Joɛl 2:12 - Krio Fɔs Oli Baybul

¹² PAPA GƆD se, naw naw, dɛn fɔ go bak to am wit ɔl dɛn at, dɛn fɔ fast ɛn kray, ɛn sho se dɛn sɔri;

Joɛl 2:12 Referans Kwoze

Ozie 12:6

Naw, i want dɛn fɔ kam bak to PAPA GƆD. Lɛ dɛn tek in wɔd fɔ lɛk dɛnsɛf, trit dɛn kɔmpin fayn ɛn jɛs de du wetin PAPA GƆD want.

Jɛrimaya 4:1

PAPA GƆD se, “E Izrɛl, If una tɔmbak kam, na mi una fɔ tɔmbak kam to. If una lɛf fɔ du ɔl dɛn bad bad tin dɛn we a nɔ lɛk, ɛn una nɔ dawt,

Ozie 6:1

Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.

1 Samiɛl 7:6

We dɛn ɔl dɔn gɛda na Mizpa, dɛn gɛt wata, trowe am na grɔn as sakrifays to PAPA GƆD. Dɛn fast fɔ da de de ɛn we dɛn de na Mizpa nain dɛn kɔnfɛs se dɛn dɔn sin to PAPA GƆD, ɛn na de dɛn mek Samiɛl lɛk chif na Izrɛl.

1 Samiɛl 7:3

So Samiɛl tɛl di Izrɛlayt dɛn se if dɛn wan tɔn bak to PAPA GƆD wit ɔl dɛn at, dɛn fɔ trowe ɔl dɛn ɔda pipul dɛn gɔd dɛn we dɛn de wɔship ɛn di Ashtarɔt dɛn ɛn gi dɛnsɛf wit wan at to PAPA GƆD ɛn wɔship in nɔmɔ, dɔn i go pul dɛn kɔmɔt na di Filistin dɛn an.

Apɔsul Dɛn Wok 26:20

Fɔs a go tɛl dɛn pipul na Damaskɔs, Jerusɛlɛm, ɛn ɔlɔbɔt na Judia, bɔt Gɔd; dɔn a tɛl dɛn pipul we nɔto Ju bɔt Gɔd. A tɛl dɛn fɔ lɛf fɔ du dɛn bad tin we dɛn de du ɛn kam to Gɔd, ɛn fɔ de du dɛn tin we sho se dɛn dɔn kam to Gɔd.

Ozie 14:1

Izrɛl, una kam bak to PAPA GƆD una Gɔd bikɔs una dɔn fɔm we una sin.

Di Jɔj Dɛm 20:26

Nain ɔl di Izrɛl sojaman dɛn go na Bɛtɛl go kray usay dɛn kin go wɔship PAPA GƆD, ɛn fast da de de te ivintɛm. Dɛn mek pis ɔfrin ɛn di ɔfrin we dɛn de bɔn na faya, to PAPA GƆD.

Zɛkaraya 7:3

ɛn fɔ aks ɔl di man dɛn we de mek sakrifays fɔ pipul sin na PAPA GƆD in os wit ɔl di prɔfɛt dɛn, if dɛn fɔ go insay di os go mek sɔri wan lɛkɛ aw dɛn bin dɔn de du.

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Zɛkaraya 7:5

Zɛkaraya fɔ aks di pipul na di land ɛn di man dɛn we de mek sakrifays fɔ pipul sin se, in se, if we dɛn bin de fast di nɔmba fayv de na di nɔmba sɛvin mɔnt fɔ sɛvinti ia, if na fɔ in dɛn bin de fast.

Ɛsta 4:16

Mɔdikay fɔ go gɛda ɔl di Ju dɛn na Susa ɛn dɛn fɔ fast ɛn pre fɔ am. I se dɛn nɔ fɔ it ɛn drink fɔ tri de ɛn tri nɛt ɛn insɛf wit in wokuman dɛnsɛf go fast. Dɔn i go mek drayay ɛn go insay go tɔk to di kiŋ pan ɔl we bay di lɔ i nɔ fɔ du dat; i se if i fɔ day, i go day.

Ayzaya 58:4

A de tɛl una, una kin fast fɔ mek plaba ɛn fɛt nɔmɔ ɛn fɔ bɔks pipul wit una wikɛd an. Dɛn una kayn fast dɛn tɛm ya nɔ go mek a yɛri una prea.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Daniɛl 9:3

Nain a put mi atɛnshɔn to PAPA GƆD de pre ɛn beg am. A wɛr chɛr chɛr klos ɛn rɔb ashis.

Malakay 1:9

I se bɔt dɛn de kam gi PAPA GƆD dɔn dɛn want am fɔ gladi fɔ dɛn, bɔt in PAPA GƆD Ɔlmayti nɔ go gladi wit dɛn fɔ dat.

Ɛksodɔs 33:5

PAPA GƆD bin dɔn tɛl Mozis fɔ tɛl di pipul dɛn se dɛn na traŋayes pipul dɛn, ɛn if i disayd fɔ waka wit dɛn fɔ wan minit sɛf, i go kil dɛn. I se dɛn fɔ pul ɔl di gold we dɛn wɛr, dɔn in go disayd wetin fɔ du wit dɛn.

Di Jɔj Dɛm 2:4

We PAPA GƆD in enjɛl tɛl dɛn wetin i gɛt fɔ tɛl dɛn dɔn, di Izrɛlayt dɛn bigin kray.

2 Samiɛl 24:10

Devid fil bad we i mek dɛn kɔnt ɔmɔs man ebul fɛt so i beg PAPA GƆD fɔ fɔgiv am fɔ di fulish we we i biev. I se, “PAPA GƆD, a dɔn sin bad we a mek dɛn kɔnt di sojaman dɛn. Duya, a de beg, fɔgiv mi ɛn nɔ mek a de fil bad fɔ wetin a du so.”

2 Kronikuls 6:27

duya yɛri dɛn prea na ɛvin. Fɔgiv di kiŋ ɛn di Izrɛlayt dɛn sin ɛn sho dɛn fɔ du wetin rayt. Dɔn PAPA GƆD, mek ren kam na dis land we yu gi yu pipul dɛn se na dɛn yon prɔpati.

2 Kronikuls 30:6

So mɛsenja dɛm waka go ɔlsay na Izrɛl ɛn Juda wit di kiŋ ɛn di Prins dɛn lɛta aw di kiŋ kɔmand am se, “Du ya una Izrɛl pipul dɛm tɔn bak to PAPA GƆD, Ebraam, Ayzak ɛn Izrɛl dɛn Gɔd mek i go tɔn in fes bak to di balans pan una we dɔn ɛskep di Asinya kiŋ dɛn an.

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Ozie 12:7

PAPA GƆD se, biznɛsman we de rog de ɛnjɔy we i de pas am pan pipul.

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.