Joɛl 2:14 - Krio Fɔs Oli Baybul

¹⁴ I se nɔbɔdi nɔ no if i go sɔri fɔ dɛn, ɛn blɛs dɛn, if dɛn go gi PAPA GƆD we na GƆD, dɛn gren ɛn drink ɔfrin.

Joɛl 2:14 Referans Kwoze

Jona 3:9

Di kiŋ se sɔntɛm dat go mek PAPA GƆD in at kol ɛn i nɔ vɛks da bad bad vɛks we i bin vɛks igen, dɔn i go sɔri fɔ dɛn ɛn nɔ dɔnawe wit dɛn.

Egay 2:19

I aks dɛn se, ivin if i tan lɛk se nɔn sid nɔ de, if dat min se di greps tik, di fig tik, di pomigranet tik ɛn di ɔliv tik dɛn, nɔ go bia natin. I prɔmis se, dɛn go gɛt ɔltin bak.

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Zɛfinaya 2:3

Ɔl udat de du wetin PAPA GƆD want fɔ kɔntinyu fɔ du so, dɛn fɔ mek shɔ se dɛn de waka tret wan wit PAPA GƆD ɛn put dɛnsɛf dɔŋ fɔ du wetin i want, sɔntɛm we i de jɔj i go sɔri fɔ dɛn.

Jona 1:6

Di kapten go mit am de ɛn aks am wetin i de du, if na slip i de slip. Di kapten tɛl am se mek insɛf grap ɛn pre to in yon gɔd fɔ ɛp dɛn ɛn sɔntɛm i go sɔri fɔ dɛn ɛn mek dɛn nɔ day.

Emɔs 5:15

Una lɛf fɔ du bad, una du gud; una mek fia ple na kot, sɔntɛm da tɛm de PAPA GƆD, PAPA GƆD Ɔlmayti go sɔri fɔ di wan dɛn we lɛf pan di Izrɛlayt dɛn.

2 Kiŋ 19:4

Dɛn se sɔntɛm Ayzaya in Gɔd, we na PAPA GƆD dɔn yɛri ɔl di wɔd we di kiŋ na Asiria in fil kɔmanda dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

2 Samiɛl 12:22

Devid ansa se di tɛm we di pikin nɔ day yet, i bin de fast ɛn kray as i bin de tink to insɛf se sɔntɛm PAPA GƆD go sɔri fɔ am ɛn nɔ mek di pikin nɔ day.

Ɛksodɔs 32:30

Di nɛks de Mozis tɛl di pipul dɛn se dɛn dɔn sin bad bad wan to PAPA GƆD, so in de go ɔp di mawnten bak to PAPA GƆD. I se sɔntɛm PAPA GƆD go fɔgiv dɛn sin.

Sɛkɛn Lɛta To Timoti 2:25

we nɔ de tek pawa tɔk to dɛn wan we nɔ si wit am. I de go kɛlɛkɛlɛ wit dɛn bikɔs i no se sɔntɛm Gɔd go gi dɛn di chans fɔ sɔri fɔ dɛn bad trik ɛn kam no di tru tin we dɛn fɔ biliv.

Joɛl 1:16

I aks if dɛnsɛf nɔ si aw it dɛn pwɛl aw dɛn jɔy ɛn wetin kin mek dɛn gladi nɔ de na PAPA GƆD in os igen

Joɛl 1:9

Dɛn nɔ go ebul mek ɔfrin to PAPA GƆD nain os igen wit di gren dɛn ɛn drink. Di man dɛn we de mek sakrifays fɔ pipul sin we de wok fɔ PAPA GƆD fɔ sɔri ɛn kray.

Ayzaya 65:8

Na dis PAPA GƆD se: “Lɛk we wayn de na bɔnch greps ɛn dɛn kin se, “Nɔ pwɛl am, bikɔs blɛsin de pan am,’ na so a go du fɔseka mi wokman, ɛn nɔ nyakanyaka dɛn ɔl.

1 Samiɛl 6:5

Dɛn se na fɔ mek dɛn tin de we de sho di bɔmp na dɛn bɔdi ɛn di arata dɛn we dɔn de kil di pipul dɛn ɛn pwɛl di kɔntri. Dɛn se dat go sho Izrɛl dɛn PAPA GƆD se dɛn biliv se in pawaful ɛn sɔntɛm dat go mek i lɛf fɔ pɔnish dɛn, dɛn land ɛn dɛn gɔd dɛn.

Jɔshwa 14:12

I se i go gud fɔ lɛ Jɔshwa gian di kɔntri dɛn na di il bikɔs i bin de da de de ɛn bin yɛri we PAPA GƆD bin de tɔk bɔt dɛn se, na jayant dɛn de de we bil ay ay wɔl dɛn rawnd dɛn siti dɛn. Kelɛb se sɔntɛnde, PAPA GƆD go ɛp an drɛb dɛm kɔmɔt de bikɔs na so PAPA GƆD bin se.

Jɛrimaya 26:3

Sɔntɛm dɛn go lisin, ɛn ɔlman go lɛf dɛn ivul tin dɛn we dɛn de du, so dat a nɔ go du di bad bad tin we a bin dɔn plan fɔ du dɛm, fɔseka di ivul tin dɛn we dɛn de du.

Jɛrimaya 18:8

ɛn if da neshɔn de we a de tɔk bɔt chenj ɛn lɛf fɔ du bad, a go ripɛnt fɔseka di bad we a bin de plan fɔ du to dɛm.

Jɛrimaya 26:13

So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

2 Samiɛl 16:12

I se sɔntɛm sɛf na dat go mek PAPA GƆD du gud to am fɔseka di kɔs we Shimɛay de kɔs am.