Joɛl 2:17 - Krio Fɔs Oli Baybul

¹⁷ I se midul usay dɛn kin kip kot ɛn usay di ɔlta de, di man dɛn we de mek sakrifays fɔ pipul sin, fɔ kray ɛn beg PAPA GƆD fɔ sɔri fɔ di pipul. Dɛn fɔ tɛl am lɛ i nɔ mek in yon pipul shem we go mek di ɔda neshɔn dɛn gɛt wɔd fɔ tɔk. I se i nɔ fɔ mek di ɔda neshɔn dɛn aks dɛn usay dɛn GƆD de.

Joɛl 2:17 Referans Kwoze

Izikɛl 8:16

Nain i bin briŋ mi kam na di kɔtyad we de insay PAPA GƆD in os; we go rich di domɔt na PAPA GƆD in os, we de bitwin di pɔch ɛn di ɔlta, usay bɔt sɔm twɛnti-fayv man we tɔn dɛn bak gi PAPA GƆD in os, de luk na di ist de wɔship di san.

Di Sam Dɛm 115:2

Wetin du di pegan dɛn fɔ aks wi usay wi PAPA GƆD de?

Di Sam Dɛm 79:10

Nɔ mek di pipul na di ɔda neshɔn dɛn aks wi usay wi PAPA GƆD de. Lɛ wi si we yu de dil wit di ɔda neshɔn dɛn fɔ we dɛn kil yu savant dɛn.

Matyu 23:35

Na dat mek, una go sɔfa fɔ dɛn pipul we dɛn bin kil, pan ɔl we dɛn nɔ du natin bad. Una go sɔfa fɔ di pipul dɛn we dɛn kil frɔm Ebɛl we bin tret na Gɔd in yay sote rich Zakaraya we na Bɛrɛkia in pikin, we day midul Gɔd in Os ɛn di ples we dɛn de bɔn sakrifays.

Emɔs 7:2

A si di lokɔs dɛn de it ɔl di grin plant dɛn na di land. Na de a beg se, “PAPA GƆD we na GƆD, duya fɔgiv yu pipul. Aw dɛn go liv? Dɛn so smɔl ɛn wik.”

Joɛl 1:9

Dɛn nɔ go ebul mek ɔfrin to PAPA GƆD nain os igen wit di gren dɛn ɛn drink. Di man dɛn we de mek sakrifays fɔ pipul sin we de wok fɔ PAPA GƆD fɔ sɔri ɛn kray.

Ozie 14:2

Una pre to am ɛn kam bak to PAPA GƆD. Una tɛl am ɔl wetin una dɔn du ɛn beg am fɔ sɔri fɔ una ɛn ansa una prea dɔn una go prez am.

1 Kiŋ 6:3

Di frɔnt viranda lɔŋ fiftin fut ɛn wayd tati fut; i wayd lɛkɛ aw di os fɔ PAPA GƆD insɛf tan.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Mayka 7:10

Da tɛm de, in ɛnimi go si korokoro wan ɛn dɛn wan dɛn we bin de aks usay PAPA GƆD, we nain GƆD de, go shem. Insɛf go gladi fɔ si se ɔl wetin in ɛnimi bin de du to ɔda pipul, nain de apin to dɛn naw. Dɛnsɛf go si aw ɔda pipul go de trit dɛn lɛk aw dɛn de mas pɔtɔpɔtɔ na trit.

Emɔs 7:5

Na de a tɔk se PAPA GƆD we na GƆD lɛf, aw di pipul go liv? Dɛn smɔl ɛn wik.

Izikɛl 20:9

Bɔt a bin du so fɔseka mi nem, so dat dɛn nɔ go fityay mi bifo di neshɔn dɛn we dɛn bin tap, we na bifo dɛn a bin sho misɛf to dɛn bay we a bin pul dɛn kɔmɔt Ijipt.

Ayzaya 37:20

Duya PAPA GƆD, yu na wi GƆD, pul wi nain an fɔ lɛ ɔl dɛn kindɔm na wɔl go no se na yu wangren nɔmɔ PAPA GƆD na GƆD.”

Di Sam Dɛm 89:51

PAPA GƆD mɛmba aw yu ɛnimi dɛnsɛf, ɔl, dɔn provok am pan ɛnitin we i de du. Dɛn de shumɔ pan di wan we yu dɔn pik.

Di Sam Dɛm 89:41

Ɔlman de pas naw ɛn tek wetin i want dɔn di pipul na di neba kɔntri dɛn de laf am.

Di Sam Dɛm 79:4

Wi neba dɛn ɔl de shumɔ pan wi; dɛn de laf wi ɛn provok wi.

Di Sam Dɛm 74:10

PAPA GƆD, aw lɔŋ yu de lɛf wi ɛnimi dɛn fɔ laf yu? Yu go lɛf dɛn fɔ tɔk bad bɔt yu te go?

Di Sam Dɛm 42:10

Di provok we mi ɛnimi dɛn de provok mi de tɛl pan mi, dɛn ivin de aks mi usay mi PAPA GƆD de we a de sɔfa so.

2 Kronikuls 8:12

Dɔn Sɔlɔmɔn mek bɔn sakrifays to PAPA GƆD na PAPA GƆD in ɔlta we i bil bifo di pɔch,

Ditarɔnɔmi 32:27

Bɔt a nɔ bin wan lɛ mi ɛnimi dɛn blɔf se dɛn dɔn bit mi yon pipul dɛn, we na misɛf kil dɛn.

Matyu 27:43

I biliv pan Gɔd ɛn i se in na Gɔd in Pikin. Lɛ Gɔd sev am naw if i want am fɔ bi in yon!”

Malakay 1:9

I se bɔt dɛn de kam gi PAPA GƆD dɔn dɛn want am fɔ gladi fɔ dɛn, bɔt in PAPA GƆD Ɔlmayti nɔ go gladi wit dɛn fɔ dat.

Nɛimaya 9:36

Luk naw, wi na lɛkɛ slev. Wi na lɛkɛ slev na di land we yu bin dɔn gi wi fɔstɛm pipul dɛn fɔ it in frut ɛn ɛnjɔy ɔlkayn gud tin we kɔmɔt de.

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Di Sam Dɛm 42:3

Di wata we kɔmɔt na mi yay de go insay mi mɔt ɛn nain nɔmɔ na mi it, de ɛn nɛt, ɛn ɔltɛm mi ɛnimi dɛn de provok mi, dɛn de aks usay mi PAPA GƆD de we a de sɔfa so.

2 Kronikuls 7:20

a go rut yu kɔmɔt na di land we a dɔn gi yu; ɛn dis os we a dɔn kɔnsikret fɔseka mi nem, a go trowe am kɔmɔt bifo mi, ɛn a go tɔn am to tin fɔ tɔk bɔt, ɛn fɔ laf na ɔl dɛn neshɔn dɛn.

1 Kiŋ 9:7

a go pul ɔl di Izrɛlayt dɛn na di land we a dɔn gi dɛn, dɔn a go lɛf di os we a dɔn kɔnsikret fɔ de wɔship mi. Izrɛl go tɔn to rederaun ɛn nɔbɔdi nɔ go luk una wit bɛtɛ yay.

Ditarɔnɔmi 28:37

Di pipul dɛn we de na di kɔntri we PAPA GƆD go skata dɛn, go wɔnda se wetin apin to pipul lɛkɛ dɛn; dɛn go tɔk bad bɔt dɛn ɛn go laf ɛn provok dɛn.

Di Nɔmba Dɛm 25:6

We dɛn ɔl de de na di Tɛnt usay dɛn kin mit PAPA GƆD in domɔt de kray bɔt wetin dɛn yɛri, nain wan Izrɛlayt man kɛr in Midianayt uman go insay in tɛnt.

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Jɔshwa 7:9

I tɛl PAPA GƆD se if di Kenanayt ɛn ɔl di ɔda pipul dɛn we de na di land yɛri bɔt dat, dɛn go jɔs sɔrawnd dɛn ɛn kil dɛn ɔl. So I aks se, wetin PAPA GƆD go du fɔ in yon rɛspɛkt.

Di Sam Dɛm 42:4

As a de blo mi maynd, a mɛmba we mi ɛn ɔda pipul kin de lid machpas fɔ go na PAPA GƆD in os na Jerusɛlɛm, na so we kin de ala we wi de siŋ ɛn tɛl PAPA GƆD tɛnki as wi de sɛlibret.

Di Sam Dɛm 42:11

Wetin fɔ mek a brokat so ɔ wetin fɔ mek mi at pwɛl? A fɔ put mi op pan PAPA GƆD; a fɔ stil de tɛl PAPA GƆD tɛnki bikɔs nain na mi PAPA GƆD, we de pul mi pan trɔbul.