Joɛl 2:16 - Krio Fɔs Oli Baybul

¹⁶ fɔ mek ɔlman we gɛda oli; fɔ kɔl ɔl di big pipul togɛda gɛda dɛn pikin dɛn ɛn ivin dɛn wan we de sɔk bɔbi. Ɔkɔ ɛn yawo sɛf fɔ kɔmɔt na do.

Joɛl 2:16 Referans Kwoze

2 Kronikuls 29:5

ɛn i tɛl dɛn se, “Una lisin mi una dɛn Livayt dɛm! Una mek unasɛf klin na PAPA GƆD in yay ɛn mek PAPA GƆD we na una fɔstɛmpapa dɛn Gɔd in os klin nain yay, ɛn pul ɔltin we de mek i dɔti nain yay, kɔmɔt de.

2 Kronikuls 20:13

As ɔl dis de bi, ɔl di man dɛn na Juda tinap de bifo PAPA GƆD wit dɛn yɔŋ bebi dɛn ɛn dɛn wɛf ɛn pikin dɛm.

1 Kɔrint 7:5

Uman nɔ fɔ ɛva rifyuz in man, semwe so di man sɛf nɔ fɔ ɛva rifyuz in wɛf, pas nɔmɔ dɛn tu gri se dɛn nɔ fɔ gɛt ɛnitin fɔ du wit dɛn kɔmpin dɛn tɛm we dɛn want pre; bɔt we dɛn tɛm de dɔn pas, dɛn fɔ stat fɔ liv bak lɛkɛ aw mare du man ɛn maredman fɔ liv, if nɔ so, we dɛn nɔ go ebul kɔntrol dɛnsɛf, Setan go mek dɛn sin wɛn i kam fɔ tray dɛn.

Joɛl 1:14

I se dɛn fɔ mek dɛn fast, dɛn ɔl gɛda wan ples, Fɔ gɛda ɔl di bigman dɛn ɛn ɔlman we tap na di land, dɛn fɔ mit na PAPA GƆD we na dɛn GƆD in os; ɛn kray to PAPA GƆD.

1 Samiɛl 16:5

Samiɛl ansa dɛn se lɛ dɛn nɔ wɔri. I se in kam mek sakrifays to PAPA GƆD. I se lɛ dɛn mek dɛnsɛf klin bifo PAPA GƆD ɛn fala am go mek di sakrifays. Dɔn in mek Jɛsi ɛn in bɔypikin dɛn klin bifo PAPA GƆD ɛn invayt dɛn to di sakrifays.

Ɛksodɔs 19:22

Dɛn man dɛn we de mek sakrifays fɔ pipul sin we de kam nia mi fɔ mek shɔ se dɛn mek dɛnsɛf piɔ, ɔ nɔ so a go pɔnish dɛn.

Ɛksodɔs 19:10

PAPA GƆD tɔk bak to Mozis, I se, “Go dɔŋ to di pipul dɛn ɛn tɛl dɛn se lɛ dɛn kip dɛnsɛf piɔ ɛn oli. Dɛn fɔ du dat tide ɛn tumara: ɛn lɛ dɛn was dɛn klos ɛn

Matyu 9:15

Jizɔs ansa dɛn se, “Una min se dɛn pipul we dɛn kɔl na mared pati go kray wɛn di ɔkɔ de wit dɛn? Nɔba! Bɔt di tɛm de kam we dɛn go pul di ɔkɔ na dɛn an, na da tɛm de dɛn go kip fast.

Di Sam Dɛm 19:5

i kin shayn lɛkɛ we ɔkɔ de blɔf we i kɔmɔt na do fɔ go tek in yawo. I kin de wajuwaju lɛkɛ we pɔsin de rɛdi fɔ rɔn res.

Job 1:5

Ɛvri mɔnin afta di pati kin dɔn, Job kin mek shɔ se i sɛn go was dɛn; spɛshal was fɔ mek shɔ se dɛn klin na PAPA GƆD yay; i kin grap ali mɔnin mek bɔn ɔfrin fɔseka dɛn ɔl. I kin tink se sɔntɛm we dɛn de na di pati, dɛn dɔn du ɔ se sɔntin we go dɔn mek PAPA GƆD vɛks pan dɛn. Na so Job bin de du ɔltɛm.

2 Kronikuls 35:6

Ɛn kil di pasova ship pikin ɛn mek una sɛf oli ɛn rɛdi fɔ una brɔda dɛm fɔ du akɔdin to PAPA GƆD in wɔd we in gi Mozis.

2 Kronikuls 30:19

we put in at for fɛn Gɔd we na PAPA GƆD. In papa in Gɔd, ilɛk we i nɔ faa di lɔ fɔ di oli ples fɔ klin na Papa Gɔd in yay.

2 Kronikuls 30:17

Bikɔs de na di krawd we nɔ bin dɛn mek dɛnsɛf oil, fɔ seka dat di Livayt dɛm bin gɛt fɔ kil pasova ship pikin fɔ ɔl udat nɔ klin, fɔ mek an oli to PAPA GƆD.

Jɔshwa 7:13

PAPA GƆD tɛl Jɔshwa se mek i go tɛl di pipul dɛn se mek di pipul dɛn mek dɛnsɛf klin bifo in PAPA GƆD, bikɔs in PAPA GƆD we na dɛn PAPA GƆD se, di tin dɛn we i bin dɔn se fɔ nyakanyaka de na dɛn kamp, ɛn pas dɛn pul dɛn ɛn nyakanyaka dɛn, dɛn go de lɔs fɛt ɔltɛm.

Ɛksodɔs 19:15

I tɛl dɛn se dɛn ɔl fɔ rɛdi dɛnsɛf bay di tɔd de; ɛn nɔbɔdi nɔ fɔ tɔch uman.

Matyu 21:16

So di bigman dɛn we de mek sakrifays fɔ pipul sin ɛn di Ju Lɔ ticha dɛn aks Jizɔs se, “Yu nɔ de yɛri wetin dɛn de tɔk?” Jizɔs se, “Yɛs, a de yɛri dɛn. Una nɔ dɔn rid wetin rayt na Gɔd in Buk we se, ‘Gɔd dɔn lan yɔŋ pikin dɛn fɔ mek dɛn prez am gud gud?’”

Jɔshwa 8:35

Wan layn nɔ de we Mozis bin rayt na di lɔ we Jɔshwa nɔ rid lɛ ɔl di man dɛn, di uman dɛn ɛn di pikin ɛn fɔrena dɛn ɔl yɛri.