Joɛl 2:21 - Krio Fɔs Oli Baybul

²¹ I se di land nɔ fɔ fred; i fɔ gladi ɛn mek fil gud, bikɔs PAPA GƆD dɔn du big wok!

Joɛl 2:21 Referans Kwoze

Ayzaya 54:4

“Nɔ fred, bikɔs yu nɔ go shem; nɔ kɔnfyus yusɛf, bikɔs nɔbɔdi nɔ go mek yu shem; bikɔs yu go fɔgɛt di shem we mit yu we yu bin yɔŋ, ɛn yu nɔ go mɛmba di tɔk we dɛn tɔk bɔt yu we yu man bin day, igen

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Ayzaya 35:1

Di ɛmti ples ɛn dray ples, go gladi, di ɛmti ples we pipul nɔ go ebul tap go gladi ɛn plant dɛn go gro de; lɛk krɔkɔs flawa

1 Samiɛl 12:16

Una jɛs sidɔm luk we PAPA GƆD de kam ple wɔndaz bifo una fes.

Zɛkaraya 8:15

na so we i dɔn se i go blɛs Jerusɛlɛm ɛn Juda, i go du; so mek dɛn nɔ fred.

Joɛl 2:20

I se in go mek di lokɔs dɛn we bin bɔs kɔmɔt na di Nɔth go fa frɔm dɛn. I se in go mek dɛn go usay dray ɛn we nɔ gɛt natin fɔ pwɛl, di wan dɛn we de bifo go go na di Dɛd Si, dɔn di wan dɛn we de biɛn go go na di Mɛditarenian Si, di smɛl we dɛn go smɛl go de go ɔlsay. Fɔ tru, PAPA GƆD de du big wok.

1 Samiɛl 12:24

I lɛf to una fɔ rɛspɛkt PAPA GƆD ɛn sav am wit ɔl una at. Tink bɔt ɔl wetin i dɔn du fɔ una.

Ditarɔnɔmi 4:32

Mozis tɛl dɛn se mek dɛn aks ɛnibɔdi if frɔm we PAPA GƆD mek di wɔl, if ɛnibɔdi dɔn ɛva yɛri ɔ si ɛnitin lɛkɛ dat wande,

Di Sam Dɛm 98:8

Lɛ di riva klap dɛn an ɛn lɛ di mawnten siŋ fɔ sho se dɛn gladi.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Ozie 2:21

PAPA GƆD se na da sem de de in go ansa di pipul dɛn prea na ɛvin dɔn dɛn go gɛt wetin dɛn bin de pre fɔ.

Ayzaya 44:23

Yu skay, siŋ, bikɔs PAPA GƆD dɔn du am; ala, yu bɔtɔm bɔtɔm grɔn; bɔsawt wit siŋ una dɛn mawnten, yu fɔrɛst ɛn ɔl di tik we de de! Bikɔs PAPA GƆD dɔn sev Jekɔb, ɛn i go gɛt glori na Izrɛl.

Ayzaya 55:12

“Bikɔs una go wit gladi, ɛn dɛn go lid una go wit kolat; di mawnten dɛn ɛn di il dɛn we de bifo yu go bɔsawt de siŋ, ɛn ɔl di tik dɛn na di fil go klap dɛn an.

Di Sam Dɛm 71:19

PAPA GƆD, wi nɔ ebul fɔ ɔndastand yu gudnɛs yu de du wɔndaful tin dɛn E PAPA GƆD udat de we tan lɛk yu!

Joɛl 2:26

I se dɛn go it te dɛn se i du, ɛn prez PAPA GƆD we na dɛn GƆD in nem, we dɔn de du wɔndaful tin fɔ dɛn. Ɛn in pipul nɔ go ɛva shem igen