Joɛl 2:18 - Krio Fɔs Oli Baybul

¹⁸ Dɛn PAPA GƆD fil bad bɔt wetin de bi na di land, so i sɔri fɔ in pipul.

Joɛl 2:18 Referans Kwoze

Zɛkaraya 8:2

in se, i de jɛlɔs fɔ Jerusɛlɛm ɛn i de jɛlɔs bad wan.

Zɛkaraya 1:14

So di enjɛl we bin de tɔk to am tɛl am se, lɛ i tɔk lawd wan se PAPA GƆD we na PAPA GƆD Ɔlmayti se in de jɛlɔs fɔ Jerusɛlɛm ɛn Zayɔn bad bad wan.

Di Sam Dɛm 103:13

Lɛkɛ aw papa kin sɔri fɔ in pikin, na so PAPA GƆD de sɔri fɔ pɔsin we gɛt fred ɛn rɛspɛkt fɔ am;

Jems 5:11

Wi se Gɔd blɛs dɛn bikɔs dɛn bia. Una no aw Job bin bia lɔŋ wɛn i bin de sɔfa, ɛn una si aw Gɔd kam blɛs am. Ɔl dat fɔ mek una no se fɔ tru, Gɔd de sɔri fɔ wi wɛn wi de sɔfa, ɛn i de sɔri fɔ wi pan ɔl we wi du tin we fɔ mek i vɛks.

Lamɛnteshɔn 3:22

na PAPA GƆD in lɛknɛs fɔ mɔtalman we nɔ de dɔn, in sɔri-at nɔ de dɔn atɔl;

Ayzaya 63:15

Luk dɔn kɔmɔt na yu, oli ɛn gloriɔs ples we yu tap. We yu zil ɛn yu pawa? Di want we yu kin wan fɔ si pɔsin na yu at, ɛn di sɔri we yu de sɔri fɔ pɔsin nɔ de na yu at fɔ mi igen

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Lyuk 15:20

I kɔmɔt na di kɔntri we i bin de ɛn go bak to in papa. “Wɛn i de go, i bin stil de fawe wɛn in papa si am. In papa sɔri fɔ am, so i rɔn go mit am, i grip am ɛn kis am.

Jɛrimaya 31:20

Na Ifrem na mi bɔypikin we we a lɛk? Naim na mi pikin we a lɛk bad bad wan? Bikɔs, ɔltɛm we a de tɔk bad bɔt am, A stil de mɛmba am. Fɔseka dat, mi at stil de fil fɔ am; A go sɔri fɔ am fɔ tru tru. Na so PAPA GƆD se.

Ayzaya 60:10

Fɔrina dɛn go bil yu wɔl dɛm, ɛn dɛn kiŋ dɛn go sav yu; bikɔs na we a vɛks a bin bit yu, bɔt bikɔs a fevɔ yu, a bin dɔn fɔgiv yu.

Ayzaya 42:13

PAPA GƆD de go lɛk pawaful man, i de bigin in bad bad vɛksteshɔn lɛk sojaman; I de ala, I de ala lawd wan, i de sho insɛf pawaful wan agens in ɛnimi dɛn.

Di Sam Dɛm 103:17

PAPA GƆD go lɛk ɔl udat gɛt fred ɛn rɛspɛkt fɔ am, dɔn i go du gud to dɛn ɛn dɛn jɛnareshɔn sote go,

Di Jɔj Dɛm 10:16

So di Izrɛlayt dɛn trowe di fɔrin gɔd dɛn ɛn bigin wɔship PAPA GƆD, ɛn PAPA GƆD vɛks fɔ di we we i si dɛn de sɔfa.

Ditarɔnɔmi 32:43

Mozis siŋ se, “Una prez in pipul dɛn, una di neshɔn dɛm; bikɔs i de rivɛnj fɔ in wokman dɛm we dɛn kil ɛn de rivɛnj pan in ɛnimi dɛm, ɛn fɔgiv in pipul dɛn fɔ ɔl dɛn sin.

Ditarɔnɔmi 32:36

PAPA GƆD go sev in pipul dɛn ɛn sɔri fɔ in wokman dɛm, we i si se dɛn pawa dɔn dɔn, ɛn nɔn pan di fribɔn ɔ slev nɔ de igen

Ditarɔnɔmi 32:16

Izrɛl mek PAPA GƆD jɛlɔs fɔ dɛn fɔrena dɛn gɔd dɛn, di bad bad tin dɛn we dɛn bin de du, mek i vɛks bad bad wan.

Ayzaya 37:32

I se PAPA GƆD go mek di pipul dɛn we sev ɛn di wan dɛn we lɛf de na Jerusɛlɛm ɛn Mawnt Zayɔn. Na PAPA GƆD Ɔlmayti in pawa go du am.

2 Kiŋ 19:31

I se PAPA GƆD go mek pipul dɛn de na Jerusɛlɛm ɛn Mawnt Zayɔn.