Joɛl 2:13 - Krio Fɔs Oli Baybul

¹³ ɛn nɔto dɛn klos nɔmɔ dɛn fɔ chɛr fɔ sho se dɛn sɔri, na dɛn at dɛn, dɛn fɔ ɛmti bifo am. In naw se lɛ dɛn go bak to PAPA GƆD we na GƆD bikɔs nain gɛt gud at ɛn sɔri - at bad, i nɔ de vɛks kwik ɛn in lɔv fɔ dɛn nɔ de chenj, ɛn i rɛdi fɔ fɔgiv dɛn ɔltɛm.

Joɛl 2:13 Referans Kwoze

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Di Sam Dɛm 34:18

PAPA GƆD de nia ɔl udat fil se i dɔn dɔn fɔ am ɛn de ɛp udat fil se bɛtɛ nɔ de fɔ am igen

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Di Sam Dɛm 103:8

PAPA GƆD gɛt sɔri-at bad, i nɔ de vɛks kwik bɔt i rɛdi fɔ sho wi aw i lɛk wi.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

2 Samiɛl 1:11

Dɛn Devid ɛn ɔl di man dɛn we de wit am chɛr dɛn klos fɔ sho se dɛn sɔri fɔ yɛri da kayn nyuz de.

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Di Sam Dɛm 51:17

Yu lɛk we wi gɛt rayt atityud fɔ sho se wi na natin bifo yu. PAPA GƆD yu go gladi fɔ ɛnibɔdi we nɔ de es insɛf ɔp, bɔt we de sɔri fɔ in sin ɛn beg yu fɔ fɔgiv am.

2 Kiŋ 22:19

bikɔs i put insɛf dɔŋ ɛn fil sɔri fɔ wetin bi we i yɛri ɔl wetin in di PAPA GƆD dɔn tɔk bɔt di kɔntri ɛn di pipul dɛn, we i se i dɔn swɛ dɛn ɛn dɛn nɔ go bɛtɛ, ɛn fɔ we in di kiŋ chɛr chɛr in klos ɛn kray bifo am, in dɔn yɛri in prea.

Lɛta Fɔ Ɛfisɔs 2:4

Bɔt Gɔd sɔri fɔ wi ɛn bikɔs i lɛk wi bad wan, i gi wi layf wit Krays, pan ɔl we in Spirit bin dɔn lɛf wi we wi nɔ bin gri fɔ du wetin i tɛl wi fɔ du. Na di lɛk we Gɔd lɛk wi we wi nɔ fit fɔ gɛt dɔn sev wi.

Di Sam Dɛm 106:45

bikɔs i wan ɛp dɛn, i mɛmba wetin i bin se nain Kɔvinant, ɛn bikɔs in lɔv nɔ de chenj, i chenj in maynd.

Job 1:20

Wɛn Job dɔn lisin to ɔl wetin dɛn gɛt fɔ se, i grap, chɛr in klos, krep in ed, nildɔŋ wit in ed na grɔn ɛn wɔship PAPA GƆD.

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Fɔs Lɛta To Timoti 4:8

I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.

Neum 1:3

PAPA GƆD na PAPA GƆD we pawaful i peshɛnt i kin mek shɔ se udat de du bad gɛt di pe we i de fɛt fɔ. Wi de si am insay di briz we de blo; di klawd dɛn na di dɔti we in fut de mek.

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

2 Kiŋ 6:30

Wɛn di kiŋ yɛri dat i chɛr in klos. Da tɛm de di kiŋ bin stil de waka pantap di wɔl, ɛn ɛnibɔdi we bin de pas we luk am bin de si se na saklɔth i wɛr ɔnda in klos.

2 Kiŋ 5:7

Wɛn di kiŋ na Izrɛl rid di lɛta, i chɛr in klos ɛn se if in na PAPA GƆD we de kil ɛn gi layf bak we mek dis man de sɛn to am se in fɔ mɛn bad sik na bɔdi; I se na we nɔmɔ di man de fɛn fɔ mek plaba wit am.

1 Kiŋ 21:27

Wɛn Eab yɛri wetin Ilayja tɔk, i chɛr in klos, wɛr saklɔth ɛn fast. Na di saklɔth in bin de slip wit. Wɛn i kin de waka na so i kin luk ɔmbul.

Jɛnɛsis 37:34

Jekɔb chɛr in yon klos we i bin wɛr, dɔn i wɛr munin. I munin fɔ in pikin fɔ lɔŋ.

Jɛnɛsis 37:29

We Rubɛn kam bak na di ol ɛn si se Josɛf nɔ de de, i so fil am dat i chɛr chɛr in klos.

Ayzaya 58:5

Na dis kayn fast a pik, fɔ mek pɔsin ɔmbul insɛf wande? Na fɔ mek i butu in ed lɛk dɛn ay gras, ɛn fɔ prɛd saklɔth ɛn put asis ɔnda am? Yu go kɔl dis fast, ɛn de we PAPA GƆD go gri fɔ?

2 Kiŋ 22:11

We di kiŋ yɛri wetin rayt na di Buk, i chɛr chɛr in klos.

Jɛrimaya 41:5

eti man we kɔmɔt Shɛkɛm, Shilo ɛn Sameria, we dɛn bia bia shev, dɛn klos chɛr chɛr ɛn dɛn bɔdi kɔt kɔt, kam de briŋ sid ɔfrin ɛn insɛns fɔ kam gi na PAPA GƆD in os.

Jɛrimaya 42:10

I se: If una go kɔntinyu fɔ de na dis land, dat go mek a es una ɔp ɛn nɔ put una dɔŋ; a go plant una ɛn nɔ rut una; bikɔs a dɔn sɔri ɛn nɔ go du di bad bad tin we a bin wan du una, igen.

Ozie 14:1

Izrɛl, una kam bak to PAPA GƆD una Gɔd bikɔs una dɔn fɔm we una sin.

2 Kronikuls 6:27

duya yɛri dɛn prea na ɛvin. Fɔgiv di kiŋ ɛn di Izrɛlayt dɛn sin ɛn sho dɛn fɔ du wetin rayt. Dɔn PAPA GƆD, mek ren kam na dis land we yu gi yu pipul dɛn se na dɛn yon prɔpati.

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jona 3:9

Di kiŋ se sɔntɛm dat go mek PAPA GƆD in at kol ɛn i nɔ vɛks da bad bad vɛks we i bin vɛks igen, dɔn i go sɔri fɔ dɛn ɛn nɔ dɔnawe wit dɛn.