Joɛl 1:19 - Krio Fɔs Oli Baybul

¹⁹ PAPA GƆD, na to yu a de kray o! Faya dɔn pwɛl ɔl usay di animal dɛn fɔ it we de na di ɛmti land we pɔsin nɔ go ebul tap, ɛn di faya dɔn bɔn ɔl di tik dɛn na di fil.

Joɛl 1:19 Referans Kwoze

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Di Sam Dɛm 50:15

dɔn da tɛm de we una aks mi fɔ pul una pan trɔbul, a nɔ go fɔgɛt una ɛn una go prez mi.”

Emɔs 7:4

A si ɔda vishɔn we PAPA GƆD we na GƆD sho mi: a si i de rɛdi fɔ pɔnish in pipul wit faya. Di faya bigin kech ɔnda di big oshɔn ɛn bigin bɔn di grɔn.

Mayka 7:7

I se fɔ in yon say, in go luk to PAPA GƆD nɔmɔ as nain na di GƆD we de sev am ɛn i go yɛri am.

Lyuk 18:7

Una min se Gɔd in pipul dɛn we i dɔn pik ɛn we de kray to am de ɛn nɛt fɔ mek i ɛp dɛn, Gɔd nɔ go tek dɛn kes? Una min se Gɔd go te fɔ ansa in pipul dɛn?

Joɛl 2:3

Faya de bifo dɛn ɛn biɛn dɛnsɛf, faya de bɔn. Di land bifo dɛn tan lɛk aw da fam na Idɛn tan, bɔt afta dat di ples tan lɛk ɛmti land we pɔsin nɔ go ebul tap, ɛn natin nɔ de pas dɛn de.

Di Sam Dɛm 91:15

I go kɔl am fɔ sev am ɛn i go ansa; I se, i go pul am pan trɔbul, i go blɛs am ɛn mek in ed big.

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Jɛrimaya 14:4

Bikɔs di grɔn nɔ bia natin, bikɔs ren nɔ kam, di fama dɛn de shem, dɛn kɔba dɛn ed.

Emɔs 1:2

Emɔs tɔk se: “Di wantɛm ala we PAPA GƆD ala na Mawnt Zayɔn; wit in vɔys na Jerusɛlɛm we tan lɛkɛ tinada, ɔl dɛn grin plant wida, dɛn lif na Mawnt Kamɛl rɔtin.”

Jɛrimaya 3:9

Bikɔs i nɔ de shem fɔ rare, i dɔti di land na PAPA GƆD in yay we i de kɔmit adɔltri de wɔship tik ɛn ston.

Jɛrimaya 9:9

PAPA GƆD se, ‘A nɔ fɔ pɔnish dɛm fɔ dɛn kayn tin dɛn ya? Ɛn a nɔ fɔ rivɛnj fɔ mi nem pan kayn neshɔn lɛkɛ dis?