Joɛl 2:24 - Krio Fɔs Oli Baybul

²⁴ Di ples we dɛn kin mas mas rɛs we dɛn kɔt am, go gɛt bɔku sid, di ples we dɛn kin put wayn ɛn ɔyl go ful te i rɔnoba.

Joɛl 2:24 Referans Kwoze

Malakay 3:10

I se dɛn fɔ briŋ ɔl dɛn tayth kam na PAPA GƆD in os ɛn natin nɔ fɔ lɛf, so dat it go de de fɔ pipul dɛn; ɛn we dɛn du so, dat go bi fɔ si if PAPA GƆD Ɔlmayti nɔ go opin di winda dɛn na ɛvin ɛn sɛn blɛsin kam dɔŋ.

Emɔs 9:13

PAPA GƆD se, “Wande wande, di plant go so de gro dat dɛn go jɛs de avɛst ɛn di wayn go so de bɔku wan dat wayn go de mit wayn; fayn fayn wayn go bɔsawt na di mawnten, ɛn ɔl go flo kam dɔŋ di il dɛn.

Joɛl 3:18

Da de de, di mawnten dɛnsɛf go gɛt wayn bɔku ɛn di il dɛn go gɛt bɔku milk, ɔl di watasay dɛn na Juda go gɛt bɔku wata; ɛn wata sɛf go bɔs insay PAPA GƆD in os fɔ wata di Shitim Vali.

Joɛl 3:13

Put di nɛf we fɔ tek avɛst de bikɔs di tin dɛn fɔ avɛst dɔn rɛp. Fɔ go usay dɛn de mek wayn bikɔs di ples dɔn ful. Di kyas dɛn fɔ di wayn ful te dɛn rɔnoba, bikɔs di bad we de pan dɔn pasmak.

Lɛvitikɔs 26:10

Dɛn go de it di it we dɛn bin kip fɔ lɔŋ so dɛn go gɛt fɔ mek shɔ se dɛn du sɔntin so dat di it go dɔn we go mek ples fɔ kip nyu wan dɛn.

Lɛvitikɔs 25:19

Di land go gi dɛn plɛnti tin fɔ it ɛn dɛn go satisfay wit wetin dɛn ebul pul de; ɛn dat go mek natin nɔ ambɔg dɛn.

Izikɛl 36:8

Bɔt una, O Izrɛl mawnten dɛm, una go pul una an dɛm kɔmɔt na do, ɛn gi una frut to mi Izrɛl pipul; fɔ dɛn go kam om jis nɔ.