Joɛl 2:23 - Krio Fɔs Oli Baybul

²³ I se di pipul na Zayɔn fɔ gladi dɛn fɔ fil gud fɔseka PAPA GƆD, we na dɛn GƆD bikɔs i dɔn sɛn ren kwik fɔ mek dɛn no se i min wetin i se. I sɛn di ren bɔku bɔku wan kam dɔŋ di wan we kam kwik o ɛn di wan we kam leta lɛk aw dɛn fɔ kam.

Joɛl 2:23 Referans Kwoze

Lɛta Fɔ Filipay 4:4

Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi!

Lɛvitikɔs 26:4

dɛn PAPA GƆD go mek ren kam di tɛm we i fɔ kam so dat di tin dɛn we dɛn plant go gro.

Ozie 6:3

Lɛ wi du ɔl wetin wi ebul du fɔ mek wi no PAPA GƆD; natin nɔ gɛt fɔ tap am fɔ du wetin i wan du. I go kam lɛk ren lɛk we ren de kam kam amatan tɛm.

Ditarɔnɔmi 11:14

PAPA GƆD go mek ren de kam tu tɛm fɔ ia na di land, so dat dɛn go ebul gɛt plɛnti ɔyl, kɔn, rɛs en tin dɛn fɔ drink.

Ayzaya 41:16

una go fana dɛm, ɛn briz go blo dɛn go, ɛn ebi ebi tinada go skata dɛn. Ɛn yu go gladi insay PAPA GƆD; nainsay di Oli Wan na Izrɛl, una go glori.

Di Sam Dɛm 149:2

Lɛ di Izrɛlayt dɛn gladi fɔseka di wan we mek dɛn; lɛ di pipul na Zayɔn gladi mɔ fɔseka we in na dɛn kiŋ.

Lɛta Fɔ Filipay 3:1

Mi Kristiɛn brɔda dɛn, na di las tin dɛn dis we a gɛt fɔ tɛl una na dis lɛta. A de tɛl una fɔ gladi bikɔs una gɛt wanwɔd wit di Masta. Fɔ rayt ɔl wetin a bin dɔn rayt to una fɔstɛm bak, nɔ mɔna mi, dat go bɛtɛ sɛf fɔ una.

Zɛkaraya 10:1

Aks PAPA GƆD fɔ ren, ren sizin. Na PAPA GƆD de mek di klawd dak we de briŋ ren kam, so dat mɔtalman go gɛt ren ɛn di plant dɛnsɛf go gɛt.

Di Sam Dɛm 28:7

Na PAPA GƆD de gi mi trɛnk nain de kɔba mi; a go trɔs am wit ɔl mi at, ɛn i de ɛp mi ɛn mi at gladi so go siŋ ɛn tɛl am tɛnki.

Ayzaya 30:23

Ɛn PAPA GƆD go sɛn ren fɔ di sid we una plant, ɛn rɛs we go gro na di grɔn, go bɔku ɛn i go fayn. Da de de, una kaw dɛn go it na big ples we plɛnti gras de;

Ditarɔnɔmi 32:2

Mek wetin a de kam tɛl dɛn go tan lɛk we ren de kam, Mek wetin a de tɔk go tan lɛkɛ we dyu kɔba ples, lɛkɛ we ren de drisl pan yɔŋ gras, ɛn lɛkɛ we ren de fɔdɔm pan trɔŋ plant.

Ditarɔnɔmi 28:12

PAPA GƆD go opin in sto we i de kip di ren ɔp di klawd, ɛn mek dɛn gɛt ren di rayt tɛm, so dɛn plant dɛn go gro fayn fayn wan. Ren ɛn san de na PAPA GƆD in an. I go so blɛs dɛn, dat na ɔda neshɔn dɛn go de go lɛnt to dɛn.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Zɛkaraya 10:7

Di Izrɛlayt dɛn go tan lɛk sojaman dɛn ɔl at go gladi lɛk udat drink rɔm. Dɛn pikin dɛn go si wetin de apin ɛn dɛn at go swit da tɛm de, dɛn go prez PAPA GƆD.

Jɛrimaya 5:24

Dɛn nɔ de tɔk na dɛn at se, ‘Lɛ wi fred PAPA GƆD we na wi Gɔd, we de gi wi ren, ren sizin, di amatan ren, ɛn di draysizin ren, ɛn de kip, di wik dɛm fɔ di avɛst, fɔ wi.’

Di Sam Dɛm 104:34

Lɛ i gladi wit wetin a de tink bɔt am, ɛnitɛm we a de prez am.

Jɛrimaya 3:3

Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Ayzaya 30:21

Ɛn una yes go yɛri vɔys bien una de tɔk se, “Na di rod dis, waka de,” we una tɔn na lɛfan ɔ raytan.

Prɔvabs 16:15

Wɛn Kiŋ api, ɔlman de fil layvli, ɛn wɛn i de sho fevɔ, i tan lɛkɛ we ren de kam afta dray sizin.

Di Sam Dɛm 32:11

Ɔl udat trɔs PAPA GƆD ɛn we de du tin tret wan fɔ gladi; dɛn fɔ siŋ bikɔs dɛn gladi.

Job 33:23

If i bin gɛt enjɛl, enjɛl we go de tɔk fɔ pɔsin, wan pan di tawzin tawzin enjɛl dɛn, we go de tɛl mɔtalman wetin rayt ɛn wetin nɔ rayt fɔ du;

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Emɔs 4:7

A ol di ren mek wan drɔp nɔ fɔdɔm di tɛm we una plant dɛn fɔ gro. A mek ren kam na wan siti, ɛn mek ren nɔ kam na di ɔda wan. Wan fam gɛt wata ɛn di ɔda wan nɔ gɛt natin ɛn dray.

Lamɛnteshɔn 4:2

Zayɔn in yɔŋman dɛn we na dɛn bɔlyay, tan lɛk fayn gold to dɛn, na so dɛn si dɛn lɛk kɔntri pɔt we na dɛn man dɛn we de mek kle tin dɛn, mek dɛn!

Zɛkaraya 9:13

I se in dɔn mek Juda lɛk in bo ɛn Izrɛl lɛk in aro. I se in go pɔlish di wan dɛn na Zayɔn ɛn yuz dɛn fɔ fɛt di wan dɛn na Gris, bikɔs dɛn go tan lɛk in sɔd.

Apɔsul Dɛn Wok 14:17

Bɔt stil i bin de sho ɔlman udat i bi bay di gud we i kin du fɔ dɛn ɔl. Gɔd kin gi una ren. Di ren kin fɔdɔm frɔm di klawd, ɛn mek wetin una plant bia wɛn di tɛm rich, so dat una go gladi.”

Di Sam Dɛm 84:6

Wɛn dɛn de pas na di Baka Vali dɛn de mek i fiba ples we frɛsh bikɔs ɔf PAPA GƆD in blɛsin lɛk se ren bin dɔn kam we mek i sok.

1 Kiŋ 8:36

yɛri dɛn prea na ɛvin. Fɔgiv di kiŋ ɛn di Izrɛlayt dɛn sin ɛn sho dɛn fɔ du wetin rayt. Dɔn PAPA GƆD, mek ren kam na dis land we yu gi yu pipul dɛn se na dɛn yon prɔpati.

Job 37:13

Na ayda fɔ pɔnish pipul, ɔ fɔ wata in land, ɔ fɔ sho pipul aw i lɛk dɛn, mek i de mek i bi.

Di Sam Dɛm 147:8

I kɔba di skay wit klawd; i mek ren fɔdɔm na wɔl ɛn gras gro pantap dɛn il.

Izikɛl 34:26

Ɛn a go mek dɛm ɛn di ples dɛn rawnd mi il bi wan blɛsin; ɛn a go mek ren fɔdɔm ren sizin tɛm; ɛn i go bi blɛsin ren.