Joɛl 1:15 - Krio Fɔs Oli Baybul

¹⁵ Da de de na de! Bikɔs di tɛm we PAPA GƆD go kam nɔ fa igen i go kam lɛk tin we de nyakanyaka we kɔmɔt to di Ɔlmayti

Joɛl 1:15 Referans Kwoze

Jɛrimaya 30:7

Ey! Da de de go so big nɔn ɔda de nɔ go tan lɛk am; na tɛm fɔ Jekob fɔ sɔfa; bɔt stil, a go sev am.

Joɛl 2:31

San nɔ go shayn, di ples go dak ɛn di mun go rɛd lɛk blɔd. I se ɔl dis go bi di de we PAPA GƆD go kam, dat na di big de we wi fɔ fred.

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Rɛvɛleshɔn 6:17

Di tɛm dɔn kam we dɛn de sho se dɛn vɛks pan wi, udat go ebul sev insɛf?”

Jems 5:9

Mi kɔmpin Kristiɛn dɛn, una nɔ fɔ kɔmplen bɔt una kɔmpin, so dat wɛn Gɔd jɔj una, i nɔ go kɔndɛm una. Di Jɔj we go jɔj wi dɔn kam klos, i tinap na domɔt.

Di Sam Dɛm 37:13

bɔt PAPA GƆD de laf dɛn, bikɔs i no se di tɛm de kam we dɛn go no.

Jɛrimaya 46:10

Da de de, na PAPA GƆD Ɔlmayti in de, na de fɔ rivɛnj, fɔ rivɛnj fɔ insɛf pan in ɛnimi dɛm, Di sɔd go kil te i bɛlful, ɛn drink dɛn blɔd te i bɛlful. Bikɔs PAPA GƆD Ɔlmayti go mek sakrifays na di nɔt kɔntri nia riva Yufretis.

Izikɛl 30:3

Bikɔs di de dɔn kan nia, PAPA GƆD in de dɔn nia. I go bi wande we go ful wit klawd dɛm, di tɛm fɔ jɔjmɛnt pan di neshɔn dɛm.

Joɛl 3:14

Bɔku bɔku pipul, bɔku bɔku pipul, na di vali we dɛn kin gri pan sɔntin! PAPA GƆD de kam na di Vali we dɛn kin gri pan sɔntin.

Obadaya 1:15

Di de de kam we PAPA GƆD go kam jɔj ɔl di neshɔn dɛn. Lɛk aw dɛn pas am pan dɛn kɔmpin, na so dɛn go pas am pan dɛn.

Zɛfinaya 1:7

Nɔ fɔ mek nɔys usay PAPA GƆD we na PAPA GƆD de! Bikɔs di de we PAPA GƆD go kam dɔŋ de nia ɛn PAPA GƆD dɔn mek ɔl udat i invayt we na di ɛnimi dɛn dɔn rɛdi fɔ wutuwutu Juda.