɔn du wɔndaful tin dɛm, plan dɛn we dɛn mek lɔntɛm, yu kip yu wɔd ɛn dawt nɔ de de.

Zɛkaraya 9:17

Di ples go fayn fɔ si, bɔbs! Yutman dɛn go plant bɔku tin we go mek layf bɛtɛ fɔ dɛn ɛn dɛn go mek wayn fɔ dɛn yɔŋgyal.

Zɛkaraya 9:15

PAPA GƆD Ɔlmayti go kɔba dɛn ɛn dɛn go nyamanyama ɛn kil kil ɔl dɛn ɛnimi. Dɛn go drink dɛn blɔd lɛk wayn ɛn dɛn go bɛlful lɛk we bol fulɔp, ɛn dɛn go sok lɛ di kɔna dɛn na dɛn ɔlta.

Zɛfinaya 3:11

I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.

Ayzaya 29:22

Na dat mek PAPA GƆD we ridim Ebram, tɔk bɔt Jekɔb in os, se: “Jekɔb nɔ go shem igen, pwɛl at nɔ go sho nain fes igen

Jɛnɛsis 33:11

I beg am lɛ i tek di prɛzɛnt dɛn bikɔs i se PAPA GƆD nɔ gridi am ɛn i dɔn gi am ɔl wetin i want. Jekɔb koks Isɔ sote i gri fɔ tek di prɛzɛnt dɛn.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Ayzaya 55:2

Wetin du una de spɛnd una kɔpɔ pan tin we nɔto tin fɔ it, ɛn put yu lebɔ pan tin we nɔ de mek yu satisfay? Lisin mi gud gud wan, ɛn it wetin gud, ɛn gladi fɔ dɛn rich it dɛn.

Sɔlɔmɔn In Siŋ Dɛm 5:1

A de kam insay mi gadin, mi sista, mi yawo, A de gɛda mi Ma wit mi spays, A de it mi ɔnikomb wit mi ɔni, A de drink mi wayn wit mi milk, It o padi dɛn ɛn drink; drink dip o, lɔva dɛn!

Prɔvabs 13:25

Pɔsin we de waka tret na PAPA GƆD in yay de gɛt ɔl wetin i want fɔ it, bɔt bad pɔsin de go slip wit aŋri bɛlɛ.

Di Sam Dɛm 116:7

A go put mi at dɔŋ, bikɔs PAPA GƆD dɔn du gud fɔ mi.

Di Sam Dɛm 103:5

i de gi yu tin dɛn we de mek yu fil gud so yu go fiba igul we nɔ de ol, we gɛt trɛnk ɔltɛm.

Di Sam Dɛm 72:18

Una lɛ wi prez PAPA GƆD, Izrɛl dɛn PAPA GƆD! Nain nɔmɔ de du wɔndaful tin dɛn.

Di Sam Dɛm 37:19

Wɛn tin bad, i nɔ go mek dɛn shem; dɛn go gɛt pas wetin dɛn want.

Di Sam Dɛm 13:6

A go siŋ ɛn prez yu bikɔs yu gud to mi.

Nɛimaya 9:25

Dɛn siz siti dɛn we gɛt tɔf sikyɔriti ɛn rich land dɛn; dɛn tek ova os dɛn we ful wit ɔlkayn gud tin, wɛl dɛn we dɛn dɔn dig, fam dɛn we kin pul wayn frɔm di greps, tik dɛn wit ɔliv ɛn ɔda frut de wɔp. Dɛn it te dɛn bɛlful. Dɛn it gud it dɛn we mek dɛn bɔdi fayn so dɛn bin jɛs de ɛnjɔy dɛnsɛf wit yu blɛsin.

Ditarɔnɔmi 12:18

Mozis se na bifo PAPA GƆD we na dɛn PAPA GƆD na di ples we i go pik se fɔ wɔship am, dɛn ɛn dɛn pikin ɛn wokman dɛn, ɛn di Livayt dɛn we de na dɛn yon eria, fɔ it dɛn yon pan di sakrifays ɛn mek dɛn gladi gladi fɔ tɛl PAPA GƆD tɛnki fɔ ɔltin.

Ditarɔnɔmi 12:12

Mozis tɛl dɛn se na de dɛn fɔ sɛlibret ɛn tɛl PAPA GƆD we na dɛn PAPA GƆD tɛnki; dɛn ɛn dɛn bɔy ɛn gyal pikin dɛn, dɛn wokman ɛn wokuman dɛn ɛn di Livayt dɛn we de na dɛn siti, as dɛn nɔ bin gɛt land fɔ dɛnsɛf.

Ditarɔnɔmi 8:10

Mozis wɔn dɛn nɔ fɔ fɔgɛt fɔ blɛs PAPA GƆD we na dɛn PAPA GƆD fɔ di gud land, we dɛn go dɔn bɛlful.

Lɛvitikɔs 26:26

Wɛn i go mek una nɔ gɛt it fɔ it, tɛn uman go ebul bek na waŋren ovin, di uman dɛn go gɛt fɔ sheb it bay wet, we pan ɔl we dɛn go it, dɛn nɔ go ɛva satisfay.

Mayka 6:14

Una go it bɔt dat nɔ go min natin to una bikɔs una go stil aŋri, una go kip tin dɛn bɔt i go bi fɔ natin bikɔs ɔl wetin una kip go pwɛl na wa.

Ditarɔnɔmi 11:15

Da tɛn de, gras go de plɛnti wan we dɛn kaw, got ɛn ship go it, ɛn dɛnsɛf go gɛt fɔ it bɛlful.

Di Sam Dɛm 67:5

PAPA GƆD lɛ ɔlman prez Yu! Lɛ ɔlman na wɔl prez yu!

Lɛvitikɔs 25:19

Di land go gi dɛn plɛnti tin fɔ it ɛn dɛn go satisfay wit wetin dɛn ebul pul de; ɛn dat go mek natin nɔ ambɔg dɛn.