Joɛl 2:19 - Krio Fɔs Oli Baybul

¹⁹ PAPA GƆD ansa dɛn ɛn tɛl dɛn se in de gi dɛn sid, wayn, ɛn ɔyl, ɛn dat go mek dɛn satisfay mɔ; i se in nɔ go mek dɛn ɔda neshɔn luk dɛn ɛn sɔktit igen

Joɛl 2:19 Referans Kwoze

Izikɛl 34:29

Ɛn a go mek fɔ dɛm, fam dɛm we de flɔrish, so dat aŋri nɔ go kil dɛm igen igen na di kɔntri ɛn dɛn nɔ go gɛt fɔ bia ɛni disgres frɔm di neshɔn dɛm igen igen

Izikɛl 36:15

ɛn a nɔ go mek una yɛri igen igen di neshɔn dɛn kɔmplen, kɔmplen; ɛn una nɔ go bia di pipul dɛn disgres igen igen, ɛn nɔ mek una neshɔn bɔk in fut igen igen, PAPA GƆD tɔk se.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Joɛl 2:24

Di ples we dɛn kin mas mas rɛs we dɛn kɔt am, go gɛt bɔku sid, di ples we dɛn kin put wayn ɛn ɔyl go ful te i rɔnoba.

Jɛrimaya 31:12

Dɛn go kam ɛn siŋ lawd lawd wan na di mawnten dɛn na Zayɔn, dɛn go gladi fɔseka di gud tin dɛn we PAPA GƆD de du fɔ dɛm, fɔseka di rɛs, di wayn ɛn di ɔyl, ɛn fɔseka di pikin ship ɛn kaw; dɛn layf go tan lɛkɛ gadin we dɛn dɔn wata, ɛn dɛn nɔ go lɛf to dɛnsɛf igen.

Joɛl 1:10

I se di fil dɛn nɔ gud fɔ natin igen; bikɔs ɔl di gren dɛn we dɛn plant dɔn pwɛl, di wayn nɔ bɛtɛ igen, ɛn di ɔyl sɛf dɔn dɔn.

Ozie 2:15

Na de a go gi am greps gadin dɛn, n a go mek di Trɔbul Vali, we kin gɛt ɔlkayn trɔbul, ples we pɔsin go pas we i abop. Na de i go ansa mi lɛk aw i bin du we in na bin yɔŋgyal, di tɛm we i bin jɛs kɔmɔt Ijipt.

Izikɛl 39:29

ɛn a nɔ go ayd mi fes pan dɛm igen igen, wɛn a go tɔn mi spirit pan di Izrɛl pipul, lɛk wata, PAPA GƆD tɔk se.

Lɛvitikɔs 26:5

Dɛn go so gɛt bɔku dat dɛn go de avɛst te di tɛm we dɛn rɛdi fɔ plant, ɛn dɛn go de plant te di tɛm fɔ avɛst. It go de ɔltɛm ɛn ɔlman go gɛt kol at.

Ozie 2:21

PAPA GƆD se na da sem de de in go ansa di pipul dɛn prea na ɛvin dɔn dɛn go gɛt wetin dɛn bin de pre fɔ.

Ozie 2:22

Ren go fɔdɔm, plant dɛn go gro ɛn bia bɔku tin fɔ it dɔn dɛn go gɛt wayn fɔ drink ɛn ɔyl fɔ dɛn bɔdi ɛn wɔd fɔ ansa di pipul na Jɛzril.

Ditarɔnɔmi 11:14

PAPA GƆD go mek ren de kam tu tɛm fɔ ia na di land, so dat dɛn go ebul gɛt plɛnti ɔyl, kɔn, rɛs en tin dɛn fɔ drink.

Ruth 1:6

In naw wit in dɔtɛnlɔ dɛn lɛf Moab bikɔs bay da tɛm de, i bin dɔn yɛri se PAPA GƆD dɔn sɔri fɔ in pipul ɛn gi dɛn tin fɔ it.

Izikɛl 36:29

Ɛn a go sev una pan ɔl una dɔti dɛn, ɛn a go samɔns di sid dɛm ɛn mek dɛm plɛnti ɛn a nɔ go mek ɛni aŋribɛlɛ kam pan una.

Izikɛl 36:30

A go mek di tik dɛn bia bɔku bɔku frut, ɛn di fil dɛnsɛf go bia plɛnti plɛnti so dat una nɔ go bia di aŋri bɛlɛ disgres we una bin bia na di neshɔn dɛm igen igen.

Zɛkaraya 8:12

Bikɔs pipul dɛn go de plant ɛn avɛst ɛn dɛn nɔ go gɛt nɔn yagba, kolat go de ɔlsay ɛn ren sɛf go de kam bɔku wan. I se in go mek di balans we lɛf pan di pipul dɛn gɛt ɔl dɛn tin de fɔ ɛnjɔy.