Joɛl 1:13 - Krio Fɔs Oli Baybul

¹³ I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Joɛl 1:13 Referans Kwoze

Jɛrimaya 4:8

Fɔseka dat, wɛr saklɔth na yu bɔdi, kray de ala lawd wan; bikɔs PAPA GƆD stil vɛks pan wi bad bad wan.

Joɛl 2:17

I se midul usay dɛn kin kip kot ɛn usay di ɔlta de, di man dɛn we de mek sakrifays fɔ pipul sin, fɔ kray ɛn beg PAPA GƆD fɔ sɔri fɔ di pipul. Dɛn fɔ tɛl am lɛ i nɔ mek in yon pipul shem we go mek di ɔda neshɔn dɛn gɛt wɔd fɔ tɔk. I se i nɔ fɔ mek di ɔda neshɔn dɛn aks dɛn usay dɛn GƆD de.

Izikɛl 7:18

Dɛn tay rɛsbag rawnd dɛn wes, ɛn bad bad fred fred kɔba dɛm; shem de pan dɛn ɔl fes ɛn dɛn ɔl gɛt bɔl ed.

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

1 Kiŋ 21:27

Wɛn Eab yɛri wetin Ilayja tɔk, i chɛr in klos, wɛr saklɔth ɛn fast. Na di saklɔth in bin de slip wit. Wɛn i kin de waka na so i kin luk ɔmbul.

2 Kɔrint 11:23

Dɛn na Krays in savant? I tan lɛkɛ se na kresman de tɔk, bɔt mi na bɛtɛ savant pas dɛn! A de wok pas dɛn fawe, a dɔn go jel plɛnti tɛm pas dɛn, dɛn dɔn bit mi pas dɛn, day dɔn mis mi plɛnti tɛm pas dɛn.

2 Kɔrint 6:4

Bɔt bay aw wi de du ɔltin, wi de sho se na Gɔd wok wi de du. Wi de bia: wɛn wi de sɔfa, wɛn wi nɔ gɛt ɔltin we wi fɔ gɛt, wɛn wi de pan ɛni kayn waala,

2 Kɔrint 3:6

Semwe, i dɔn mek wi ebul tɔk bɔt di nyu agrimɛnt we i mek wit wi; nɔto tin we rayt na buk Gɔd tek mek di agrimɛnt, na Gɔd in Spirit mek am; bikɔs dɛn tin we rayt de kil, bɔt Gɔd in Spirit de gi layf.

1 Kɔrint 9:13

A shɔ se una no se dɛn pipul we de wok na Gɔd in Os, na Gɔd in Os dɛn de gɛt di tin we dɛn de it, ɛn dɛn wan we de mek sakrifays na di ɔlta de gɛt pan di tin dɛn we dɛn de sakrifays.

1 Kɔrint 4:1

Una fɔ no se wi de du Gɔd wok, ɛn wi no plɛnti tin bɔt Gɔd we ɔda pipul nɔ ɔndastand ɛn na wi Gɔd pik fɔ ɛksplen dɛn to ɔda pipul.

Ayzaya 61:6

Bɔt dɛn go kɔl una PAPA GƆD in man we de mek sakrifays fɔ pipul sin dɛm, pipul dɛn go tɔk bɔt una se una na wi GƆD in minista dɛm; una go it di neshɔn dɛn jɛntri, ɛn una go ɛnjɔy insay dɛn jɛntri.

2 Samiɛl 12:16

Devid fast ɛn kray de beg PAPA GƆD mek di pikin wɛl. I bin ivin de lidɔm na grɔn insay in os wɛn i kin de beg PAPA GƆD.

Di Nɔmba Dɛm 29:6

Ɔl dis ad to di sakrifays we dɛn kin bɔn ɛvri mɔnt ɛn ɛvride wit di sid sakrifays ɛn drink sakrifays we dɛn fɔ mek. Dɛn na sakrifays we dɛn de mek to PAPA GƆD na faya fɔ lɛ i pul fayn sɛnt fɔ mek i gladi.

Rɛvɛleshɔn 11:3

A go sɛn tu pipul we go tɔk bɔt mi, dɛn go wɛr di kayn klos we pipul kin wɛr wɛn dɛn gɛt bɛrin, ɛn fɔ wan tawzin, tu ɔndrɛd ɛn siksti de, dɛn go tɛl pipul di mɛsej we Gɔd gi dɛn.”

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Izikɛl 21:12

Kray ɛn ala lawd wan, mɔtalman, bikɔs i de agens mi pipul dɛn; i de agens ɔl di bigman dɛn na Izrɛl; dɛn dɔn gi dɛm ɛn mi pipul dɛn to di sɔd. So, slap yu tay at at wan.

Ozie 9:5

I aks dɛn wetin dɛn go du tɛm we PAPA GƆD se dɛn fɔ mek gladi-gladi.

Joɛl 2:14

I se nɔbɔdi nɔ no if i go sɔri fɔ dɛn, ɛn blɛs dɛn, if dɛn go gi PAPA GƆD we na GƆD, dɛn gren ɛn drink ɔfrin.

Di Nɔmba Dɛm 28:4

Fɔ mek wan yɔŋ ship na mɔnin ɛn di ɔda wan ivintɛm

Di Nɔmba Dɛm 28:7

Di drink we fɔ go wit am as sakrifays fɔ bi lɛkɛ wan paynt so ɔf ɛni drink we de mek pɔsin drɔnk fɔ ɛni wan yɔŋ ship. Fɔ tɔn di drink bifo PAPA GƆD na di ples we oli pas ɔl.

Di Nɔmba Dɛm 28:14

Wit ɛni man kaw, dɛn fɔ mek drink sakrifays we fɔ bi lɛkɛ tri paynt wayn: wit di man ship i fɔ bi lɛkɛ tu ɛn af paynt ɛn wit ɛni yɔŋ ship, i fɔ bi lɛkɛ wan ɛn af paynt. Dis nain dɛn fɔ bɔn as sakrifays ɛni mɔnt ɛn dɛn fɔ mek am na ɔl di nyu mun dɛn na di ia.

Izikɛl 27:31

Dɛn shayn dɛn ed fɔseka yu, ɛn tay saklɔth pan dɛnsɛf, ɛn dɛn de kray oba yu, bay aw dɛn sol bita, ɛn wit bita bita munin

Joɛl 2:12

PAPA GƆD se, naw naw, dɛn fɔ go bak to am wit ɔl dɛn at, dɛn fɔ fast ɛn kray, ɛn sho se dɛn sɔri;