Jɔn 7:4 - Krio Fɔs Oli Baybul

⁴ Nɔbɔdi nɔ go ayd fɔ du wetin i de du if i want mek pipul no am gud. Yu de du dɛn wɔndaful wok ya, so mek ɔlman na wɔl no bɔt yu!”

Jɔn 7:4 Referans Kwoze

Jɔn 18:20

Jizɔs ansa am se, “Na bifo ɔlman a kin tɔk, ɛn na dɛn Ju mitin os ɛn Gɔd in Os, we ɔlman kin gɛda, a kin lan pipul. A nɔ ayd fɔ tɛl ɛnibɔdi ɛnitin wande.

Lyuk 6:45

Gud pɔsin de du gud bikɔs gud de nain at ɛn bad pɔsin de du bad bikɔs na bad ful nain at. Wetin de na pɔsin in at, we i de mɛmba ɔltɛm, nain de kɔmɔt nain mɔt.

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Matyu 6:5

“Wɛn una de pre, una nɔ fɔ du lɛkɛ aw dɛn ipokrit pipul de du. Dɛn lɛk fɔ tinap na dɛn Ju mitin os, ɛn na dɛn kɔna dɛn na trit fɔ pre, so dat ɔlman go si dɛn we dɛn de pre. A want mek una no se, dɛn dɔn gɛt ɔl di pe we dɛn fɔ gɛt.

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

Matyu 4:6

ɛn i se, “If yu na Gɔd in Pikin, ib yusɛf dɔŋ, bikɔs dɛn rayt na Gɔd in Buk se, ‘Gɔd go tɛl in enjɛl dɛn fɔ gyad yu, ɛn yu go fɔdɔm na dɛn an, fɔ mek yu fut sɛf nɔ wund pan ston!’”

1 Kiŋ 22:13

Di mɛsenja we go kɔl Maykaya tɛl am se ɔl di ɔda prɔfɛt dɛn tɔk gud wɔd to di kiŋ ɛn na di sem tin dɛn ɔl tɔk; so in de advays am se wɛn i go to di kiŋ na wetin di ɔda prɔfɛt dɛn dɔn se insɛf fɔ se.

Jɔn 7:3

So Jizɔs in brɔda dɛn tɛl am se, “Kɔmɔt na dis tɔŋ go Judia, so dat dɛn pipul we de fala yu, go si di wɔndaful wok dɛn we yu de du.

Jɔn 7:5

(In brɔda dɛnsɛf nɔ bin biliv pan am).