Jɔn 7:1 - Krio Fɔs Oli Baybul

¹ Wɛn dat dɔn, Jizɔs go ɔlɔbɔt na Galili; i nɔ bin want go ɔlɔbɔt na Judia, bikɔs di Ju bigman dɛn we bin lib de bin de wet fɔ kil am.

Jɔn 7:1 Referans Kwoze

Jɔn 4:3

Wɛn Jizɔs yɛri wetin dɛn bin de tɔk, i kɔmɔt Judia go bak na Galili.

Matyu 21:38

Bɔt wɛn di pipul dɛn we rɛnt di gadin si di man in pikin, dɛn se, ‘Na dis pikin, dis prɔpati ya go lɛf to, lɛ wi kil am so dat di prɔpati go kam na wi an.’

Jɔn 7:19

Mozis bin gi una di Lɔ, nɔto so? Bɔt una nɔn nɔ de du wetin di Lɔ se. Wetin mek una de tray fɔ kil mi?”

Matyu 10:23

Wɛn dɛn mek una sɔfa na wan tɔŋ, una fɔ rɔn go na di ɔda tɔŋ. A de tɛl una fɔ tru se, una nɔ go du ɔl di wok na di tɔŋ dɛn na Izrɛl dɔn bifo Mɔtalman Pikin go tɔn bak kam na wɔl.

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.

Jɔn 4:54

Na di sɛkɛn wɔndaful wok dat we Jizɔs du wɛn i kɔmɔt Judia go Galili.

Jɔn 1:19

Di Ju bigman dɛn na Jerusɛlɛm sɛn sɔm pan dɛn man we de mek sakrifays fɔ pipul sin ɛn sɔm pan di wan dɛn we de ɛp dɛn fɔ go aks Jɔn udat i bi.

Jɔn 8:40

Na di tru wɔd dɛn nɔmɔ we Gɔd tɛl mi, a de tɛl una frɔm tɛm, bɔt pan ɔl dat, una de tray fɔ kil mi. Ebraam nɔ du so.

Jɔn 8:37

A no se una na Ebraam in grampikin pikin dɛm, pan ɔl dat una de tray fɔ kil mi, bikɔs una nɔ want du wetin a lan una.

Jɔn 7:25

Sɔm pipul na Jerusɛlɛm se, “Nɔto di man dis we di Ju bigman dɛn de tray fɔ kil?

Mak 11:18

Wɛn di bigman dɛn we de mek sakrifays fɔ pipul sin ɛn di Ju Lɔ ticha dɛn yɛri wetin Jizɔs tɔk, dɛn bigin fɛn we fɔ kil am. Dɛn bin de fred am, bikɔs ɔl di pipul dɛn bin de wɔnda wɛn dɛn yɛri wetin i de tich ɛn dɛn bin gladi.

Jɔn 6:1

Wɛn dat dɔn, Jizɔs krɔs oba Lek Galili (sɔm pipul kin kɔl am Lek Taybiryɔs).

Jɔn 7:11

Di Ju bigman dɛn bin de luk fɔ Jizɔs de. Dɛn bin de aks aks di pipul dɛn fɔ am. Dɛn se, “Usay di man de?”

Jɔn 7:13

Bɔt nɔbɔdi nɔ tɔk lawd fɔ mek plɛnti pipul yɛri dɛn bikɔs dɛn bin de fred mek di Ju bigman dɛn nɔ pɔnish dɛn.

Jɔn 7:35

Di Ju bigman dɛn bigin tɔk to dɛn kɔmpin, dɛn se, “Usay dis man de go we wi nɔ go si am? Fɔ se i go go na dɛn ɔda tɔŋ we dɛn pipul we nɔto Ju de, ɛn lan dɛn?