Joɛl 2:20 - Krio Fɔs Oli Baybul

²⁰ I se in go mek di lokɔs dɛn we bin bɔs kɔmɔt na di Nɔth go fa frɔm dɛn. I se in go mek dɛn go usay dray ɛn we nɔ gɛt natin fɔ pwɛl, di wan dɛn we de bifo go go na di Dɛd Si, dɔn di wan dɛn we de biɛn go go na di Mɛditarenian Si, di smɛl we dɛn go smɛl go de go ɔlsay. Fɔ tru, PAPA GƆD de du big wok.

Joɛl 2:20 Referans Kwoze

Zɛkaraya 14:8

Da de de, na wata we de gi layf nɔmɔ go de flo na Jerusɛlɛm, af go de go na di ist si, af de go na di wɛst si. Na so i go de bi ren sizin ɛn dray sizin.

Emɔs 4:10

“A sɛn bɔku bɔku waala pan una lɛk aw a bin du na Ijipt. A mek una yɔŋman dɛn day na wa ɛn mek dɛn kapchɔ una ɔs dɛn. Dɔn a mek una kamp dɛn de smɛl wit soso dedebɔdi. Pan ɔl dat, una nɔ klɔk mi.

Ayzaya 34:3

Dɛn go trowe di wan dɛn we dɛn kil, ɛn dɛn dedebɔdi dɛn sɛnt go go ɔlsay; dɛn blɔd go flo na di mawnten dɛn.

Ditarɔnɔmi 11:24

I se ɛni say we dɛn fut mas na dɛn yon; dɛn land go kɔmɔt frɔm di sawt pat na di ɛmti ples we pɔsin nɔ go ebul tap, te rich di Libanɔn Mawnten dɛn na di nɔth pat, ɛn frɔm Riva Yufretis na di ist pat, te rich di Mɛditarenian Si na di wɛst pat.

Izikɛl 47:18

Na di ist say, di bawndri go kɔmɔt frɔm Azarɛnɔn, we de bitwin Oran ɛn Damaskɔs; i go go bay Jɔdan, bitwin Gilyad ɛn di Izrɛl land; to di istɛn si te rich Tama, na dat go bi di ist say.

Ɛksodɔs 10:19

PAPA GƆD ansa Mozis in prea. I chenj di we aw di briz bin de blo. I mek di briz bigin blo traŋa traŋa wan frɔm di wɛst ɛn blo di lokɔs dɛn kɔmɔt na di kɔntri ɛn kɛr dɛn go na di Rɛd si. Wan lokɔs sɛf nɔ lɛf na Ijipt.

2 Kiŋ 8:13

Azaɛl tɛl am se in nɔto nɔbɔdi na di ples, so aw wetin dat go bi. Ilaɛlsha ansa am se PAPA GƆD dɔn sho am se nain gɛt fɔ bi kiŋ na Damaskɔs.

Ɛksodɔs 8:14

Di Ijipshian dɛn gɛda di akpɔlɔ dɛn bɔku bɔku wan ɛn payl dɛn difrɛn difrɛn say dɛn. Na so ɛn di ples bin de smɛl.

Di Sam Dɛm 126:3

PAPA GƆD du big big tin fɔ wi, ɛn wi at gladi.

Malakay 3:11

PAPA GƆD Ɔlmayti se i nɔ go mek dɛn tin we de kɛr dɛn mɔni go, kɛr dɛn go. Dɛn tik dɛn go bia frut ɛn dɛn go gɛt wayn fɔ drink.